ဟံသာဝတီလေဆိပ်စီမံကိန်း မသေချာမှုကြောင့် စီမံကိန်းအနီး မြေကွက်များအား ဈေးလျှော့ရောင်းချမှုများ ရှိလာသည်

ဟံသာဝတီ လေဆိပ်စီမံကိန်းမသေချာမှုကြောင့် ဈေးကစားရန် ရည်ရွယ်ချက်ဖြင့် ဝယ်ယူထားသည့်စီမံကိန်းအနီးမြေကွက်များအား ဈေးလျှော့ရောင်းချမှုများ
ရှိလာသည်ဟု အိမ်ခြံမြေ အကျိုးဆောင်အချို့မှ ပြောကြားသည်။

ဟံသာဝတီလေဆိပ်စီမံကိန်းစတင်ရန် ပြည်ထောင်စုအစိုးရ အဖွဲ့က မဆုံးဖြတ်ရသေးကြောင်း ဇူလိုင် ၂၈ ရက်ပဲခူးမြို့ မြို့တော်ခန်းမတွင်ပြုလုပ်သော ဥပဒေပြုရေး၊အုပ်ချုပ်ရေးနှင့် တရားစီရင်ရေး မဏ္ဍိုင်သုံးရပ်တွေ့ဆုံပွဲတွင် သမ္မတ မှ ပြောကြားခဲ့သည်။ထိုသို့နိုင်ငံတော်သမ္မတက ပြောကြားခဲ့ပြီး နောင်ရက်များတွင် လေဆိပ်စီမံကိန်းအနီးမြေကွက်များ ဈေးလျှော့၍ ရောင်းလိုသူများလာကြောင်း စီးပွားရေးလုပ်ငန်းရှင်အချို့မှ ပြောကြားသည်။

ဟံသာဝတီလေဆိပ်အနီး မြေများကို ဝယ်လိုသူမရှိဘဲ ရောင်းချလိုသူများ
သကဲ့သို့ ယခင်ကျပ် သိန်း ၃ဝဝတန် မြေကွက်များကို သိန်း ၂၅ဝ ခန့်အထိဈေးလျှော့ကာရောင်းချမှုများ ရှိလာသည်ဟု ၎င်း တို့ကပြောကြားသည်။

• 
• 

"ပဲခူးလေဆိပ်သွားရာလမ်းတစ်လျှောက်တွင် မြေကွက်များကို စိတ်ဝင်စားမှုလျှော့သွားတယ်။ဈေးနှုန်းအနေအထားမျိုးပြောရင် ဒီရက်ပိုင်းအတွင်းဈေးလျှော့ရောင်းသည့်အနေအထားမျိုးတွေ့နေရတယ်" ဟု iMyanmarHouse.com ၏ မန်နေဂျင်းဒါရိုက်တာ ဦးနေမင်းသူ မှ ပြောကြားခဲ့သည်။

ထို့အပြင် ရန်ကုန်မြို့သစ်စီမံကိန်းနှင့် ပတ်သက်၍လည်း ပြန်လည်စိစစ်မည့် အခြေအနေများကြောင့် ဈေးကစားရန် ဝယ်ထားသည့်မြေကွက်များ တန်ဖိုးလျော့ကျသည်ဟု သိရသည်။မြန်မာနိုင်ငံတွင် အိမ်ခြံမြေကဏ္ဍ၌ ရင်းနှီးမြှုပ်နှံမှု
သည် စီမံကိန်းများအပေါ် အခြေခံပြီး ဈေးကစားမှုများဖြင့် တန်ဖိုးအဆပေါင်းများစွာ မြင့်တက်သည့် အခြေအနေမျိုးဖြစ်ခဲ့သည်။

ကျပ်လေးသိန်းငါးသိန်းတန် မြေတစ်ကွက်က စီမံကိန်းကြောင့်နေ့ချင်းညချင်း ကျပ်သိန်းပေါင်းရာထောင်ချီ အထိမြင့်တက်ခဲ့ရသည့် အခြေအနေမျိုး ကပြီးခဲ့
သည့် အစိုးရလက်ထက်များတွင်ဖြစ်ပေါ်ခဲ့သည်။

မြန်မာနိုင်ငံ၏ အိမ်ခြံမြေ ဈေးကွက်ကို လှုပ်ခတ်စေခဲ့သည့် စီမံကိန်းနှစ်ခုလက်ရှိအချိန်တွင် ဆက်လက်လုပ်ကိုင်ရန် မသေချာခြင်းသည် ရန်ကုန်အိမ်ခြံမြေ ဈေးကွက်ကြီးတစ်ခုလုံးကို အကျိုးသက်ရောက်မှုမရှိနိုင်ကြောင်း အကျိုးဆောင်အချို့ ကမှန်းဆကြသည်။

လက်ရှိ ရန်ကုန်အိမ်ခြံမြေ ဈေးကွက်သည် တန်ဖိုးငယ်မြေကွက်အချို့နှင့် အလယ်အလတ်တန်ဖိုးရှိမြေကွက် အချို့ အရောင်းအဝယ်အနည်းငယ်သာရှိသည်
ဟု သိရသည်။

မြန်မာနိုင်ငံ၏ စီးပွားရေးအခြေအနေအပေါ် မှီခိုနေသော ရန်ကုန်အိမ်ခြံမြေ ဈေးကွက်၊စက်မှုနှင့် အတူ တိုက်ခန်းများရောင်းချနိုင်မည့် ဈေးကွက်အခြေအနေကလည်း ပျောက်ဆုံးနေသည်ဟု ဆောက်လုပ်ရေးကန်ထရိုက်တာအချို့မှ ပြောကြားသည်။

ရန်ကုန်မြို့တော်စည်ပင်၏ စည်းကမ်းသတ်မှတ်ချက်နှင့်အချို့အပြောင်းအလဲနှင့် ဆောက်လုပ်ရေးလုပ်ငန်းသုံးပစ္စည်းများ၏ ဈေးနှုန်းမြင့်တက်မှုသည် တိုက်ခန်းများ ရောင်းလိုအားကျဆင်းချိန်တွင် တည်ဆောက်ရောင်းချသူများကို အကျပ်အတည်းဖြစ်စေသည်။

Credit :7Days News