Local Property News | Posted by Zarni Kyaw
၂၀၃၀ ပြည့်နှစ်တွင် မြန်မာနိုင်ငံ၏ မြို့ပြလူဦးရေသည် စုစုပေါင်းလူဦးရေ၏ ၃၅ ရာခိုင်နှုန်းခန့်အထိ မြင့်တက်လာမည်ဟု မျှော်မှန်းထားကြောင်း ဆောက်လုပ်ရေးဝန်ကြီးဌာန၊ မြို့ပြနှင့်အိမ်ရာ ဖွံ့ဖြိုးရေး ဦးစီးဌာနနှင့် UN-Habitat တို့ ပူးပေါင်းရေးဆွဲထားသည့် အမျိုးသားမြို့ပြမူဝါဒ မူဘောင်တွင် ဖော်ပြထားပြီး ထိုကဲ့သို့တိုးပွားလာသည်နှင့်အမျှအိမ်ရာအဆောက်အအုံလိုအပ်ချက်မှာလည်းမြင့်မားနေဦးမည်ဖြစ်ကြောင်း သိရသည်။
မြို့ပြဖွံ့ဖြိုးတိုးတက်မှုနှင့် စပ်လျဉ်းသည့် စိန်ခေါ်မှုအသစ်များ အနေဖြင့် လက်ရှိ မြန်မာနိုင်ငံတွင် လူတစ်ဦး၏ ပြည်တွင်းအသားတင် ထုတ်လုပ်မှုတန်ဖိုးမှာ တစ်နှစ်လျှင် ခုနစ်ရာခိုင်နှုန်းမှ ရှစ်ရာခိုင်နှုန်းခန့်အထိ မြင့်တက်လျက်ရှိသည်။ ထို့ကြောင့် မြို့ပြအသွင်ကူးပြောင်းမှုဖြစ်စဉ် အရှိန်အဟုန်မှာ ပိုမိုအားကောင်းလာမည်ဟု ခန့်မှန်းထားသည်။
မြန်မာနိုင်ငံအတွင်း လူဦးရေ ဖြန့်ကြက်နေထိုင်မှု၊ တိုးပွားမှု အခြေအနေများကို လေ့လာကြည့်ခြင်းအားဖြင့် မြို့ပြအသွင်ကူးပြောင်းမှု ဖြစ်စဉ်သည် ခြေကုပ်မိလာမည် ဖြစ်ကြောင်းလည်း ဖော်ပြထားသည်။
လတ်တလော ရွှေ့ပြောင်းနေထိုင်မှုများသည် စီးပွားရေး အခွင့်အလမ်း အများဆုံး ရရှိနိုင်သော မြို့ကြီးများသို့ အဓိကဦးတည်နေပြီး ရွှေ့ပြောင်းနေထိုင်မှု ပိုမိုများပြားလာသဖြင့် ၂၀၃၀ ပြည့်နှစ်တွင် မြန်မာနိုင်ငံ၏ မြို့ပြလူဦးရေသည် ၃၅ ရာခိုင်နှုန်းခန့်အထိ မြင့်တက်လာမည်ဟု မျှော်မှန်းထားကြောင်း ဆောက်လုပ်ရေး ဝန်ကြီးဌာနမှ သိရသည်။
မြန်မာနိုင်ငံ၏ မြို့ပြလူဦးရေသည် ၂၀၁၄ ခုနှစ်တွင် ၁၅ ဒသမ ၂ သန်းရှိခဲ့ရာမှ ၂၀၃၀ ပြည့်နှစ်တွင် ၂၀ ဒသမ ၄ သန်းခန့်ဖြစ်နိုင်ပြီး လူဦးရေ စုစုပေါင်း၏၃၅ ရာခိုင်နှုန်းခန့်အထိ မြင့်တက်လာမည်ဟု မျှော်မှန်းထားကြောင်း သိရသည်။
အဆိုပါ မြို့ပြနေထိုင်သူ ၂၀ ဒသမ ၄ သန်းအနက် ၉ ဒသမ၂ သန်းခန့်မှာ လူဦးရေ တစ်သန်းအထက်ရှိသော မြို့ကြီးများတွင် နေထိုင်ကြမည်ဖြစ်ပြီး ၁ ဒသမ ၉ သန်းခန့်မှာမူ လူဦးရေ သုံးသိန်းမှ တစ်သန်းအတွင်းရှိသော အလယ်အလတ်မြို့များတွင် အခြေချ နေထိုင်လိမ့်မည်ဟု ခန့်မှန်းထားသည်။ လူဦးရေ သုံးသိန်းအောက် မြို့ငယ်များတွင်မူ ၉ ဒသမ ၃ သန်းခန့် အခြေချ နေထိုင်ကြလိမ့်မည်ဟု ယူဆကြောင်းလည်း ဖော်ပြထားသည်။
မင်းချို ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။ Credit: iMyanmarHouse.com
