လ၀က၏ ခွင့်ပြုချက်မယူဘဲ နိုင်ငံခြားသားများအား အိမ်ငှားရမ်းစီစဉ်ပေးခဲ့သည့် ဟိုတယ်နှင့် အိမ်ရှင်များကို အရေးယူ

Local Property News | Posted by Hnin Ei Khin

မန္တလေးတိုင်းဒေသကြီးအတွင်းသို့ ၀င်ရောက်လာသောနိုင်ငံခြားသားများနေအိမ်များတွင် ငှားရမ်းနေထိုင်ခြင်းကို အကြောင်းကြားမှုမရှိသည့် ဟိုတယ်နှင့် အိမ်ရှင် ၁၀ ဦးကို အရေးယူခဲ့ကြောင်း သတင်းရရှိသည်။

စီးပွားရေးဗီဇာဖြင့် ရောက်ရှိ လာသည့် နိုင်ငံခြားသားများသည် နေအိမ်တွင် ငှားရမ်းနေထိုင်ခြင်း နှင့် ဟိုတယ်များ၌ တည်ခိုခြင်းများရှိပါက သက်ဆိုင်ရာလ၀ကရုံးသို့ အကြောင်းကြားရမည် ဖြစ်သော်လည်း ပျက်ကွက်ခဲ့၍ နိုဝင်ဘာ ၂၁ ရက်အထိ ယင်းသို့ ပျက်ကွက်သူ ၁၀ ဦးကို အရေးယူထားကြောင်း မန္တလေးတိုင်းဒေသကြီး လူဝင်မှုကြီးကြပ်ရေးနှင့် အမျိုးသားမှတ်ပုံတင်ရေးဦးစီးဌာနမှ သတင်းရရှိသည်။

SL06-04032, For Sale Land, မြောက်ဒဂုံမြို့နယ် မဟာဗန္ဓုလလမ်း တွင် မြေကွက်ကျယ် ရောင်းရန်ရှိပါသည်။

75,000 Lakh (Kyats)

Dagon Myothit (North) | Yangon Region

ရောင်းမည်

2,500 Lakh (Kyats)

South Okkalapa | Yangon Region

ရတနာအိမ်ရာ RC2ရောင်းရန်ရှိသည်

33,500 Lakh (Kyats)

Dagon Myothit (Seikkan) | Yangon Region

‘‘ဟိုတယ်နဲ့ အိမ်တွေမှာ နေ တယ်ဆိုရင် သတင်းပို့ပေးရမှာ။ သတင်းပို့ရမှာ မသိဘူးဖြစ်နေကြ တယ်။ ပြဿနာတစ်စုံတစ်ရာဖြစ် မှ သိရတာဖြစ်နေတယ်။ အိမ်ရှင် မှာပဲ တာဝန်ရှိတယ်’’ဟု တိုင်း ဒေသကြီး လူဝင်မှုကြီးကြပ်ရေးနှင့် အမျိုးသားမှတ်ပုံတင်ရေးဦးစီး ဌာနမှ ဒုတိုင်းဦးစီးမှူး ဦးဝင်းမြင့်က ပြောသည်။

အဆိုပါနိုင်ငံခြားသားများနေအိမ်များတွင် နေထိုင်ပါက သက်ဆိုင်ရာလ၀ကရုံးသို့ အကြောင်းကြားရကြောင်း သိရှိစေရန် ဆွေးနွေးပွဲများတွင် အသိပညာပေးခြင်း၊ ရပ်ကွက်အတွင်းရှိ ဆယ် အိမ်မှူး၊ ရာအိမ်မှူးတို့ကို သင်တန်းပေးခြင်းများ ပြုလုပ်ထားကြောင်း ဦးဝင်းမြင့်က ပြောသည်။

မန္တလေးမြို့ ပြည်ကြီးတံခွန် မြို့နယ်ရှိ နေအိမ်တစ်ခုတွင် တရားဝင် ၀င်ရောက်သည့် နိုင်ငံ ခြားသားများနေထိုင်နေသည်ကို အောက်တိုဘာ ဒုတိယအပတ်က စစ်ဆေးတွေ့ရှိခဲ့ရာ သက်ဆိုင်ရာလ၀ကရုံးသို့ သတ်မှတ်ပုံစံဖြင့် တိုင်ကြားအကြောင်းကြားထား ခြင်းမရှိ၍ အဆိုပါနိုင်ငံခြားသားများကို နေရာထိုင်ခင်းစီစဉ်ပေးခဲ့သည့် ကုမ္ပဏီမှ ဒုမန်နေဂျာနှင့် တာဝန်ခံကို အရေးယူမည်ဖြစ်ကြောင်း တိုင်းဒေသကြီး ရဲတပ်ဖွဲ့မှူးရုံးမှ သတင်းရရှိသည်။

နေအိမ် (သို့မဟုတ်) ဟိုတယ်များတွင် နိုင်ငံခြားသားများလာ ရောက်တည်းခိုနေထိုင်ပါက သက်ဆိုင်ရာ လ၀ကရုံးသို့ ၂၄ နာရီအ တွင်း အကြောင်းကြားရမည် ဖြစ် ပြီး ပျက်ကွက်ပါက နိုင်ငံခြားသားများ မှတ်ပုံတင်ရေးနည်းဥပဒေပုဒ်မ ၅ (၁) အရ အရေးယူမည်ဖြစ်ပြီး ငွေဒဏ်(သို့မဟုတ်) ထောင်ဒဏ် သုံးနှစ်အထိ ကျခံရမည် ဖြစ်သည်။

Credit:7DayDaily

ဟိုတယ် ကုမ္ပဏီ အိမ် အိမ်ရှင် ပြသနာ မှတ်ပုံတင်

Share on Facebook

Share on Twitter