FMI ရှယ်ယာတစ်စု ကျပ် ၁၉၀၀၀ နှင့် သီလ၀ါ ရှယ်ယာတစ်စု ကျပ် ၄၆၀၀၀ အထိ အနိမ့်ဆုံးထိုးဆင်းခဲ့ပြီး ဇူလိုင်လအတွင်း ကုမ္ပဏီနှစ်ခုပေါင်းမှ ကျပ် သုံးဘီလျံကျော်သာ ရောင်းချခဲ့ရ

ရန်ကုန်စတော့အိတ်ချိန်း စတင်ဖွင့်လှစ်သည့် ၂၀၁၆ ခုနှစ် မတ် ၂၅ ရက်မှစတင်၍ ဇွန် ၃၀ ရက်အထိ ရှယ်ယာ အရောင်းအ၀ယ်ဖြစ်မှု တန်ဖိုးပေါင်းမှာ FMI ရှယ်ယာ အရောင်းအ၀ယ်ဖြစ်ပေါ်မှု ၃၈ ဘီလျံကျော်နှင့် သီလ၀ါ ရှယ်ယာ အရောင်းအ၀ယ်ဖြစ်ပေါ်မှု ၁၃ ဘီလျံကျော်ဖြင့် ကျပ် ၅၁ ဘီလျံကျော်အထိ အရောင်းအ၀ယ် ဖြစ်ပေါ်ခဲ့ပြီး ဇွန်လအတွင်း ခြောက်ဘီလျံကျော်သာ အရောင်းအ၀ယ်ဖြစ်ပေါ်ကာ ဇူလိုင်လတွင် ကျပ် ၃ ဒသမ ၇ ဘီလျံ ကျော်သာ အရောင်းအ၀ယ် ဖြစ်ခဲ့သဖြင့် အနည်းဆုံး အရောင်းအ၀ယ် ဖြစ်ပေါ်မှု ဖြစ်ခဲ့ကြောင်း ရန်ကုန်စတော့အိတ်ချိန်းမှ သြဂုတ် ၁ ရက်တွင်ထုတ်ပြန်သည့် လစဉ် အရောင်းအ၀ယ် ဖြစ်ပေါ်မှုဆိုင်ရာ အချက်အလက်များအရ သိရသည်။

င်္FMI ကုမ္ပဏီ၏ အရောင်းအ၀ယ်ဖြစ်ပေါ်သည့် အခြေအနေများမှာ မတ်လတွင် အနိမ့်ဆုံး ကျပ် ၃၁၀၀၀ မှ အမြင့်ဆုံး ကျပ် ၄၁၀၀၀ အကြားတွင် အစုရှယ်ယာ အရောင်းအ၀ယ် ဖြစ်ပေါ်မှုပေါင်း ၆၆၉၉၃၉ အထိရှိခဲ့သည်။ ဧပြီလတွင်မူ အနိမ့်ဆုံး ကျပ် ၃၀၀၀၀ နှင့် အမြင့်ဆုံး ကျပ် ၃၇၀၀၀ အကြားတွင် အစုရှယ်ယာပေါင်း ၁၈၂၇၅၇ စုသာ အရောင်းအ၀ယ် ဖြစ်ပေါ်ခဲ့သဖြင့် ထိုသို့ အစုရှယ်ယာ အရောင်းအ၀ယ် ဖြစ်ပေါ်မှု ကျဆင်းခဲ့ရခြင်း ဖြစ်ကြောင်း သိရှိရသည်။

• 
• 

မေ ၂၀ ရက်တွင် စတင်ရောင်းချသည့် သီလ၀ါ MTSH ရှယ်ယာများအနေဖြင့် ရှယ်ယာတစ်စုလျင် ကျပ် ၅၀၀၀၀ ဖြင့်သာ ဈေးဖွင့်ခဲ့သော်လည်း ကျပ် ၇၀၀၀၀ အထိ ဈေးနှုန်းမြင့်တက်မှုဖြစ်ပေါ်ခဲ့သည်။ အဆိုပါ နှုန်းထားများသည်ပင် သီလ၀ါရှယ်ယာ၏ အမြင့်ဆုံးနှင့် အနိမ့်ဆုံး ဈေးနှုန်းများဖြစ်ခဲ့ ပြီး အစုရှယ်ယာ အရောင်းအ၀ယ် ဖြစ်ပေါ်မှုပေါင်း ၁၇၃၉၂၅ စု ဖြစ်ပေါ်ကာ ကျပ် ၁၀ ဘီလျံကျော်ဖိုးအထိ အရောင်းအ၀ယ်ဖြစ်ပေါ်ခဲ့သည်။ သီလ၀ါရှယ်ယာများသည်လည်း ရှယ်ယာတစ်စုလျင် ကျပ် ၅၂၀၀၀ အထိ ကျဆင်းခဲ့ပြီး အရောင်းအ၀ယ် ဖြစ်ပေါ်မှု ၇၄၀၄၂ စုသာရှိကာ ၃ ဒသမ ၉ ဘီလျံကျော်ဖိုးသာ အရောင်းအ၀ယ် ဖြစ်ပေါ်ခဲ့သည်။

ဇွန်လတွင် FMI ရှယ်ယာအဖွင့်ဈေးမှာ ၂၅၅၀၀ ကျပ်ရှိခဲ့ပြီး အမြင့်ဆုံးကျပ် ၂၇၀၀၀ ဖြစ်ခဲ့ကာ အနိမ့်ဆုံးမှာ ရှယ်ယာတစ်စုလျင် ကျပ် ၂၀၀၀၀ ဖြစ်ခဲ့ပြီး အစုရှယ်ယာ အရေအတွက် ၁၁၈၅၅၀ ဖြင့် ၂ ဒသမ ၉ ဘီလျံကျော်ဖိုး အရောင်းအ၀ယ် ဖြစ်ပေါ်ခဲ့ပြီး သီလ၀ါရှယ်ယာမှာ အဖွင့်ဈေး ၅၆၀၀၀ ကျပ်ရှိခဲ့ပြီး အမြင့်ဆုံးကျပ် ၅၉၀၀၀ ဖြစ်ခဲ့ကာ အနိမ့်ဆုံးမှာ ရှယ်ယာတစ်စုလျင် ကျပ် ၄၇၀၀၀ ဖြစ်ခဲ့ကာ အစုရှယ်ယာ အရေအတွက် ၇၄၀၄၂ ဖြင့် ၃ ဒသမ ၉ ဘီလျံကျော်ဖိုး အရောင်းအ၀ယ်ဖြစ်ပေါ်ခဲ့သည်။

ဇူလိုင်လတွင် FMI ရှယ်ယာအဖွင့်ဈေးမှာ ၂၂၀၀၀ ကျပ်ရှိခဲ့ပြီး အမြင့်ဆုံးကျပ် ၂၂၀၀၀ သာဖြစ်ခဲ့ကာ အနိမ့်ဆုံးမှာ ရှယ်ယာတစ်စုလျင် ကျပ် ၁၉၀၀၀ အထိကျဆင်းခဲ့ပြီး အစုရှယ်ယာအရေအတွက် ၆၉၆၆၃ ဖြင့် ၁ ဒသမ ၄ ဘီလျံကျော်ဖိုး အရောင်းအ၀ယ် ဖြစ်ပေါ်ခဲ့ပြီး သီလ၀ါရှယ်ယာမှာ အဖွင့်ဈေး ကျပ် ၅၀၀၀၀ ရှိခဲ့ပြီး အမြင့်ဆုံး ကျပ် ၅၁၀၀၀ သာဖြစ်ခဲ့ကာ အနိမ့်ဆုံးမှာ ရှယ်ယာတစ်စုလျင် ကျပ် ၄၆၀၀၀ ဖြစ်ခဲ့သဖြင့် အစုရှယ်ယာ အရေအတွက် ၄၆၃၈၅ ဖြင့် ၂ ဒသမ ၃ ဘီလျံကျော်ဖိုးသာ အရောင်းအ၀ယ် ဖြစ်ပေါ်ခဲ့သည်။

Credit: Eleven Media Group