Local Property News | Posted by Aye Myat Thu
ရန်ကုန်တိုင်းအစိုးရကရောင်းချတဲ့တန်ဖိုးနည်းတန်ဖိုးသင့်တိုက်ခန်းတွေကို ဝယ်ယူခွင့်ရသူတွေအတွက် အမြန်နေထိုင်ခွင့်ရရှိဖို့ စီစဉ်နေတယ်လို့ ဝန်ကြီးဒေါ်နီလာကျော်ကပြောပါတယ်။
တန်ဖိုးနည်းတန်ဖိုးသင့်တိုက်ခန်းတွေကိုဝယ်ယူခွင့်ရသူတွေအနေနဲ့ ကနဦးပေးသွင်းငွေ ၂၀ ရာခိုင်နှုန်း ကိုပေးပြီးပေမယ့်လည်း နေရာချထားပေးမှုမရှိသေးတဲ့အတွက် လွှတ်တော်ကိုယ်စားလှယ် ဦးကျော်ထွန်းက ဖေဖော်ဝါရီ ၂၅ ရက်ကလွှတ်တော်မှာ မေးခဲ့တာပါ။
အဲဒီ့အတွက် ဆောက်လုပ်ရေးဝန်ကြီးဌာနနဲ့မြန်မာနိုင်ငံတော်ဗဟိုဘဏ်တို့ အပြီးသတ်ညှိနှိုင်းနေတယ်လို့ ရန်ကုန်တိုင်းလျှပ်စစ်၊စက်မှုလက်မှုနဲ့လမ်းပန်းဆက်သွယ်ရေးဝန်ကြီး ဒေါ်နီလာကျော်ကပြောပါတယ်။
အိမ်ရာတိုက်ခန်းတွေဝယ်ယူခွင့်ရသူတွေထဲက လက်ငင်းပေးချေတဲ့သူတွေကိုတော့ ရောင်းချပြီးဖြစ်ပေမယ့် အိမ်ရာအပေါင်ချေးငွေစနစ်နဲ့ဝယ်ယူသူတွေအတွက် ပုံမှန်အတိုးနှုန်း ၁၃ ရာခိုင်နှုန်းအစား ၈ ဒဿမ ၅ ရာခိုင်နှုန်းနဲ့ချေးပေးနိုင်ဖို့ ဂျပန်အစိုးရနဲ့ပူးပေါင်းဆောင်ရွက်နေတယ်လို့သိရပါတယ်။
တစ်ချို့အိမ်ရာတွေထဲက လူနေထိုင်မှုမရှိတဲ့တိုက်ခန်းတွေမှာ ပျက်စီးမှုတွေဖြစ်နေတယ်လို့လည်း ဦးကျော်ထွန်းက မေးခွန်းမှာထည့်သွင်းပြောခဲ့ပါတယ်။
အဲဒီ့ပျက်စီးမှုတွေကိုတော့ မြို့ပြနဲ့အိမ်ရာဖွံ့ဖြိုးရေးဦးစီးဌာနရဲ့အစီစဉ်နဲ့ ပြုပြင်ပေးမယ်လို့ ဝန်ကြီးဒေါ်နီလာကျော်ကပြောပါတယ်။
ရန်ကုန်တိုင်းအစိုးရက ဒဂုံဆိပ်ကမ်း၊လှိုင်သာယာ၊ရွှေပြည်သာ၊မြောက်ဥက္ကလာစတဲ့မြို့နယ်တွေမှာရှိတဲ့ တန်ဖိုးနည်းတန်ဖိုးသင့်အိမ်ရာတိုက်ခန်းရှစ်ရာကျော်ကို ရောင်းချပေးခဲ့တာဖြစ်ပါတယ်။
နေးရှင်းမြန်မာ ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။ Credit: iMyanmarHouse.com
