ရန်ကုန်ဘူတာကြီး ဘက်စုံဖွံ့ဖြိုးရေး စီမံကိန်းအတွက် ကုမ္ပဏီ ၂ ခု ပဏာမရွေးချယ်ထား
ရန်ကုန်ဘူတာကြီး ဘက်စုံဖွံ့ဖြိုး တိုးတက်ရေး စီမံကိန်း လုပ်ကိုင်ရန်အတွက်ကုမ္ပဏီ၂ခုကိုပဏာမ ရွေးချယ်ထားကြောင်း တင်ဒါ ခေါ်ယူရေးနှင့် စိစစ်ရေးလုပ်ငန်း ကော်မတီမှ သိရသည်။
သို့သော် ရွေးချယ်ထားသည့် ကုမ္ပဏီ၏အမည်နှင့် တင်ဒါ အောင်မြင်သည့် ကုမ္ပဏီသည် ၂ ခု သို့မဟုတ် ၁ ခု ဖြစ်မည်ကိုမူ ထိုကော် မတီက ရှင်းလင်းစွာ ထုတ်ဖော်ပြောဆိုခြင်း မပြုပေ။
တင်ဒါခေါ်ယူရေးနှင့် စိစစ်ရေးလုပ်ငန်းကော်မတီ အဖွဲ့ဝင် မြန်မာနိုင်ငံ အင်ဂျင်နီယာအသင်း ဒုဥက္ကဋ္ဌ ဦးအောင်မြင့်က“တင်ဒါ တင်ကြ ကတည်းက စိတ်ဝင်စားမှုဖော်ပြတဲ့ လျှောက်လွှာ(EOI)ကို အမေရိကန် ဒေါ်လာ သုံးသောင်းနဲ့ ၀ယ်ကြရတာ။ အချိန် ပေးထား တယ်၊ တွက်ချက်ပြီး ပုံစံတင်ပြရတဲ့ ကုမ္ပဏီ ၃ခုမှာမှ၁ခုကသတ်မှတ်ချက်နဲ့မညီညွှတ်တာကို တွေ့ရတယ်၊ ၂ခုကို ရွေးထားတယ်။ဒီ၂ခုကထပ်ယှဉ်ပြိုင်ရမယ်”ဟု ပြောသည်။
ရန်ကုန်ဘူတာကြီး ဘက်စုံဖွံ့ဖြိုးတိုးတက်ရေး စီမံကိန်းတွင် အဆင့်မြင့် စီးပွားရေးဆိုင်ရာ အဆောက်အအုံများ၊ အပန်းဖြေ နေရာများ၊ ဟိုတယ်များ၊ ရုံးခန်းများ၊ လူနေအိမ်ခန်းများနှင့် ကားပါကင်များပါဝင်သည့် အကြီးစားစီမံကိန်း တခုဖြစ်သည်ဟုလည်း ၎င်းက ဆို သည်။
တင်ဒါဝင်ရောက် ယှဉ်ပြိုင်သော ကုမ္ပဏီအများစုသည် ထိုင်ဝမ်၊ စင်္ကာပူ နှင့် ဗီယက်နမ် နိုင်ငံများမှ ဖြစ်ကြောင်း သိရသည်။
“တင်ဒါ ၀င်ရောက် ယှဉ်ပြိုင်ကြတာက ဖက်စပ် ကုမ္ပဏီတွေ များတယ်၊ ထိုင်ဝမ်၊ စင်္ကာပူ၊ ဗီယက်နမ် နိုင်ငံတွေပေါ့။ ဒီနိုင်ငံတွေက မြန်မာ ကုမ္ပဏီတွေနဲ့ ဖက်စပ်ပြီး တင်ဒါ တင်ကြတဲ့သူ များတယ်”ဟု ဦးအောင်မြင့်က ဆက်ပြောသည်။
အဆိုပါ စီမံကိန်း အတွက် ရထားပို့ဆောင်ရေးဝန်ကြီးဌာနက ၂၀၁၄ ဧပြီလက စတင်ဖိတ်ခေါ်ရာတွင် နိုင်ငံပေါင်း ၁၂ နိုင်ငံမှကုမ္ပဏီများကအဆိုပြုလွှာ၃၄ စောင် ပေးပို့ထားရာမှ နောက်ဆုံးအဆင့် တင်ဒါတွင် ကုမ္ပဏီအဖွဲ့ သုံးခုသာ ၀င်ရောက် ယှဉ်ပြိုင်ခဲ့သည် ဟု မြန်မာ့ မီးရထားက ထုတ်ပြန်ထားသည်။
ရန်ကုန်ဘူတာကြီးဘက်စုံဖွံ့ဖြိုးတိုးတက်ရေး ဆောင်ရွက်ရန် မြေဧက ၆၃ ဒသမ ၆၂၂ ဧကတွင် RBE စက်ရုံနှင့် အင်ဂျင်နီယာမှူးအလုပ်ရုံ(EIC)တို့ကိုရွာသာကြီးသို့ ပြောင်းရွှေ့ရန်၊ သိမ်ဖြူမီးရထား ရပ်ကွက်အား မြန်မာ့ မီးရထားပိုင်မြေ အတွင်းတွင်သင့်လျော်သည့် နေရာ ရွေးချယ်၍ ရွှေ့ပြောင်း ဆောက်လုပ်ခြင်း၊ပါဆယ်ရုံးကိုကြည့်မြင်တိုင်သို့ ပြောင်းရွှေ့ရန်နှင့် ရန်ကုန်ဘူတာကြီးရှိ လူစီး တွဲပြင် စက်ရုံကို မလွှကုန်းသို့ ပြောင်းရွှေ့နိုင်ရန် ပထမအဆင့် အနေဖြင့် ပြုလုပ်သွားမည် ဖြစ်သည်ဟု ဆိုသည်။
ရထားပို့ဆောင်ရေးဝန်ကြီးဌာနက နိုင်ငံအတွင်းရထားပြေးဆွဲမှု၌ နှစ်စဉ် ကျပ် ၄၅ ဘီလီယံခန့် အရှုံးပေါ် နေကြောင်း၊ ထို အရှုံးပေါ်မှုကို ပြန်လည် ဖြည့်တင်းနိုင်ရန်အတွက် ရထားပိုင်မြေတွင်ပုဂ္ဂလိကနှင့်အကျိုးတူပူးပေါင်းဆောင်ရွက်ရန်ယခုအစီအစဉ်ကိုအကောင်အထည်ဖော် ဆောင်ရွက်ခြင်း ဖြစ်ကြောင်းလည်း သိရသည်။
Credit : Irrawaddy
