မန်းမှာ လယ်မြေအကွက်ရိုက်ရောင်းသူ အရေးယူမည်

မန္တလေးတိုင်းဒေသကြီးအတွင်းရှိ လယ်ယာမြေတွေမှာ ခွင့်ပြုချက်မဲ့အကွက်ရိုက် အဆောက်အအုံဆောက်လုပ်နေသူတွေကို စောင့်ကြည့်စစ်ဆေးကာ တရားစွဲအရေးယူမှုတွေ ဆက်လက်ပြုလုပ်သွားမယ်လို့ သိရပါတယ်။

မန္တလေးတိုင်းဒေသကြီး ပုသိမ်ကြီးမြို့နယ်ရှိ လယ်ယာမြေအချို့မှာ တရားမဝင်အကွက်ရိုက်ကာ အဆောက်အအုံဆောက်လုပ်နေတာတွေနဲ့ ပက်သက်လို့ စစ်ဆေးမှုတွေ ပြုလုပ်ခဲ့ပြီးနောက် လက်ရှိမှာ ခွင့်ပြုချက်မဲ့အကွက်ရိုက် ဆောက်အအုံဆောက်လုပ်သူ (၂၁)ဦးကို တရားစွဲဆိုထားတယ်။ စစ်ဆေးအရေးယူဖို့ကျန်နေတဲ့ ခွင့်ပြုထားတာတွေရှိနေပြီး ဒါတွေကိုလည်း စိစစ်အရေးယူမယ်လို့ မြို့နယ်စည်ပင်သာယာရေးကော်မတီက သိရပါတယ်။

လက်ရှိတရားစွဲဆိုထားသူတွေအနက် (၄)ဦးကို ပုသိမ်ကြီးမြို့နယ်တရားရုံးမှာ အောက်တိုဘာလ (၂၉)ရက်က ရုံးထုတ်စစ်ဆေးခဲ့တယ်။ ကျန်သူတွေကိုလည်း ဆက်လက်ရုံးထုတ်ဖို့ရှိတယ်လို့ သိရပါတယ်။ လယ်ယာမြေကို တရားမဝင်ကွက်သစ်ရိုက် လုပ်ဆောင်နေမှုတွေအပေါ် အာဏာပိုင်တွေဘက်က တားဆီးမှုတွေပြုလုပ်နေပြီးနောက် အဆိုပါဒေသတွေရှိ မြေအရောင်းအဝယ်ဈေးကွက် ရပ်တန့်သွားရုံသာမက အရောင်းအဝယ်ဖြစ်ပြီးသားမြေအချို့ပါ အရောင်းအဝယ်ပျက်ကုန်တယ်။

သည်ဖြစ်ရပ်တွေကြောင့် မန္တလေးမြို့ ပတ်ဝန်းကျင်က လယ်မြေအကွက်ရိုက် အကွက်တွေမှာ ပိုင်ဆိုင်မှု အငြင်းပွားနေတဲ့ ပြဿနာတွေ၊ ငွေကြေးအရှုတ်အရှင်း ပြဿနာတွေ ဖြစ်ပေါ်နေတာ ရှိတယ်၊ ပြဿနာတွေကြားထဲမှာ အကွက်ရိုက် ကွက်စိပ်မြေဝယ်ထားသူ အများစုသာ ထိခိုက်နစ်နာနေရတယ်လို့ နယ်ခံအချို့ထံ သိရပါတယ်။

သည်လိုဖြစ်စဉ်တွေက အခုနေရာတွေမှာ မဖြစ်ခင်ကတည်းက ရန်ကုန်မြို့နဲ့အနီးတစ်ဝိုက်ရှိမြေတွေမှာ အုတ်အော်သောင်းတင်း ကျယ်ကျယ်ပြန့်ပြန့် ဖြစ်ခဲ့တာတွေ ရှိခဲ့ပြီးသားပါ။ ဒါကို အစိုးရက နမူနာယူပြီး အခုလိုနစ်နာသူတွေ မရှိခင်ကတည်းက ကြိုတင်ကာကွယ်မှုတွေ လုပ်နိုင်တဲ့နည်းလမ်းတွေ ပျက်ကွက်ခဲ့တာကြောင့် အခုလောက်အထိ ပြည်သူတွေ တရားစွဲဆိုခံရတဲ့အထိ ဖြစ်ရတာလည်း ဖြစ်ပါတယ်။

အခုလို လယ်ယာမြေအကွက်ရိုက် မြေရောင်းဝယ်မှုသည် မြေပေါ်မှာ အဆောက်အအုံဆောက်လုပ်မှုတွေက သည်နှစ် နှစ်ဆန်းပိုင်းကတည်းက ကျယ်ကျယ်ပြန့်ပြန့်ရှိခဲ့ပေမဲ့ အောက်ခြေက တာဝန်ရှိသူတွေက ထိရောက်တဲ့ တားမြစ်မှုတွေ လုပ်ခဲ့သလားဆိုတာ မေးခွန်းထုတ်စရာ ဖြစ်ပါတယ်။

မူလမြေပိုင်ရှင်နဲ့ ကွက်စိပ်ရိုက်ရောင်းသူ၊ ကွက်စွပ်တစ်ဆင့်ခံဝယ်သူတွေကြားထဲမှာ မြေယာနဲ့ပက်သက်လို့ သုံးပွင့်ဆိုင် အရှုတ်အရှင်းတွေဟာ ယခင်ကလည်း ဖြစ်ပေါ်ခဲ့ဖူးပေမဲ့ ယခုအခါ ယခင်ထက် ပိုမိုပေါ်ပေါက်လာတာလို့ ဒေသခံအကျိုးဆောင်အချို့က ဆိုပါတယ်။

လယ်ယာမြေအကွက်ရိုက်ရောင်းချမှုတွေ၊ သစ်တောမြေအကွက်ရိုက်ရောင်းချမှုတွေစတဲ့ လွှဲပြောင်းရောင်းဝယ်ခွင့်မရှိတဲ့ မြေရောင်းဝယ်မှုတွေကို ပြင်းပြင်းထန်ထန် တားဆီးပိတ်ပင်ဖို့ အာဏာပိုင်တွေဘက်က ကြိုးစားလာတာကြောင့် မန္တလေးတိုင်း ပြင်ဦးလွင်မြို့နယ်ရှိ လယ်ယာမြေအကွက်ရိုက်တွေမှာ မြေပိုင်ဆိုင်မှုအရှုတ်အရှင်း၊ ငွေကြေးအရှုတ်အရှင်း ပြဿနာတွေ ပေါ်ပေါက်ခဲ့တာ ဖြစ်ပါတယ်။

Credit: The Kumudra