ကန်ဒေါ်လာတန်ဖိုး ယခုရက်ပိုင်း ဆက်ကျ

ကမ္ဘာ့ရွှေဈေးမြင့်တက်လာခြင်းကြောင့် ပြည်တွင်းရွှေ ဈေးတက်ပြီး အမေရိကန်ဒေါ်လာတန်ဖိုးဆက်လက်ကျဆင်းလာ ကြောင်း ပြင်ပငွေကြေးဈေးကွက် မှ သတင်းရရှိသည်။

အမေရိကန်ဒေါ်လာတန်ဖိုး သည် ပြင်ပငွေကြေးဈေးကွက် တွင် ဇန်နဝါရီ ၅ ရက် နံနက်က တစ်ဒေါ်လာလျှင် ၁,၃၅၄ ကျပ်ဖြင့် ဈေးဖွင့်ခဲ့သော်လည်း ညနေတွင် တစ်ဒေါ်လာလျှင် ၁,၃၄၈ ကျပ်သို့ ကျဆင်းလာသည်။

အမေရိကန် ဒေါ်လာတန်ဖိုး ကျဆင်းရခြင်း သည် ရွှေဈေးမြင့်တက်မှုအပြင် စင်ကာပူနိုင်ငံမှ ငွေလွှဲပေးပို့မှုများ ယခုရက်ပိုင်းအတွင် ရပ်တန့်နေမှုလည်း ပါဝင်ကြောင်း ပြင်ပငွေလဲ လုပ်ငန်းလုပ်ကိုင်သူတစ်ဦးက ပြောသည်။ ကမ္ဘာ့ရွှေဈေးသည် ယခု ဇန်နဝါရီလဆန်းရက်များတွင် အ နည်းငယ်ပြန်တက်လာပြီး ဇန်နဝါ ရီ ၅ ရက်၌ တစ်အောင်စလျှင် ၁,၁၇၃ ဒေါ်လာသို့ မြင့်တက်လာသည်။ ကမ္ဘာ့ရွှေဈေးသည် ရက်ပိုင်းအတွင်း တစ်အောင်စလျှင်၂၆ ဒေါ်လာမြင့်တက်သကဲ့သို့ ပြည်တွင်း ရွှေဈေးမှာလည်း ဒီဇင်ဘာ၂ ရက်နှင့် နှိုင်းယှဉ်ပါက တစ်ကျပ် သားလျှင် ကျပ် ၁၀,၀၀၀ ခန့် ဈေး မြင့်တက်လာပြီး ဇန်နဝါရီ ၅ ရက်တွင် ကျပ် ၈၅၀,၀၀၀ သို့ ရောက်ရှိလာသည်။

ပြင်ပ ငွေကြေး ဈေးကွက် တွင် အမေရိကန်ဒေါ်လာ တန်ဖိုး ကျဆင်းနေသော်လည်း ဇန်နဝါရီ ၅ ရက်က ဗဟိုဘဏ်၏ သတ် မှတ်ရည်ညွှန်းနှုန်းသည် တစ်ဒေါ် လာလျှင် ၁,၃၅၅ ကျပ်ဖြစ်ပြီး ပြင်ပဈေးကွက်မှ ဒေါ်လာဈေးထက်ပိုများသည်။


Credit: 7DayDaily