ရန်ကုန်မြို့သစ်စီမံကိန်း၊ပြန်လည်အကောင်အထည်ဖော်ရန် တင်ဒါခေါ်ယူနေသော်လည်းမြေဈေးများကျနေ
ပွင့်လင်းမြင်သာမှုမရှိဟု ဝေဖန်ခံခဲ့ရသည့်အတွက် ဆိုင်းငံ့ခဲ့ရသော ရန်ကုန်မြို့သစ် စီမံကိန်းကိုအမြန်ဆုံး
အကောင်အထည်ဖော်ရေးအဆိုကို ရန်ကုန်တိုင်းဒေသကြီး လွှတ်တော်က ဇွန်လ ၁၅ ရက်နေ့တွင် အတည်ပြုခဲ့ပြီးနောက်စီမံကိန်းကို တည်ဆောက်လိုသူ နိုင်ငံသားပိုင် ကုမ္ပဏီများ တင်ဒါစတင်လျှောက်ထားနိုင်ပြီဖြစ်ကြောင်း ရန်ကုန်တိုင်းဒေသကြီး
အစိုးရအဖွဲ့က ဇူလိုင် ၁၂ ရက်တွင် နိုင်ငံပိုင် သတင်းစာများက တစ်ဆင့် ကြေညာခဲ့သည်။
ရန်ကုန်မြို့၏ အနောက်ဘက် ပန်းလှိုင်မြစ်နှင့် တွံတေးတူးမြောင်းကြား၊ လှိုင်မြစ်နှင့် လှိုင်သာယာ တွံတေးကားလမ်းကြားမြေနေရာများတွင် အကောင်အထည်ဖော်ရန် လျာထားပြီး ကြည့်မြင်တိုင်မြို့နယ်၊ ဆိပ်ကြီးခနောင်တိုမြို့နယ်နှင့်တွံတေးမြို့နယ်များအတွင်း တည်ရှိနေသည့် အဆိုပါ မြို့သစ်စီမံကိန်းကို အကောင်အထည်ဖော်မည့် ကုမ္ပဏီသည်
အဆိုပြုတင်ဒါလျှောက်လွှာကို ငွေကျပ် ၅၀,၀၀၀ ဖြင့် ၀ယ်ယူရမည်ဖြစ်ပြီး တင်ဒါအာမခံစပေါ်ငွေကျပ် သန်း ၅,၀၀၀ တိတိပေးသွင်းထားသည့် ချလန်မူရင်းကို တင်ဒါလျှောက်လွှာနှင့်အတူ ပူးတွဲတင်ပြရမည်ဖြစ်သည်။
အဆိုပါ စီမံကိန်းအတွက် နိုင်ငံသား ရင်းနှီးတည်ဆောက်သူကိုသာ ရွေးချယ်မည်ဖြစ်ပြီးလျှောက်မည့် ကုမ္ပဏီများသည်ကုမ္ပဏီဆိုင်ရာအချက်အလက်များ၊ ရင်းနှီးမြှုပ်နှံမည့်ငွေကြေးအစီအစဉ်၊ နည်းပညာအကူအညီရယူဆောင်ရွက်မည့်အစီအစဉ်၊စီမံကိန်းအကောင်အထည်ဖော်မည့်အစီအစဉ် (လုပ်ငန်း/ကာလ)၊ ပြည်သူလူထု အတွက် လူမှုစီးပွားဆိုင်ရာဆောင်ရွက်ပေးမည့် အစီအစဉ်နှင့် အထူးဖော်ပြလိုသည့် အချက်များကို ရန်ကုန်တိုင်းဒေသကြီးအစိုးရအဖွဲ့သို့
အဆိုပြုတင်ပြသွားရမည်ဖြစ်သည်။
ပြီးခဲ့သည့်နှစ် စက်တင်ဘာလအတွင်းက ယခုတည်နေရာတွင် ရန်ကုန်မြို့သစ်စီမံကိန်းကိုအကောင်အထည်ဖော်ရန် တင်ဒါခေါ်ယူခြင်းမရှိဘဲ မြန်မာ့စေတနာမြို့သစ်ကုမ္ပဏီကို မူအားဖြင့် ခွင့်ပြုပေးထားသည် ဟု
တိုင်းဒေသကြီး လွှတ်တော်အစည်းအဝေးတွင် ရန်ကုန်တိုင်းဒေသကြီး အစိုးရအဖွဲ့က ရုတ်တရက် တင်ပြခဲ့သောကြောင့်လွှတ်တော်ကိုယ်စားယ်များနှင့် မြို့ပြပညာရှင်များက ပွင့်လင်းမြင်သာမှုမရှိသည့်စီမံကိန်းဟု ဝေဖန်ခဲ့ကြသောကြောင့်
နောက်ဆုံးတွင် တိုင်းဒေသကြီး အစိုးရအဖွဲ့က အဆိုပါစီမံကိန်းကို ဆိုင်းငံ့လိုက်ရသည်။
ထိုသို့ ဆိုင်းငံလိုက်ရသည့်အတွက် စီမံကိန်း နယ်မြေအတွင်းနေထိုင်သော ပြည်သူအချို့ကစီမံကိန်းကို ပြန်လည်အကောင်အထည်ဖော်ရန် ဆန္ဒထုတ်ဖော်မှုများ သုံးကြိမ်ထက် မနည်းပြုလုပ်ခဲ့ကြသော်လည်း စီမံကိန်းကို မလိုလားသည့်ပြည်သူများလည်းရှိနေသည် ဟု တိုင်းဒေသကြီး လွှတ်တော် ကိုယ်စားလှယ် များက ပြောသည်။
လက်ရှိတွင် ရန်ကုန်မြို့သစ်စီမံကိန်းကို ပြန်လည် အကောင်အထည်ဖော်မည်ဟု ကြေညာထားသော်လည်းစီမံကိန်းမြေဈေး နှုန်းများမှာ တန်ဖိုးများကျဆင်းလျက်ရှိပြီး စီမံကိန်းလုပ်မည်ဟု ၂၀၁၄ ခုနှစ်က အစိုးရအဖွဲ့၏ကြေညာမှုအပြီး မြေဈေးကွက်မှာ တစ်ဧကလျှင် ကျပ်သိန်း ၅၀၀ အနည်းဆုံးရှိခဲ့သော်လည်း ယခုအခါမှာမူသိန်း ၂၀၀ ကျော်သာ ရှိတော့ကြောင်း ဒေသခံများနှင့် အိမ်ခြံမြေ အကျိုးဆောင်များက ပြောသည်။
“မြေဈေးက လမ်းမကြီးနဲ့ နီးတဲ့နေရာတွေဆိုရင် တစ်ဧကကို ကျပ်သိန်း ရှစ်ရာနဲ့အထက် ရှိတယ်။
ဝေးတဲ့နေရာဆို နှစ်ရာကျော်လောက် ပဲရှိတယ်။ မြေဈေးက စီမံကိန်းဆိုင်းငံ့တယ် လို့ ကြေညာပြီးနောက်ပိုင်းကတည်းကကျသွားတာ။ ဒီနေ့ထိပဲ”ဟု ရွှေဇီးကွက် အိမ်ခြံမြေ လုပ်ငန်းမှ ဦးမိုးဝင်းက ပြောသည်။ထို့ပြင် မြေအရောင်းအ၀ယ်မှာ လက်ရှိတွင် ရပ်တန့်နေပြီး အကြွေးရှိသူများနှင့် စီမံကိန်းနယ်မြေအပေါ် စိတ်ဝင်စားမှုမရှိတော့သည့် မြေပိုင်ရှင်များက အရှုံးခံကာ ပြန်လည်ရောင်းချမှုများ ပြုလုပ်လျက်ရှိနေသော်လည်း ၀ယ်သူရှားပါးနေသည် ဟု အိမ်ခြံမြေလုပ်ငန်းလုပ်ကိုင်သူများက ပြောသည်။ တွံ့တေးမြို့နယ် တမာတကောကျေးရွာတွင် နေထိုင်သူ ဒေါ်ခင်လေးကလည်းမြို့သစ် စီမံကိန်းကို ဒေသခံများက အမှန်တကယ် လိုလားလျက်ရှိကြောင်းနှင့် အလုပ်အကိုင် အခွင့်အလမ်းရှားပါးမှုကို
မြို့သစ်စီမံကိန်း က ဖြည့်ဆည်းပေးနိုင်လိမ့်မည်ဟုလည်း ယုံကြည်ကြောင်းပြောသည်။ “အခုက သူများလယ်မြေတွေမှာအလုပ်သွားလုပ်ပေးနေကြတယ်။ အများစုပေါ့။ အရင်တုန်းကတော့ ပုစွန်တွေ၊ ငါးတွေဖမ်းပြီး ရောင်းကြတယ်။
အခုကမြစ်တွေကလည်း နုန်းတွေများလာတော့ ပုစွန်ဆိုမရ သလောက်ပဲ။ ကျွန်မတို့က မြို့သစ်ကို မျှော်တာကအလုပ်အကိုင်ရချင်လို့ပါ။ တခြားဘာအတွက်ကြောင့်မှ မဟုတ်ဘူး”ဟု ဒေါ်ခင်လေးက ပြောသည်။အိမ်ခြံမြေအကျိုးဆောင် ဦးလှမျိုးကလည်းစီမံကိန်းလုပ်မည်ဟု ကြေညာထားသော်လည်းမြေကွက်အရောင်းအ၀ယ်များရပ်တန့်နေခြင်းသည် အစိုးရ၏စီမံကိန်း အပေါ် လုပ်ငန်းရှင်များက ယုံကြည်မှုအားနည်းသွားကြခြင်းကြောင့်ဖြစ်နိုင်ကြောင်း ပြောသည်။ “အရင်တစ်ခေါက်တုန်းက စီမံကိန်းလုပ်မယ်လို့ကြေညာလိုက်တော့ မြေဈေးက
တစ်ရှိန်ထိုးတက်သွားတယ်။ ဒါပေမဲ့ မလုပ်ဖြစ်တော့ဘူးလို့ ထပ်ကြေညာလိုက်တော့ မြေဈေးတွေ တဖြည်းဖြည်းကျလာတယ်။
အခုဆို ၀ယ်မယ့်သူတောင် မရှိဘူးလို့ ပွဲစားတွေဆီက ကြားရတယ်။ အခုတင်ဒါတောင် ခေါ်ထားတယ်ဆိုတော့ပြန်တက်လာမယ်လို့တော့ ထင်ပါတယ်”ဟု ၎င်းကပြောသည်။ ရန်ကုန်တိုင်းဒေသကြီး လွှတ်တော်ကိုယ်စားလှယ်ဒေါ်ညိုညိုသင်းကမူ အစိုးရက ရန်ကုန်မြို့သစ်စီမံကိန်းကို အလျင်အမြန် အကောင်အထည်ဖော်နေသည့်အပေါ်
သံသယဖြစ်မိပြီး လက်ရှိအစိုးရအဖွဲ့အနေဖြင့် သက်တမ်းကုန်ခါနီး အချိန်တွင် စီမံကိန်းကြီးများကို ဆောင်ရွက်ရန်မသင့်ဟုလည်း ပြောသည်။ “လွှတ်တော်မှာဆွေးနွေးခဲ့ကတည်းက ပြောပြီးသားပါ။ အခုအချိန်မှာ အစိုးရကဆောင်ရွက်မယ်ဆိုရင် နောင်တက်လာမယ့် အစိုးရအဖွဲ့အတွက်က အခက်အခဲ တစ်ခုဖြစ်လာနိုင်ပါတယ်။
အဲဒါကြောင့် ကြီးမားတဲ့ မြို့သစ်ကိုတည်ဖို့ သက်တမ်းကလပိုင်းပဲကျန်တဲ့ အစိုးရက အကောင်အထည်ဖော်ဖို့ဆိုတာမဖြစ်သင့်ပါဘူး။ ရိုးသားမှု ရှိတယ်ဆိုရင်ပေါ့”ဟု ဒေါ်ညိုညိုသင်းက ပြောသည်။
Credit: The Myanmar Times
