စည်ပင်ပိုင်မြေများကို မည်သူ့ကိုမျှ အပိုင်ပေးထားခြင်းမရှိဘဲ အငှားချစနစ်ဖြင့်သာ လုပ်ပိုင်ခွင့်ပြုလျက်ရှိ
ရန်ကုန်မြို့တော်စည်ပင်သာယာရေး ကော်မတီပိုင် မြေကွက်လွတ်များကို ပုဂ္ဂလိကလုပ်ငန်းရှင်များသို့ ချထားပေးရာတွင်မြို့ပြဖွံ့ဖြိုးရေးအတွက် မည်သူ့ကိုမျှ အပိုင်ပေးခြင်းမရှိဘဲBOTစနစ်ဖြင့်သာ
နှစ်ရှည်ငှားရမ်းပေးနေကြောင်းရန်ကုန်မြို့တော်စည်ပင်သာယာရေး ကော်မတီ မှ သတင်းရရှိသည်။
”ဘယ်သူ့ကိုမှ အပိုင်ပေးလိုက်တာမရှိပါဘူး။ ကျွန်တော်တို့အနေနဲ့ မြို့ပြဖွံ့ဖြိုးရေးအတွက် ရည်ရွယ်ပြီး အငှားချပေးထားတာပဲ ရှိပါတယ် ”ဟု မြေယာဌာနမှ ဒုဌာနမှူး ဒေါက်တာ တိုးအောင်က ပြောသည်။
ရန်ကုန်မြို့တော် စည်ပင်သာယာရေး ကော်မတီမှ အုပ်ချုပ်နေသည့် နယ်နိမိတ်မှာ မြို့နယ်ပေါင်း ၃၃ မြို့ နယ်၊ အကျယ်အဝန်း၃ဝ၆စတုရန်းမိုင်ရှိပြီးယင်းဧရိယာအတွင်း နေထိုင်သူ ၅ ဒသမ ၂၁ သန်း ရှိကြောင်း ရန်ကုန်မြို့တော်စည်ပင်သာယာရေး
ကော်မတီ၏ ထုတ်ပြန်ချက်များတွင် ဖော်ပြထားသည်။
ရန်ကုန်မြို့တော် စည်ပင်သာယာရေး ကော်မတီ နယ်နိမိတ်အတွင်းရှိအချို့သော မြေကွက်လွတ်များမှာ သက်ဆိုင်ရာဌာနဆိုင်ရာ အသီးသီးမှ ရယူပိုင်ဆိုင်ထားသည့် မြေကွက်လွတ်များ၊ တပ်မတော်မှ ပိုင်ဆိုင်သည့် မြေကွက်လွတ်များ၊ ပုဂ္ဂလိကပိုင် မြေကွက်လွတ်များနှင့် ရန်ကုန်မြို့တော် စည်ပင်သာယာရေး ကော်မတီပိုင်
မြေကွက်လွတ်များ ဟူ၍ ခေါင်းစဉ်အမျိုးမျိုးဖြင့် ရယူထားကြပြီး ဝန်ကြီးဌာနအသီးသီးမှ မိမိတို့၏ အစီအစဉ်ဖြင့် ဖွံ့ဖြိုးရေးလုပ်ငန်းများကို
လုပ်ဆောင်လျက် ရှိနေသည်။
ရန်ကုန်မြို့တော် စည်ပင်သာယာရေးကော်မတီ ဧရိယာအတွင်း မြို့တော်စည်ပင်ပိုင် မြေကွက်လွတ်များ၏
အကျယ်အဝန်း၊ ထိုမြေကွက်လွတ်များကို ပုဂ္ဂလိက လုပ်ငန်းရှင်များသို့ မည်သို့သောစနစ်ဖြင့် လွှဲပြောင်းလုပ်ကိုင်ခွင့် ပြုထားသည်ဆိုခြင်းနှင့်
ပတ်သက်၍ The Trade Times ၏ မေးမြန်းချက်ကို ဒေါက်တာ တိုးအောင်က ”အဲဒါကတော့ ပြောရ ခက်တယ်။
စည်ပင်ပိုင်မြေကလည်း နည်းနည်းပဲရှိတယ်။
စည်ပင်မြေကို ပုဂ္ဂလိကို ပေးလိုက်တာလည်း ရှိပါတယ်။ ဧရိယာအတိအကျပြောဖို့ ခက်တယ်။ Data တွေကို ပြန်ပြီးပြုစု ရဖို့လည်း ရှိတယ်”ဟု ပြောသည်။
စည်ပင်ပိုင်မြေများကို ပုဂ္ဂလိကလုပ်ငန်းရှင်များသို့ လွှဲပြောင်းချထားရာတွင် တည်ဆောက်-လုပ်ကိုင်လွှဲပြောင်းသည့်စနစ်
(Build, Operate, Tranfer-BOT) ဟူသည်မှာ ကနဦး နှစ် ၅ဝ၊ ထပ်တိုး ၁ဝ နှစ် နှစ်ကြိမ်စီဖြင့် စုစုပေါင်း နှစ် ၇ဝ
ငှားရမ်းပေးသည့် စနစ်ဖြစ်သည်။
”တပ်ပဲပိုင်ပိုင်၊ စည်ပင်ကပဲ ပိုင်ပိုင် နောက်ဆုံးတိတိကျကျ ပြောရရင် ပြည်သူပိုင်မြေပဲ။
နာမည်သာ ကွဲကြတာ။ BOT နဲ့ ချပေးတယ်ဆိုရင်လည်း အနာဂတ် ပြည်သူအကျိုးအတွက်ဆိုရင် လက်ခံလို့ရပါတယ်။
ဥပမာရှန်ဂရီလာဟိုတယ်ဆိုတာစည်ပင်အပိုင်၊ နှစ်ရှည်သူ့ကို ငှားထားတယ်။ ပြီးရင် သူ ပြန်အပ်ရမယ်။BOT နဲ့ ချပေးတော့မယ်ဆိုရင်ခင်ဗျားဘယ်လောက်မြတ်မယ်၊ခင်ဗျားဘယ်လောက်ရမယ်ဆိုတာ ကို တွက်ချက်ပြနိုင်ရမယ်။
Future Plan ကြည့်ပြီး ငှားတဲ့ နှစ်ကို ပြန် သတ်မှတ်မယ်။ အခုငှားနေတဲ့ နှစ် ၅ဝ လည်း မပေးသင့်ပါဘူး” ဟု
ရန်ကုန်မြို့တော်စည်ပင်သာယာရေး ကော်မတီမှ ကော်မတီဝင် (၇) ဦးခင် လှိုင်က The Trade Times နှင့်
သီးခြားတွေ့ဆုံစဉ် ပြောသည်။
ကနဦး နှစ် ၅ဝ ငှားရမ်းပေးကာ ထပ်တိုး ၁ဝ နှစ် နှစ်ကြိမ် စုစု ပေါင်း နှစ် ၇ဝ ကိုBOT စနစ်ဖြင့် ငှားရမ်းလုပ်ကိုင်ခွင့် ပြုခဲ့ခြင်းသည် နောင်အနာဂတ်တွင် ပိုင်ဆိုင်မှုဆိုင်ရာ ပြဿသနာများကို ဖြစ်ပွားစေ နိုင်သည့်
အပြင်ခေတ်မီမြို့ပြဖွံ့ဖြိုး ရေးအတွက် လုပ်ငန်းများအား တိုးချဲ့ရာတွင်လည်း မြေနေရာရှားပါးမှု ပြဿသနာများ
ဖြစ်ပွားစေသည့်အတွက်BOT စနစ်ဖြင့် မြေနေရာများကို ငှားရမ်းမည်ဆိုပါက ပညာရှင်များနှင့် တိုင်ပင်ကာ ရေရှည်အကျိုး တွက်ချက်ပြီးမှသာငှားရမ်းပေးရန် လိုအပ်ကြောင်း အိမ်ခြံမြေအရေးစိတ်ဝင်စားသူများကသုံးသပ်အကြံ
ပြုကြသည်။
Credit: The Trade Times
