အိမ်ခြံမြေ အပေါင်အကြောင်း သိကောင်းစရာ
အရပ်ထဲတွင် အပေါင်ခံသူများ ရှိတတ်ကြပါသည်။ ထိုသို့ အပေါင်ခံရာတွင် ရွှေ့ပြောင်းနိုင်သောပစ္စည်းကို အပေါင်ခံခြင်းနှင့် မရွှေ့မပြောင်းနိုင်သောပစ္စည်းကို အပေါင်ခံခြင်းဟူ၍ (၂)မျိုးရှိပါသည်။
အဝတ်အထည်၊ လူသုံးကုန်ပစ္စည်း၊ ရွှေထည်ပစ္စည်း စသည်တို့သည် ရွှေ့ပြောင်းနိုင်သော ပစ္စည်းများ ဖြစ်သည်။ ယင်းပစ္စည်းများ အပေါင်ခံထားခြင်းသည် အမှန်စင်စစ် ငွေချေးရာတွင် အာမခံတင်သွင်းထားခြင်း ဖြစ်ပါသည်။ ထို့ကြောင့် ယင်းကိစ္စသည် ``ငွေတိုးချေးစားခြင်းအက်ဥပဒေ´´နှင့် သက်ဆိုင်ပေသည်။
အိမ်၊ ခြံ၊ မြေ စသည်တို့သည် မရွှေ့မပြောင်းနိုင်သော ပစ္စည်းများ ဖြစ်သည်။ ယင်းပစ္စည်းများကို အာမခံထား၍ ငွေချေးခြင်းသည် ပေါင်နှံခြင်းမည်၏။ ယင်းပေါင်နှံခြင်းဆိုင်ရာ ကိစ္စရပ်များကို ``ပစ္စည်းလွှဲပြောင်းခြင်းအက်ဥပဒေ´´တွင် ပြဌာန်းထားပေ
သည်။ပေါင်နှံခြင်းအမျိုးမျိုးအကြောင်းကို ယင်းဥပဒေတွင် ပြဌာန်းထားသည်ကို တွေ့ရပါသည်။
အပေါင်စာချုပ် ပြုလုပ်ရာတွင် ဥပဒေနှင့်အညီ ပြုလုပ်ရန် လိုအပ်ပေသည်။ ဖော်ပြပါ ပြဌာန်းထားသည့်အတိုင်း စာချုပ် မချုပ်ပါက တရားမဝင် ဖြစ်တတ်သည်။ မည်သည့်အခါ မည်ကဲ့သို့ ချုပ်ရသည်၊ သက်သေမည်မျှ လက်မှတ်ရေးထိုးပါဝင်ရမည်၊ မည်သည့်နေရာတွင် ချုပ်ပါက မှတ်ပုံတင်ရမည်၊ စသည်ဖြင့် သတ်မှတ်ချက်များ ရှိပါသည်။
ပေါင်နှံခြင်းတွင် ရွေးနုတ်ခွင့်၊ ပစ္စည်းကို ရွေးနုတ် ပိတ်ပင်ခြင်း၊ ရောင်းချခြင်း စသည်တို့သည်လည်း အရေးပါသည့် ကိစ္စရပ်များဖြစ်သည်။
ပစ္စည်းလွှဲပြောင်းခြင်းအက်ဥပဒေ ပုဒ်မ ၅၉ အရ တန်ဖိုး ၁၀၀ အထက်ရှိသော ချေးငွေအတွက် အိမ်၊ ခြံ၊ မြေ အစရှိသည့် မရွှေ့မပြောင်းနိုင်သောပစ္စည်းကို ပေါင်နှံလျှင် စာချုပ်ပြုလုပ်ချုပ်ဆို၍ မှတ်ပုံတင်ရပေသည်။
ရန်ကုန်၊ ပုသိမ်၊ မော်လမြိုင်၊ စစ်တွေ၊ မန္တလေးမြို့များတွင်သာ ပြုလုပ်ခွင့်ရှ်ိသည့် စာချုပ်ကိုအပ်၍ ပေါင်နှံခြင်းကိစ္စမှာမူ စာချုပ် ချုပ်ဆိုခြင်း၊ မှတ်ပုံတင်ခြင်း ပြုလုပ်ရန် မလိုဟု ဆိုသည်။
မှတ်ပုံတင်ရမည့် ကိစ္စတွင် မှတ်ပုံမတင်ပါက ပေါင်နှံခြင်း အထ မမြောက်။ ထိုကဲ့သို့ ပေါင်နှံခြင်း အထမမြောက်သည့်အခါ ပစ္စည်းရှင်အနေဖြင့် အပေါင်မှု စွဲဆိုရမည်လော၊ အိမ်ခြံမြေ လက်ရောက်ရလိုမှု စွဲဆိုရမည်လော စသည်ဖြင့် ဥပဒေပြဿနာများ ကြုံတွေ့ရတတ်သည်။
အပေါင်စာချုပ်ကို ပစ္စည်းလွှဲပြောင်းခြင်းဥပဒေ ပုဒ်မ ၅၈၊ ၅၉၊ ၅၉(က) တို့အရ ပြုလုပ်ဆောင်ရွက်ကြရမည်ဖြစ်သည်။ အပေါင်စာချုပ်များကို မည်သည့်အခါတွင် မည်ကဲ့သို့ ချုပ်ဆိုရမည်ဆိုသည်ကို အဆိုပါ ဥပဒေ ပုဒ်မ ၅၉ တွင် ဖော်ပြထားပြီးဖြစ်ပါသည်။ ဖော်ပြထားသည့်အတိုင်း ပြုလုပ်မှ တရားဝင်သည်။ သို့မဟုတ်ပါက အပေါင်စာချုပ်သည် တရားမဝင်ပေ။
အပေါင်စာချုပ်တွင် အသိသက်သေ (၁)ယောက်တည်း လက်မှတ်ရေးထိုးရုံဖြင့် မလုံလောက်ပေ။ အနည်းဆုံး အသိသက်သေ (၂)ယောက် ရှိရမည်။ (၂)ယောက် လက်မှတ်ရေးထိုး ပါဝင်ရမည်။ သို့မှသာ တရားဝင်သည်။
မရွှေ့မပြောင်းနိုင်သော ပစ္စည်းကို အပေါင်ပြုလုပ်လျှင် ပစ္စည်းလွှဲပြောင်းခြင်းအက်ဥပဒေ ပုဒ်မ ၅၈(င)အရ အပေါင်ပစ္စည်း၏ ပိုင်ဆိုင်ခွင့် စာချုပ်စာတမ်းများကို ရန်ကုန်၊ မော်လမြိုင်၊ပုသိမ်၊စစ်တွေ၊မန္တလေးမြို့များတွင် ပေါင်သူကအပေါင်ခံသူသို့ ပေးအပ်ပြီး ပေါင်လျှင် ရေစစ္စရီမှတ်ပုံ
တင်ရန် မလိုအပ်ဟု ဆိုရပေသည်။
မရွှေ့မပြောင်းနိုင်သော ပစ္စည်းတစ်ခုခုကို ဖော်ပြပါ မြို့များတွင် မဟုတ်ဘဲ အခြားမြို့များတွင် ပေါင်မည်ဆိုပါက တန်ဖိုးငွေ ၁၀၀ ကျပ်ထက် လျော့ပါက အပေါင်စာချုပ်ကို လက်မဲ့အပေါင်အဖြစ် ချုပ်ရုံဖြင့် တရားဝင်သည်။
Credit: အိမ်ခြံမြေအကျိုးဆောင်
