ဝယ်လိုအားနှင့်ဖွံ့ဖြိုးမှုအရ ဗစ်တိုးရီးယားမြို့က ကမ္ဘာ့အဟော့ဆုံးလူနေအိမ်ခြံဈေးကွက်ဖြစ်လာ

ကနေဒါနိုင်ငံ ဘရစ်တစ်ရ်ှကိုလံဘီယာပြည်နယ်ရှိ ဗစ်တိုးရီးယားမြို့သည် အိမ်ခြေ ၈၅,၀၀၀ ခန့်သာ ရှိသော်လည်း ကမ္ဘာ့ထိပ်တန်းလူနေအိမ်ခြံမြေ
ဈေးကွက်များတွင် ဝယ်လိုအားနှင့် ဖွံ့ဖြိုးမှုတို့အရ လူကြိုက်အများဆုံးသော ဈေးကွက်ဖြစ်ကြောင်း Christie's နိုင်ငံတကာအိမ်ခြံမြေအေဂျင်စီ၏ နှစ်ပတ်လည်အစီရင်ခံစာအရ သိရသည်။

ဆန်ဒီယေဂို၊ အောရိန့်ဂ်ျကောင်တီ၊ ကယ်လီဖိုးနီးယား၊ ဝါရှင်တန်ဒီစီနှင့် ပဲရစ်ကဲ့သို့သော နာမည်ကျော်ဈေးကွက်များကို ကျော်လွန်၍ ဗစ်တိုးရီးယားက လူကြိုက်အများဆုံးဖြစ်လာခြင်းဖြစ်သည်။ သို့သော်လည်း သူသည် ပျမ်းမျှဈေးနှုန်း (အမေရိကန်ဒေါ်လာ ၁ ဒသမ ၂ သန်း (၂၀၁၆ ကထက် ၆ ရာခိုင်နှုန်း မြင့်တက်)) အရမူ ကမ္ဘာ့ပဉ္စမမြောက်လူကြိုက်အများဆုံးဈေးကွက်သာ ဖြစ်သည်။

• 
• 

ဗစ်တိုးရီးယားမြို့သည် ၂၀၁၆ ကထက် ၂၆ ရာခိုင်နှုန်းမြင့်တက်ပြီး ရောင်းအားပမာဏ အများဆုံးဖြစ်ရုံသာမက ရောင်းရနှုန်းတွင်လည်း ထိပ်ဆုံးဖြစ်သည်။

ဗစ်တိုးရီးယားတွင် ပြီးခဲ့သည့်နှစ်အတွင်း ဝယ်လက်တစ်ဦးအတွက် အိမ်ခြံမြေ
ရှာဖွေရန် ပျမ်းမျှကြာချိန်သည်လည်း ၃၂ ရက်သာ ကြာမြင့်ခဲ့သည်။ ယင်းသည်
စစ်တမ်းကောက်ယူခဲ့သည့် မြို့များအနက် အမြန်ဆုံးပျမ်းမျှကြာချိန်တစ်ခု ဖြစ်သည်။

နာမည်ကျော်ကနေဒါဈေးကွက်ဗန်ကူးဗားကဲ့သို့ပင် ဗစ်တိုးရီးယားတွင် နိုင်ငံခြားသားဝယ်လက်များအား အိမ်ခြံမြေဝယ်ယူမှုအခွန် ၂၀ ရာခိုင်နှုန်း ကောက်ခံပြီး ဝယ်လက်များမှာ အမေရိကန်နှင့် တရုတ်တို့မှ အများဆုံးဖြစ်ကြောင်း သိရသည်။

ဗန်ကူးဗားကဲ့သို့ပင် ဗစ်တိုးရီးယားတွင်လည်း ယခုနှစ်တွင် အိမ်ခြံမြေဈေးကွက်တည်ငြိမ်စေရေး အစိုးရစီမံချက်စည်းမျဉ်းများ ချမှတ်လာနိုင်ကြောင်း ၊ သို့သော်လည်း ဗစ်တိုးရီးယားသည် ဈေးကွက်အခြေအနေ ဆက်လက်ကောင်းမွန်နိုင်ခြေရှိကြောင်း Cristie's က ခန့်မှန်းခဲ့သည်။

ခင်အေးချမ်း မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com