လေးစားစရာအကောင်းဆုံး နိုင်ငံအဖြစ် ကနေဒါ ရွေးချယ်ခံရ

လေးစားစရာ အကောင်းဆုံး နိုင်ငံများ စာရင်းကို နှစ်စဉ် ထုတ်ပြန်လျက်ရှိရာ ယခုနှစ်အဖို့ ကနေဒါ နိုင်ငံက ထိပ်ဆုံး ရွေးချယ်ခံရကြောင်း သိရသည်။

ပြီးခဲ့သည့် ငါးနှစ်အတွင်း ကနေဒါသည် လေးနှစ်တိုင်တိုင် လေးစားစရာ အကောင်းဆုံး ထိပ်ဆုံး နိုင်ငံ ဖြစ်ခဲ့သည်။ ပြီးခဲ့သည့် နှစ်ကသာ ဆွစ်ဇာလန်နောက် ရောက်ကာ ဒုတိယဖြင့် ရပ်တည်ခဲ့ရသည်။ ကမ္ဘာလှည့် ခရီးသည်များ၏ မဲပေး အကဲဖြတ်မှုများပေါ် မူတည်ပြီး ရွေးချယ်ခြင်း ဖြစ်သည်။

• 

မဲပေးသူ (၇၈ ဒသမ ၁ ရာခိုင်နှုန်း) က ကနေဒါကို လေးစားစရာ အကောင်းဆုံး နိုင်ငံ အဖြစ် မဲပေးခဲ့ကြသည်။ ကနေဒါသည် ထိရောက်သော အစိုးရ၊ အားကောင်းသော ဖွံ့ဖြိုးမှု၊ မြင့်မားသော လူမှုဝန်းကျင် အရည်အသွေး ရှိသည်ဟု ကမ္ဘာလှည့် ခရီးသည် အများစုကြီးက မဲပေးခဲ့ကြသည်။ နှစ်စဉ် အဆင့် သတ်မှတ်ချက်ကို Reputation Institute က ထုတ်ပြန်ခြင်း ဖြစ်ပြီး '၂၀၁၅ ခုနှစ် လေးစားစရာ အကောင်းဆုံး နိုင်ငံများစာရင်း' ဟု နာမည် ပေးထားသည်။

စာရင်းတွင် နိုင်ငံပေါင်း (၅၅) နိုင်ငံကို အဆင့် သတ်မှတ်ခဲ့သည်။ နိုင်ငံတစ်နိုင်ငံချင်း၏ နည်းပညာ ဖွံ့ဖြိုးမှု၊ လူ့စွမ်းအား အရင်းအမြစ် အသုံးပြုမှု၊ လူမှုကဏ္ဍ မူဝါဒ၊ စီးပွားကဏ္ဍမူဝါဒ၊ ပတ်ဝန်းကျင်ကောင်း၊ နိုင်ငံတကာ အလယ် ရပ်တည်သည့် ဂုဏ်ရည်များကို အကဲဖြတ်ကာ အဆင့် သတ်မှတ်ခြင်း ဖြစ်သည်။ ထိပ်ဆုံးတွင် ကနေဒါ ရပ်တည်ပြီး၊ နော်ဝေ၊ ဆွီဒင်၊ ဆွစ်ဇာလန်၊ သြစတြေးလျတို့က ထိပ်ဆုံး ငါးနိုင်ငံအဖြစ် အစဉ်လိုက် ရပ်တည်သည်။

ဗြိတိန်နိုင်ငံက အဆင့် (၁၃) တွင် ရပ်တည်သည်။ အိုင်ယာလန်ကား အဆင့် (၁၁) ဖြင့် ရပ်တည်သည်။ အမေရိကန် နိုင်ငံကား ထိပ်ဆုံးနိုင်ငံ (၂၀) စာရင်းထဲကိုပင်မ၀င်။ ရုရှားသည်လည်း ယူကရိန်း အရေးနှင့် ကရိုင်းမီးယား အရေးတို့တွင် နာမည် ထိခိုက်မှုများ ရှိခဲ့သဖြင့် ထိပ်ပိုင်းစာရင်းထဲ မ၀င်နိုင်ခဲ့။ ကမ္ဘာလှည့် ခရီးသည် ပိုမိုဝင်ရောက်ရေး၊ နိုင်ငံခြား တိုက်ရိုက် ရင်းနှီးမြုပ်နှံမှု တိုးမြင့်ရရှိရေးတွင် နိုင်ငံ၏လေးစားခံရမှု ဂုဏ်သတင်းကောင်းသည် အထူးအရေးကြီးသည်။ နာမည်ကောင်း ထွက်လေ ထိုကဏ္ဍနှစ်ရပ်တွင် နိုင်ငံသည် တိုးတက်လေ ဖြစ်သည်။

ထို့အပြင် နိုင်ငံ အရွယ်အစားနှင့် သြဇာထက် နိုင်ငံသားများ ပျော်ရွှင်ကျေနပ်နှုန်းက ထိုနိုင်ငံ၏ လေးစားခံရနှုန်း အပေါ် ပိုအဆုံးအဖြတ် ပေးကြောင်းလည်း သိရသည်။

၁။ ကနေဒါ ၇၈ ဒသမ ၁ ရာခိုင်နှုန်း
၂။ နော်ဝေ ၇၇ ဒသမ ၁ ရာခိုင်နှုန်း
၃။ ဆွီဒင် ၇၆ ဒသမ ၆ ရာခိုင်နှုန်း
၎။ ဆွစ်ဇာလန် ၇၆ ဒသမ ၄ ရာခိုင်နှုန်း
၅။ သြစတြေးလျ ၇၆ ဒသမ ၃ ရာခိုင်နှုန်း
၆။ ဖင်လန် ၇၅ ဒသမ ၁ ရာခိုင်နှုန်း
၇။ နယူးဇီလန် ၇၅ ဒသမ ၀ ရာခိုင်နှုန်း
၈။ ဒိန်းမတ် ၇၄ ဒသမ ၅ ရာခိုင်နှုန်း
၉။ နယ်သာလန် ၇၃ ဒသမ ၇ ရာခိုင်နှုန်း
၁၀။ ဘယ်ဂျီယမ် ၇၂ ဒသမ ၃ ရာခိုင်နှုန်း

Credit: messenger