မြို့သစ်စီမံကိန်းအကောင်အထည်ဖော်ရန် အသေးစိတ်အချက်အလက်များ မကြာမီချပြရန် အစိုးရစီစဉ်နေ
မြို့သစ်စီမံကိန်းတွင် အိမ်ရာများ အကောင်အထည်ဖော်ရန် စီမံကိန်း အစီအ စဉ် အသေးစိတ်ကို ယခု ဇန်နဝါရီလကုန်၊ ဖေဖော်ဝါရီလဆန်းတွင် အစိုးရ က အသေးစိတ် ထုတ်ပြန်မည်ဖြစ်ကြောင်း မြန်မာနိုင်ငံ ဆောက်လုပ်ရေး ဆိုင်ရာ လုပ်ငန်းရှင်များ အသင်း တွဲဖက် အထွေထွေ အတွင်းရေးမှူး
ဦးအေးလင်းက ပြောသည်။
''ကျွန်တော်တို့ဆီမှာ မြို့သစ်စီမံကိန်းနဲ့ ပတ်သက်ပြီး ဟိုတုန်းက ပရိုပိုဆယ် ပဲ ရှိပါသေးတယ်။ အခုအစိုးရသစ် လက်ထက်မှာ သူတို့က ခုမှ ချပြမှာ ဆိုတော့ စီမံကိန်း အသေးစိတ်ကို ခုထိ ကျွန်တော်တို့က မသိသေးပါဘူး။ ဒီမြို့သစ်စီမံကိန်းရဲ့ မာစတာပလန်က နိုင်ငံတကာ ပညာရှင် အဖွဲ့အ စည်းလေးခုနဲ့ တွဲလုပ်နေတယ်လို့ သိရပါတယ်။ ဒီစီမံကိန်းနဲ့ ပတ်သက်ပြီး စီမံကိန်းအသေးစိတ်ကို ဒီဇန်နဝါရီလကုန် ဖေဖော်ဝါရီလဆန်းမှာ လုပ်ငန်း ရှင်တွေကို အသေအချာ ချပြမယ်လို့ အစိုးရဘက်က ပြောပါတယ်''ဟု ၄င်းက ပြောသည်။
ဆောက်လုပ်ရေး လုပ်ငန်းရှင်များ အနေဖြင့် မြို့သစ်စီမံကိန်းကို ပူးပေါင်း အကောင်အထည်ဖော်ရန် ပြီးခဲ့သောလ အတွင်းက ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်းနှင့် ဆောက်လုပ်ရေး လုပ်ငန်းရှင်များ တွေ့ဆုံခဲ့ပြီး စီမံကိန်းများကို အကြမ်းဖျင်းချပြခဲ့ကြောင်း ၄င်းက ပြောသည်။
ထို့ပြင် ကုမ္ပဏီအမျိုးအစား မျိုးစုံကဆောက်လုပ်ရေးလုပ်ငန်းရှင်များကိုလည်း မြို့သစ်စီမံကိန်း အကောင်အထည်ဖော်ရာတွင် ပူးပေါင်းပါဝင်ရန် အစိုးရ သစ်က မြန်မာနိုင်ငံကုန်သည်များနှင့် စက်မှုလက်မှု လုပ်ငန်းရှင်များ အသင်း တွင် ပြီးခဲ့သော သောကြာနေ့က ကျင်းပခဲ့သော အစိုးရအဖွဲ့ဝင် များနှင့် လုပ်ငန်းရှင်များတွေ့ဆုံပွဲတွင် ထပ်မံဖိတ်ခေါ်ခဲ့ကြောင်း ၄င်းက ပြောသည်။
''မြို့သစ်စီမံကိန်းမှာ တန်ဖိုးနည်းအိမ်ရာတွေ ပိုမို တည်ဆောက်နိုင်စေ ဖို့ ဆောက်လုပ်ရေးလုပ်ငန်းရှင် ဘက်ကနေ တတပ်တအား ပါဝင်ဖို့ အစိုးရ က ကျွန်တော်တို့ကို ဒီတွေ့ဆုံပွဲမှာ ထပ် ဖိတ်ခေါ်ခဲ့ပါတယ်။ ကုမ္ပဏီတွေကို သူတို့အမျိုးအစားအလိုက် ကုမ္ပဏီသေးသေးလေးက အစ သူတို့လုပ်နိုင်တဲ့ အစီအစဉ်အတိုင်း ပြင်ဆင်ထားဖို့ ပြောပါတယ်''ဟု ၄င်းက ပြောသည်။
အကြီးစား ဆောက်လုပ်ရေး လုပ်ငန်းများကို သာမက အသေးစားဆောက် လုပ်ရေး လုပ်ငန်းများကိုပါ မြို့သစ်စီမံကိန်းတွင် ပူးပေါင်း ပါဝင်ရန် ဖိတ်ခေါ် သည်ကို ဆောက်လုပ်ရေးလုပ်ငန်းရှင်များ အနေဖြင့် ကြိုဆိုကြောင်း တော် ဝင်ဆောက်လုပ်ရေးလုပ်ငန်းက ဦးကိုကိုထွေးက ပြောသည်။
''ရန်ကုန်တိုင်းဝန်ကြီးချုပ်ကတော့ သုံးလေးလအတွင်းမှာ မြို့သစ်စီမံကိန်းကို
စတင် အကောင်အထည်ဖော် ဆောင်ရွက်တော့မယ်လို့ ပြီးခဲ့တဲ့ လ က တွေ့ဆုံပွဲမှာ ပြောခဲ့ပါတယ်။ စနစ်တကျ အကောင်အထည်ဖော်တဲ့ စနစ်နဲ့ လုပ်မယ်။ အားလုံးကိုလည်း ပူးပေါင်းအကောင်အထည်ဖော်၊ ပါဝင် အကောင်ထည်ဖော်စေချင်တယ်လို့ ပြောပါတယ်။ အဲဒါ တကယ်ကောင်း တဲ့ တင်ပြချက်ပါပဲ။ အရင်က မြို့သစ်စီမံကိန်းကို တစ်ယောက်တည်းအကောင် အထည်ဖော်မယ်တို့၊ သုံးယောက်ပေါင်းပြီးပဲ အကောင်အထည်ဖော်မယ်တို့
ပြောခဲ့ပါတယ်။ အဲဒါက လက်ဝါးကြီးအုပ်ချင်တာလည်း ပါတာပေါ့''ဟု
၎င်းက ပြောသည်။
ထို့ကြောင့် မြန်မာနိုင်ငံဆောက်လုပ်ရေးဆိုင်ရာ လုပ်ငန်းရှင်များအသင်းက မြို့သစ်စီမံကိန်းတွင် ထဲထဲဝင်ဝင် ပူးပေါင်းဆောင်ရွက်သွားရန် အသင်း ဥက္ကဋ္ဌကြီးနှင့်တိုင်ပင်ပြီး သေသေချာချာပြင်ဆင်ဆောင်ရွက်သွားမည်ဖြစ်ကြောင်း ဦးအေးလင်းက ပြောသည်။
လက်ရှိအချိန်တွင် ပြည်နယ်နှင့် တိုင်းဒေသကြီးအသီးသီးတွင် တန်ဖိုးနည်း အိမ်ရာ စီမံကိန်းများ တည်ဆောက်နိုင်ရန် ဆောက်လုပ်ရေး လုပ်ငန်းရှင် များနှင့် အစိုးရအဖွဲ့ဝင်များကြား အဓိကထား ဆွေးနွေးလျက် ရှိကြောင်း ၄င်းက ပြောသည်။
''လက်ရှိအချိန်မှာတော့ ကျွန်တော်တို့က တန်ဖိုးနည်းအိမ်ရာတွေ တည်ဆောက်ဖို့ကို ဦးစားပေးတင်ပြနေတာပေါ့နော်။ ရန်ကုန်အတွက်တင် မဟုတ်ဘဲ ပြည်နယ်နဲ့ တိုင်း အသီးသီးက တန်ဖိုးနည်းအိမ်ရာတွေ အတွက်ပါ။ စီမံဘဏ္ဍာဝန်ကြီးက ပြည်နယ်အသီးသီးက တန်ဖိုးနည်း အိမ်ရာစီမံကိန်း မြေနေရာတွေနဲ့ ပတ်သက်လို့ အတတ်နိုင်ဆုံး ချပြမယ်လို့
ပြောပါတယ်။ အဲဒီအိမ်ရာတွေ တည်ဆောက်ဖို့ ကျွန်တော်တို့တင်တဲ့ ပရိုပိုဆယ်မှာလည်း ဒီဇိုင်းနဲ့ပတ်သက်ပြီး သူတို့လိုချင်တဲ့ ဒီဇိုင်း၊ ကျွန်တော် တို့ တင်တဲ့ဒီဇိုင်း ထပ်ညှိဦးမှာပါ။ ညှိပြီးမှ ဆက်လက် အကောင် အထည်ဖော်ဖြစ်မှာပါ''ဟု ၄င်းက ပြောသည်။
ထို့ပြင် ရန်ကုန်တိုင်းဒေသကြီးတွင် တန်ဖိုးနည်းအိမ်ရာများထက် တန်းဖိုး နည်း၊ တန်ဖိုးမျှတနှင့် တန်းဖိုးမြင့်အိမ်ရာများ အားလုံး ပေါင်းစပ် ထားသော Mixed useစီမံကိန်းများကို ရန်ကုန်တိုင်းဒေသကြီး ဝန်ကြီးချုပ်က ပိုမိုအကောင် အထည်ဖော် လိုကြောင်း ၄င်းက ပြောသည်။
''ရန်ကုန်တိုင်းမှာ တန်ဖိုးနည်းဆိုတာတွေထက် ဝန်ကြီးက Mixed Use ပရော ဂျက်စီမံကိန်းတွေကို အကောင်အထည်ဖော် ဆောင်ရွက်ချင်ပါတယ်။ မြို့သစ်စီမံကိန်းတွေထဲမှာ အဲဒီလို မစ်ယုစ်တွေ ပါဝင်မယ် လို့ သိရပါ တယ်'' ဟု ၄င်းက ပြောသည်။
Credit: Myanmar Times
