ရန်ကုန်မြို့ရှိ ဆောက်လုပ်ဆဲတိုက်ခန်းတွေရဲ့ ငွေပေးချေမှုစနစ်

ရန်ကုန်မြို့ရှိ ဆောက်လုပ်နေတဲ့ တိုက်ခန်းတွေရဲ့ ဆောက်လုပ်ပြီးစီးမှုနဲ့ အရစ်ကျငွေပေးချေမှုစနစ်ကို ဖော်ပြပေးပါမည်။

အမှတ်(၄၄၂)

• 

အမှတ်(၄၄၂) ပရောဂျက်က ကနဦးပေးသွင်းငွေ (၃၀)ရာခိုင်နှုန်း ပေးချေရမှာဖြစ်ပြီး ကျန်ငွေကို ကမ္ဘောဇဘဏ် (သို့) စီဘီဘဏ်နဲ့ ချိတ်ဆက်ပြီး (၅)နှစ်အရစ်ကျ ပေးချေဝယ်ယူနိုင်တယ်လို့ သိရပါတယ်။ အထပ်ပေါင်း(၈)ထပ်ရှိပြီး (၁)လွှာမှာ (၂)ခန်းပါဝင်ပါတယ်။ ပန့်ဟောက်(စ်) (၁)ခန်း ပါဝင်ပါတယ်။အခန်းအကျယ်တွေက (၁၇x၅၄)ပေဖြစ်ပြီး ပန့်ဟောက်(စ်)မှာ စတုရန်းပေ (၅၅၁) ကျယ်ဝန်းပါတယ်။ အခန်းဈေးတွေက မြေညီထပ်ကို ကျပ်သိန်း (၁၅၀၀)ဖြစ်ပြီး ကျန်အခန်းတွေမှာ ကျပ်သိန်း (၇၀၀) ဖြစ်ပါတယ်။ (၈)ယောက်စီး ဓာတ်လှေကား(၁)စီး၊ ကိုယ်ပိုင်မီတာ၊ ကိုယ်ပိုင်မော်တာ၊ မီးစက်နဲ့ ထရန်စဖော်မာ(၁)လုံး၊ တိုက်ခန်းလုံခြုံရေးစနစ် စတဲ့ Facilities တွေ ပါဝင်ပြီး ပရောဂျက်မှာ (၂၀၁၈) ဇွန်လမှာ စတင်ပြီး (၂၀၁၉) ဇွန်လမှာ ပြီးစီးမှာ ဖြစ်ပါတယ်။ အမှတ်(၄၄၂)၊ မင်းခေါင်လမ်း၊ (၆)ရပ်ကွက်၊ တောင်ဥက္ကလာပမြို့နယ်၊ ရန်ကုန်မြို့မှာ Sun Myat Tun က ဆောက်လုပ်နေကြောင်း Myanmar Builders Guide က သိရပါတယ်။

Shwe Yinn Mar Residence

အမှတ်(၄၅၇)၊ Shwe Yinn Mar Residence ကို အရစ်ကျငွေပေးချေစနစ် (သို့) ကမ္ဘောဇဘဏ်နဲ့ ဧရာဝတီဘဏ်တွေနဲ့ ချိတ်ဆက်ပြီး မိုးမြင့်စံဆောက်လုပ်ရေးမှာ ဝယ်ယူနိုင်ပါတယ်။ Room Type အမျိုးအစားဖြစ်ပြီး ပိုင်ဖောင်ဒေရှင်း၊ ကားပါကင်၊ ကိုယ်ပိုင်မီတာ၊ မော်တာ၊ မြေအောက်ရေပိုက်ခေါင်း၊ မီးဖိုခုံ၊ စတီးဘေစင်၊ မီးဖိုခန်း၊ (နံရံကြွေပြားအပြည့်ခင်း/ကပ်)ရေချိုးခန်း၊ အိမ်သာ နံရံအပြည့်ကြွေပြားကပ်၊ ဧည့်ခန်း၊ အိမ်ခန်းတွေမှာ ပါကေးခင်း၊ အဆင့်မြင့် ပြင်ဆင်ထားပြီး ဖြစ်ပါတယ်။ Shwe Yinn Mar Residence အမှတ်(၄၅၇)၊ အောင်ချမ်းသာလမ်းနဲ့ ရွှေယင်းမာလမ်းထောင့်၊ ရန်ကင်းမြို့နယ်မှာ Mezzanine Slab လောင်း ပြင်ဆင်နေတယ်လို့ မိုးမြင့်စံဆောက်လုပ်ရေးက သိရပါတယ်။

အမှတ်(၆၅၂)

အမှတ်(၆၅၂) တိုက်ခန်းတွေကို ကနဦးပေးသွင်းငွေ (၃၅)ရာခိုင်နှုန်း ပေးသွင်းပြီး ကျန်ငွေကို (၄၈)လ အတိုးမဲ့ အရစ်ကျစနစ်နဲ့ ဝယ်ယူနိုင်ပါတယ်။ အထပ်ပေါင်း(၈)ထပ်ရှိပြီး (၁)လွှာမှာ (၂)ခန်းပါဝင်ပါတယ်။ ပန့်ဟောက်(စ်) (၁)ခန်း ပါရှိပါတယ်။ အခန်းဈေးနှုန်း ပထမထပ် သိန်း (၁၃၀၀)၊ ဒုတိယထပ် သိန်း (၁၂၀၀)၊ တတိယထပ် သိန်း (၁၁၅၀)၊ စတုတ္ထကို သိန်း (၁၁၀၀)၊ ပဉ္စမထပ် သိန်း (၁၀၅၀)၊ (၈)လွှာကို သိန်း (၁၀၀၀)ဖြစ်ပြီး ပန့်ဟောက်(စ်)ကို သိန်း (၁၃၀၀) ဖြစ်ပါတယ်။ အခန်းအကျယ်မှာ (၂၄x၄၇)ပေရှိပြီး လက်ရှိမှာ (၅၀)ရာခိုင်နှုန်း ဆောက်လုပ်ပြီးစီးနေပြီဖြစ်ကာ အမှတ်(၆၅၂)၊ မေတ္တာလမ်း၊ တောင်ဥက္ကလာပမြို့နယ်မှာ တည်ရှိပါတယ်။

Credit: Myanmar Builders Guide