Local Property News | Posted by Hnin Ei Khin
စစ်ကိုင်းတိုင်းဒေသကြီးလွှတ်တော်နှင့် အစိုးရုံးကို ၂၀၁၃ ခုနှစ်က ဆောက်လုပ်ခဲ့မှုတွင် အိုးဘိုတောင်ရပ်ကွက်နေ တောင်သူများ၏မြေယာများ ပါဝင်သွားသည့်အတွက် အစားထိုးပြန်ပေးရန် တိုင်းအစိုးရက စိစစ်နေဆဲဖြစ်ကြောင်း မုံရွာမြို့နယ်၊ အမှတ် ၂ တိုင်းဒေသကြီး လွှတ်တော်ကိုယ်စားလှယ် ဒေါ်အောင်ကြည်က ပြောကြားသည်။
“အစားထိုးပြန်ပေးဖို့မြေကွက်တွေက သုံးမျိုးရှိတယ်။ တစ်ဧကကို တစ်ကွက် သို့မဟုတ် နှစ်ကွက်ပေးဖို့ကို တချို့က သဘောမတူဖြစ်နေကြတယ်။ ပြန်ပေးဖို့ တိုင်းအစိုးရကလည်း စိစစ်ဆဲပဲရှိသေးတယ်”ဟု ၎င်းကပြောဆိုသည်။
မုံရွာမြို့၊ အိုးဘိုတောင်ရပ်ကွက်တွင် မြေယာအစားထိုးပြန်ပေးရန်စီစဉ်ထားရာ တောင်သူ ၂၀ ခန့်တွင် တချို့သောတောင်သူများက သဘောမတူသဖြင့် ပြီးခဲ့သည့် နိုဝင်ဘာလ ၈ ရက်နေ့က မြေတိုင်းတာရာတွင် ကန့်ကွက်မှုများရှိခဲ့ကြောင်း ဒေါ်အောင်ကြည်က ဆက်လက်ပြောကြားသည်။
မိမိပိုင်ဆိုင်သည့် ဦးပိုင်ပေါက်မြေ ၁၀ ဧကအနက် ခြောက်ဧကကျော်မှာ သိမ်းယူခံခဲ့ရသဖြင့် ယခုကျန်ရှိနေသည့် သုံးဧကကျော်ကိုလည်း သိမ်းဆည်းမှုမခံလို၍ ခြံခတ်ထားကြောင်း၊ မြေသိမ်းမခံလိုသည့်အတွက် တိုင်းတာခြင်းကိုလည်း ခွင့်မပြုကြောင်း တောင်သူ ဒေါ်ခင်အုန်းက ပြောဆိုသည်။
မြေသိမ်းဆည်းမှုကို၂၀၀၉ ခုနှစ်မှစခဲ့ပြီး ၂၀၁၃ ခုနှစ်တွင် လွှတ်တော်နှင့် အစိုးရရုံးဆောက်လုပ်ရန် မြေသိမ်းခဲ့ရာ အိုးဘိုတောင်ရပ်မှ တောင်သူ ၂၀ ဦးခန့်၏မြေများပါသွားကြောင်း၊ မြေအစားပြန်ပေးမည့်အစီအစဉ်တွင် အကွက်ရိုက်၍ ပြန်ပေးမည့်မြေဧကမှာ စုစုပေါင်းဧက ၆၀ ရှိကြောင်း အိုးဘိုတောင်ရပ်ကွက်အုပ်ချုပ်ရေးမှူး ဦးခိုင်မိုးဦးက ပြောကြားသည်။
စစ်ကိုင်းတိုင်းဒေသကြီးလွှတ်တော်နှင့် ရုံးဆောက်လုပ်မှုတွင် မြေပိုင်ရှင် တောင်သူများ၏တိုင်ကြားချက်ကို တိုင်းဒေသကြီး သိမ်းဆည်းမြေများ ပြန်လည် စိစစ်ရေးအထူးမြေစစ်အဖွဲ့က စစ်ဆေးပြီးစီး၍ တိုင်းအစိုးရထံသို့ စိစစ်တွေ့ရှိချက်များကို တင်ပြထားပြီးဖြစ်ကြောင်း သိမ်းဆည်းမြေများ ပြန်လည်စိစစ်ရေး အထူးမြေစစ်အဖွဲ့တွင်ပါဝင်သူ ဦးသန်းအေးက ပြောကြားသည်။
Credit: The Voice
