သရက်တော ရေနက်ဆိပ်ကမ်းနှင့် အထူးစီးပွားရေးဇုန်မှာလေ့လာဆဲ အဆင့်သာရှိနေသေး

ရန်ကုန်တစ်ဖက်ကမ်းကော့မှူးမြို့ နယ်တွင် အကောင်အထည်ဖော်မည့် သရက်တော ရေနက်ဆိပ်ကမ်း စီမံကိန်းသည် ဒေသခံများ၏ သဘောထားနှင့် ပြည်ထောင်စု အစိုးရအဖွဲ့၏ ခွင့်ပြုချက်ရရှိမှသာ စတင် နိုင်မည်ဖြစ်ကြောင်း သတင်းရရှိသည်။

သရက်တော ရေနက်ဆိပ်ကမ်းကို ပြီးခဲ့သည့် အပတ်က စီးပွားကူးသန်းဝန်ကြီး အပါအ၀င် ရန်ကုန်တိုင်း အစိုးရအဖွဲ့  မှ သွားရောက်ကြည့်ရှုပြီးနောက်စီမံကိန်း အပေါ် စိတ်ဝင်စားသူ များပြားလာခြင်းလည်းဖြစ်သည်။

အဆိုပါ စီမံကိန်းအတွက် တိုင်းအစိုးရက ပထမဆုံးအကြိမ် လာရောက် ကြည့်ရှုခြင်းဖြစ်ပြီး ဒေသခံများနှင့် လွှတ်တော်ကိုယ် စားလှယ်များကို တစ်စုံတစ်ရာ ပြောကြားထားခြင်း မရှိသေး ကြောင်း ဒလမြို့နယ်တိုင်းဒေသ ကြီး လွှတ်တော်ကိုယ်စားလှယ် ဦးမြသိန်းက ပြောကြားသည်။

အစိုးရအနေဖြင့် စီမံကိန်းကို လေ့လာပြီးမှသာ လွှတ်တော်ကိုယ်စား လှယ်များထံ ချပြမည်ဟု မျှော်လင့်ကြောင်း ၎င်းက ဆက်လက်ပြော ကြားသည်။

ရန်ကုန်တိုင်းဝန်ကြီးချုပ် ဦးဖြိုးမင်းသိန်းသည် ဒလမြို့နယ် တွင် အကောင်အထည်ဖော်မည့် ရန်ကုန်အထူးစီးပွားရေးဇုန်စီမံ ကိန်းနှင့်ပတ်သက်၍ ပြည်ထောင် စုအဆင့် အထူးစီးပွားရေးဇုန်ဆိုင် ရာ ဗဟိုအဖွဲ့သို့ ၂၀၁၇ ဒီဇင်ဘာ ၅ ရက်တွင် ပထမဆုံးတင်ပြထားပြီဖြစ်သည်။

နောက်ပိုင်းတွင် ရန်ကုန်တစ်ဖက်ကမ်းဒလ မြို့နယ်မှ နေပြီးကောမှူးမြို့အထိ ရန်ကုန်မြို့ပြဖွံ့ ဖြိုးမှုစီမံကိန်း၏ တစိတ်တစ်ဒေသ အဖြစ်ပါဝင်လာမည့် သရက်တော့ ရေနက်ဆိပ်ကမ်းနှင့် အထူးစီးပွားရေးဇုံကို စီးပွားရေးလုပ်ငန်းရှင်များက အထူးစိတ်ဝင်စားလာခြင်းဖြစ်သည်။

သို့ သော် အချို့သောကျွမ်းကျင်ပညာရှင်များနှင့် လွှတ်တော်ကိုယ်စားလှယ်များက ရန်ကုန်အတွက် သီလ၀ါ အထူးစီးပွားရေဇုန်ရှိနေသောကြောင့် ထပ်မံပြီး စီးပွားရေးဇုန်များ မလိုအပ်တော့ကြောင်းဝေဖန်ပြောဆိုမှုများလည်းရှိနေပြီဖြစ်သည်။

နေးရှင်းမြန်မာ မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးရေးသားဖော်ပြသည်။
Credit: iMyanmarHouse.com