တစ်လ ကျပ် (၃၀,၀၀၀) နှုန်းဖြင့် အရစ်ကျ ၀ယ်ယူနိုင်သည့်အိမ်ရာ
ကရင်ပြည်နယ်၊ ဘားအံမြို့တွင် နှစ်(၃၀) အရစ်ကျဖြင့်
ပေးသွင်းနိုင်မည့် အိမ်ရာစီမံကိန်းတစ်ခုအား
ဖော်ဆောင်သွားရန်သက်ဆိုင်ရာ ပြည်နယ်ဝန်ကြီးချုပ်
ကခွင့်ပြုလိုက်ပြီ ဖြစ်ကြောင်း သြဂုတ် (၃၁) ရက်တွင် ဘားအံမြို့ရှိ ဇွဲကပင်ခန်းမတွင် ကျင်းပပြုလုပ်ခဲ့သည့် အိမ်ရာစီမံကိန်းသစ် မိတ်ဆက်ပွဲမှ သိရသည်။
၎င်းစီမံကိန်းအား The Infrastructure of Myanmar မှ တာဝန်ယူဖော်ဆောင်သွားမည် ဖြစ်ပြီး လက်ရှိတွင် အိမ်ရာစီမံကိန်း စတင်နိုင်ရန် မြေသားစမ်းသပ်မှုများ လုပ်ဆောင်ရခြင်း မရှိသေးကြောင်း သိရသည်။
"အိမ်ရာစီမံကိန်း ဘယ်တော့စမယ် ဆိုတာကတော့ အတိအကျ မဖော်ပြနိုင်သေးဘူး။ ကျွန်တော်တို့ MoU ထိုးဖို့ လုပ်နေတယ်။
အဲဒီအဆင်းပြီးရင်တော့ မြေသားစမ်းသပ်မယ်။ ပြီးရင်တော့ စီမံကိန်း စတင်နိုင်မှာပါ။ ကျွန်တော်တို့က အိမ်ရာထက် လမ်းတွေ၊ ရေမြောင်းတွေကိုဦးစားပေးစနစ်နဲ့ ဖော်ဆောင်သွားမှာပါ"ဟု The Infrastructure of Myanmar မှ ဒါရိုက်တာ ဦးခင်မောင်တိုးက ပြောသည်။
အဆိုပါစီမံကိန်းမှာ ကရင်ပြည်နယ်၊ ဘားအံမြို့ရှိ ဘားအံစက်မှုဇုန်အနီးတွင် တည်ဆောက်မည်ဖြစ်ပြီး အကျယ်အ၀န်းမှာ မြေဧက (၂၀) ရှိကြောင်း သိရသည်။
ယင်းမြေသည် လယ်ယာမြေ မဟုတ်သည့်အတွက် အရှုပ်အရှင်းကင်းပြီး မြေလွတ်မြေရိုင်း ဖြစ်သည့်အပြင် စက်မှုဇုန်စတင်တည်စဉ် က စက်မှုဇုန် လုပ်သားများအတွက် တည်ဆောက်ပေးရန်လျာထားသည့်စက်မှုလုပ်သားများရွာ နေရာတွင် ဖြစ်ကြောင်းသိရသည်။
"လက်ရှိမှာအဲဒီနေရာကအမည်ခံနေရာ ဖြစ်နေတယ်။ မြေလွတ်မြေရိုင်းနေရာ ဖြစ်နေတော့ လျော်ကြေးကိစ္စ ရှင်းတယ်။ ဒါပေမယ့် အခု အဲဒီနေရာကို တစ်ဧက သိန်း (၁၃၀)ပေးသွင်းရမယ် ကျွန်တော့်ဆီမှာ ရောက်လာတဲ့ စာမှာခေါင်းစဉ်ကစီမံခန့်ခွဲမှုရန်ပုံငွေဖြစ်နေတာကြောင့် ငွေသွင်းဖို့ ပြန်လည် ဆွေးနွေးနေပါတယ်။
တကယ်ဆို မြေရောင်းတယ်ဆိုတဲ့ ခေါင်းစဉ်မျိုး ကမှဖြစ်သင့်တာပါ"ဟု ဦးခင်မောင်တိုးက ပြောသည်။
ယင်းအိမ်ရာစီမံကိန်း အတွက် ကုန်ကျစရိတ်အနေဖြင့် ကျပ် ၂၅ ဒသမ ၆ ဘီလီယံခန့် ကုန်ကျနိုင်ကြောင်း ခန့်မှန်းတွက်ချက်ထားပြီး အိမ်ခန်းပေါင်းအကျယ် ပေ (၂၀×၃၀) ရှိပြီး၊ စတုရန်းပေ (၆၀၀) အကျယ်ရှိသည့် အခန်းပေါင်း ၂,၅၆၀ ခန်းဆောက်လုပ်သွားမည် ဖြစ်သည်။
ထို့နောက် ယင်းစီမံကိန်းအား နှစ်နှစ်အတွင်း အပြီးသတ် အကောင်အထည် ဖော်သွားမည်ဖြစ်ရာတိုက်ခန်းတစ်ခန်းအား တစ်လလျှင် ကျပ် (၃၀,၀၀၀) နှုန်းဖြင့် နှစ် (၃၀)အရစ်ကျ ပေးသွင်းကာဝယ်ယူနိုင်မည်
ဖြစ်ကြောင်းသိရသည်။
"အခန်းတိုင်းကတော့ ဈေးနှုန်းကအတူတူပါပဲ။ ဆောက်လုပ်မှာကလည်းတစ်တိုက်ကို လေးထပ်နှုန်းနဲ့ ဆောက်လုပ်မှာ ဖြစ်တယ်။ နှစ်(၃၀)စီမံကိန်းနဲ့အကြွေးရောင်းမှာ
ဖြစ်တာကြောင့် သေချာပါတယ်။ နှစ် (၃၀) အတွင်း ပျက်စီးနိုင်မှု လုံးဝမရှိပါဘူး"ဟု မြဌေးကြွယ်လင်း ကုမ္ပဏီအုပ်ချုပ်မှု ဒါရိုက်တာ ဦးစောသန်းမြက ပြောသည်။
၎င်းအိမ်ရာအတွင်း ပါရှိသည့် တိုက်ခန်းတိုင်းတွင် အိပ်ခန်း တစ်ခန်း၊ ရေချိုးခန်း၊ အိမ်သာ ပါရှိပြီး မီးဖိုချောင်နောက်တွင် အမှိုက်စွန့်ပစ်သည့်စနစ်ကိုပါတပ်ဆင်ပေးသွားမည် ဖြစ်ကြောင်းပတ်ဝန်းကျင်ညစ်ညမ်းမှုကိုလည်း လျှော့နည်းစေမည်ဖြစ်ကြောင်း သိရသည်။
The Infrastructure of Myanmar အနေဖြင့် အိမ်ရာစီမံကိန်းများကို မြန်မာနိုင်ငံရှိ ပြည်နယ်နှင့်တိုင်း ဒေသကြီး(၁၄)ခုတွင်အခန်းပေါင်း နှစ်သန်းခန့် ဆောက်လုပ်သွားရန်ရည်ရွယ်ပြီး ပထမဆုံးအနေဖြင့် ကရင်ပြည်နယ်တွင် စတင်မည်ဖြစ်ကြောင်း၊ စစ်ကိုင်းတိုင်းဒေသကြီး တွင်လည်း အိမ်ရာစီမံကိန်း ဖော်ဆောင်သွားရန် ခွင့်ပြုစာ ထွက်ရှိပြီးသား ဖြစ်ကြောင်း၊ ယင်းဒေသများတွင် စီမံကိန်းများ ပြီးစီးပါက လူနေသိပ်သည်းသည့် ရန်ကုန်တိုင်းဒေသကြီးအတွင်းတွင်လည်းယင်းစီမံကိန်းလုပ်ဆောင်ရန် လျှောက်ထားခဲ့သော်လည်း မြေနေရာအခြေအနေကြောင့်စီမံကိန်းအကောင်အထည်ဖော် လုပ်ဆောင်နိုင်ခြင်း မရှိသေးကြောင်း သိရသည်။
Credit : Kyu Kyu Ko (T.T.T)
