အိမ်ရောင်းသူများနဲ့အိမ်အပေါင်ခံသူများ( အသိတရားနဲ့ သတိထားနိုင်ကြပါစေ )

ရာသီစက်ရဟတ်ကြီးက၊ ‘‘နွေ’’ မှမိုး၊ ‘‘ မိုး’’မှ ဆောင်း၊ ရာသီတွေအလီလီပြောင်းလဲလာခဲ့ပြီ… ပြောင်းလဲလာသည့် ရာသီတွေနစ်တွေကို ပြန်ပြောင်းကြည့်လိုက်တော့၊ တစ်နှစ် နဲ့တစ်နှစ် ပြောင်းလဲပုံတွေကလည်း၊ တစ်နှစ်နဲ့တစ်နှစ် မတူညီတာတွေကိုတွေ့မြင်နေရပါတယ်။

(၁)၂၀၁၀၊ ၂၀၁၁ နဲ့ ၂၀၁၂ ခုနှစ်မတူသလို၊ ၂၀၁၃ နဲ့ ၂၀၁၄ မှာအိမ်ခြံမြေအရောင်းအဝယ် တွေလည်း ကွာခြားတာ ကိုလေ့လာကြည့်ရင်တွေ့ မြင်နိုင်ပါတယ်။ ၂၀၁၀ ခုနှစ်မှ ၂၀၁၄ ခုနှစ်ထိ၊ အိမ်ခြံမြေ အရောင်းအဝယ် လှိုင်းဂယက်တွေကြားမှာအပျော်ကြီးပျော်ခဲ့ကြတဲ့ ၊ ပွဲစား ၊ ကုန်သည်၊ ဝယ်ရောင်း ၊ လုပ်ငန်းရှင်တွေ အားလုံး ၂၀၁၄ ရဲ့  နှစ်ကုန်ခါနီးအထိအေးစက်တည်ငြိမ်နေတဲ့ အိမ်ခြံမြေအရောင်းအဝယ် လောကကိုအားမလိုအားမရ ဖြစ်နေကြပါတယ် ။

ငွေအရင်းအနှီးရှိသူတွေ ဝယ်ယူထားပြီးစုဆောင်းထားနိုင်ပေမယ့်၊ ငွေအရင်းအနှီးလိုအပ်နေသူ၊ စီးပွားရေးလုပ်ငန်းတိုးချဲ့ုလုပ်ကိုင်လိုသူ၊ အိမ်ပိုင်ရှိသူတွေကတော့ မြေနှင့်အိမ် ရှိပေမယ့် ‘‘ ငွေမရှိ ’’တာကြောင့် ၊ ငွေရဖို့ အိမ်ရောင်းကြတယ် ။ မြေရောင်းကြတယ်။ဒါပေမယ့် အရင်ကလိုမြေဝယ်လိုသူ ၊ အိမ်ဝယ်လိုသူတွေက ကြိုက်ဈေးမပေးတော့ဘူး ။ ‘‘အောက်ဈေး’’ ပဲပေးကြတယ်။

ဒီတော့ ရောင်းသူက ‘‘အောက်ဈေး ’’နဲ့ မရောင်းနိုင်ဘူးဆိုတော့ ပွဲပျက်တာပေါ့…. ပွဲပျက်လည်းဘာအရေးလည်း‘‘ငကန်းသေရင် ငဆွေလာမှာဘဲ’’ လို့၊ မိမိရဲ့  မာနကိုမချချင်ကြဘူး။ အပေါ်စီးကပြောလွန်းအားကြီးတော့.. ဝယ်မယ့် သူတွေက၊ အဲဒီအိမ်ရောင်းဖို့ ပွဲစားအပ်ထားတယ် ဆိုပေမယ့် သူတို့ရဲ့  ဆက်ဆံရေးကြောင့်၊ ရှောင်လွှဲသွားတာမျိုးတွေလည်း ကြုံရဘူးတယ်။

အဲဒီလိုလာဝယ် တဲ့သူအပေါ်မှာဆက်ဆံရေး မပြေပြစ်တာမျိုးရှိရင်လည်း ဝယ်သူတွေကလန့်သွားတက်ကြတယ်။တခါ အိမ်ခြံမြေအရောင်းအဝယ်လုပ်ကြတဲ့ သူမှန်သမျှ ပွဲစားမပါလျှင် အရောင်းအဝယ် ပွဲဖြစ်တာနည်းသွားတက်ကြသည်။ ဒါကြောင့် အရောင်းအဝယ် မှန်လျှင် ပွဲစား ၂% ပေးရတာထုံးစံလိုဖြစ်နေပါပြီ။ပွဲစား ကဝယ်သူခေါ်လာမယ်။

• 
• 

အရောင်းအဝယ် ပွဲဖြစ်ရင် ပွဲစားခ ၂% ပေးရမယ်ပြောတဲ့အခါ မပေးနိုင်ဘူး။ ရောင်းသူထံက ‘‘တင်ရိုက်လို့ ရရင်ယူ’’ ဆိုပြီး ပြောဆိုလွှတ်တတ်ကြတယ်။ ရောင်းဈေးကမြင့်နေတော့ ပွဲတင်ရိုက်ဖို့ ဆိုတာကလည်းမဖြစ်နိုင်ရင် ပွဲစားကလည်း ၊ ဒီအိမ်နဲ့ပတ်သက်လို့ ဝယ်သူနဲ့ ဆက်သွယ်မပေးချင်တာ မျိုးတွေလည်းတွေ့ရတက်တယ်။

ဒီထက်ဆိုးတာကရောင်းမယ့် အိမ်ကလူသေဘူးတယ်။ သရဲခြောက်ဘူးတယ်။ အိမ်မသန့်ဘူး..စသည်ဖြင့် သတင်းဆိုး ထွက်သွားရင် အဲဒီအိမ်မျိုးကဝယ်မယ့်သူတွေ နောက်ဆုတ်ပြန်သွားကြတယ်။ အိမ်ရောင်းမည် ဆိုပြီးဝယ်သူမလာတော့ ငွေရအောင် ဘယ်လိုရှာမလဲဆိုတော့ ၊ နောက်ဆုံးအရပ်ထဲက အပေါင်ဆိုင်ကိုရောက်တော့တာဘဲ။

အပေါင်ခံသူတွေကလည်း၊အိမ်တန်ဖိုးရဲ့  (၄)ပုံ(၁)ပုံ လောက်ဘဲငွေချေးပြီး..အတိုးအရင်းနဲ့ အိမ်အပိုင်သိမ်းဖို့ ကြံစည်တက်ကြတယ်။အိမ်အပေါင်ခံတဲ့ သူများကလည်း၊ သတိကြီးစွာထားပြီး၊ အပေါင်ခံသင့်တယ်။

အိမ်နဲ့မြေအပေါင်ခံတယ်ဆိုရင် ဂရန်အတုအစစ်၊ ပါမစ်အတုအစစ်၊ မှတ်ပုံတင်အရောင်းအဝယ် စာချုပ်အတုအစစ်၊ မြေပုံမြေရာဇဝင် အတုအစစ်တွေကိုခွဲခြားသိဖို့တော့ လိုပါတယ် ။ အင်မတန် တိုးတက်နေတဲ့ ခေတ်ကြီးမှာ ကွန်ပြူတာကိုသုံးပြီး အတုကိုအစစ်လုပ်ဖို့ ဆိုတာအလွယ်လေးလို့ ပြောကြတယ်။

စာရေးသူ မြို့  တော်ခန်းမအဝင်မှာ ခဏခဏ ကြုံဖူးတာကတော့ မှတ်ပုံတင်ကို Scan ဖတ်ပြီးအတု ပြုလုပ်ထားတာကို အဝင်ဝ ကလုံခြုံ ရေးတွေကကတ်ပြားကိုလက်နဲ့ ပွတ်ကြည့်တာနဲ့တင် သိနေကြတယ်လေ။ ဒါလည်းသူတို့ရဲ့  အတွေ့အကြုံပဲလေ။ လေးစားပါတယ်။မှတ်ပုံတင်ကဒ်ပြားထက် ဂရန်တို့စာချုပ်စာတမ်းတို့ ၊မြေပုံမြေရာဇဝင် တို့ဆိုတာကိုလည်း အတုအပပြုလုပ်ပြီး ပေါင်နုံလာ ကြတာကိုလည်းတွေ့ဘူးတယ်။ တစ်ခါကတောင်ဥက္ကလာပ မြို့ နယ်ကအမျိုးသားနဲ့ အမျိုးသမီးနှစ်ဦး မှာစာရေးသူတို့လိုဘဲအရောင်းအဝယ်စာချုပ်ချုပ်ဆိုလို့ မြေပုံ/မြေရာဇဝင် လာလျှောက် ကြတယ်။

သူတို့ အလှည့်ရောက်လို့ ဂရန်နဲ့ စာချုပ်အဆက်အစပ် တွေပြခိုင်းတဲ့အခါ အမျိုးသားလုပ်သူ ကဂရန်မူရင်း ကိုထုတ်ပြပါတယ်။ ဌာနစုမှူးကဂရန်ကိုမြင်ကတည်းကမသင်္ကာလို့ ထင်ပါရဲ့ ။ အပြန်ပြန် အလှန်လှန် စစ်ကြည့်ပါတယ်။

ဂရန်နဲ့ပူးတွဲပါတဲ့ သက်သေခံမြေပုံ တွေစစ်ဆေးကြည့်ပါတယ် ။မြေတိုင်းဌာနခွဲမှူး….စတဲ့လက်မှတ်တွေ အားလုံးတူညီနေတာတွေ့ရပါတယ်။ ဒါနဲ့ အတုအစစ်သေချာအောင် တာဝန်ခံ (၂) ယောက်(၃) ယောက် အမျိုးမျိုးစစ်တော့မှ ကွန်ပြူတာစနစ်နဲ့ Scan ဖတ်ထားတာကိုတွေ့ ရတော့တယ်။ ဒီဂရန်ကြီးဟာအတုကြီးဖြစ်နေတယ် ပြောတော့မှ ပိုင်ရှင်ဟာမှတ်မိမျက်နှာပျက်နေပါတယ်။

ပိုင်ရှင်ဟာ ရိုးသားသူဖြစ်တာကြောင့် ဂရန်သာမကဘဲသူ့လက်ဝယ်တွင် ပါလာသည့် မှတ်ပုံတင် အရောင်းအဝယ် စာချုပ်နဲ့ ဘဏ်ငွေချေးရန် မြေပုံကူးစာရွက် တွေပါပြတယ်။ အားလုံးအတုတွေ ဖြစ်နေတယ်။ဒီတော့မှ အလွန်စိတ်ပျက်သွားတဲ့ အမူအယာနဲ့ ‘‘ ဘယ်လိုမှတော့ မထင်ပါနဲ့ ဆရာတို့ရယ်၊ ကျွန်တော်လည်းမသင်္ကာလို့ သိချင်တာနဲ့ အခုလိုမြေပုံကူးလာလျှောက်ကြည့်တာပါ။ အခုတော့ သိန်း(၁၅၀၀) ဆုံးပါပြီဆိုပြီး စာရွတ်စာတမ်း များကိုပြန်လည်သိမ်းယူပြီးခေါင်းငိုက်ဆိုက် မြို့ တော်ခန်းမကနေ ပြန်လည် ထွက်သွားပါတော့တယ်။

ဒါကြောင့် အိမ်အပေါင်ခံသူများ၊ မြေကွက် အပေါင်ခံစားသူများသို့ မှာကြားလိုက်ပါရစေ။ အိမ်/မြေပတ်သတ်တဲ့ စာရွတ်စာတမ်းတွေလည်းအတုတွေ ပေါ်လာတာကြောင့် အပေါင်ခံရင်တောင် အတုအစစ် ခွဲခြားစိစစ်ပြီးသေချာမှ ငွေထုတ်ချေးသင့်ပါကြောင်း နှစ်သစ်အကြို သတင်းကောင်းပါလိုက်ရပါတယ်။

လွှတ်တော်ရှေ့နေမောင်ကောင်းဖေ မှ iMyanmarHouse.com အတွက် အထူးရေးသားဖော်ပြသည်။
Credit: iMyanmarHouse.com