ခေတ်သစ်ကန်ထရိုက်တိုက်များနှင့် ဆောင်ရန်ရှောင်ရန် ဗဟုသုတများ

လူဦးရေနေထိုင်မှု ပိုမိုသိပ်သည်းလာသောရန်ကုန်တိုင်းဒေသကြီးတွင် နေထိုင်ရန်အဆောက်အအုံလိုအပ်မှု၊ အလုပ်လုပ်ကိုင်ရန် အဆောက်အဦးလိုအပ်မှုမှာပို၍ပင်ကြီးမားလာခဲ့သည်။ထို့အပြင် အလုပ်အကိုင် အတွက်အာမခံချက်ရှိသောရန်ကုန်တိုင်းဒေသကြီးတွင်အခြားသောမြို့နယ်မှ အလုပ်သမားများမှာလည်းရန်ကုန်တိုင်းဒေသကြီးသို့ဝင်ရောက်အခြေချမှုများ ပြုလုပ်နေကြသည့်အတွက် လက်ရှိရန်ကုန်တိုင်းဒေသကြီးတွင်နေအိမ်၊ တိုက်ခန်း၊ အဆောက်အအုံတို့မှာရှိရင်းစွဲလူဦးရေနှင့် မလောက်ငမှုများပေါ်ပေါက်နေပေသည်။

လိုအပ်မှု မြင့်တက်လာသောနေအိမ်၊ တိုက်ခန်း၊ အဆောက်အအုံတို့အတွက် ယခုအခါတွင် ဆောက် လုပ်ရေးကုမ္မဏီတို့မှ ၎င်းဆောက်လက်စတိုက်ခန်းများကိုအရစ်ကျစနစ်ဖြစ်လည်းကောင်း၊ ဈေးနှုန်းသက် သာစွာဖြင့် လက်ငင်းငွေသားပေးချေမှုဖြင့်လည်းကောင်းရောင်းချပေးလျှက်ရှိပြီးအချို့သောကန်ထရိုက်များမှာမြေပိုင်ရှင်၊ ခြံပိုင်ရှင်တို့နှင့် ပူးပေါင်း၍ကန်ထရိုက်တိုက်များဆောက်လုပ်ရောင်းချပေးလျက်ရှိသည်။လူထုမှာလည်းမိမိတို့၏ငွေကြေးအင်အားနှင့်ကိုက်ညီသောအဆောက်အအုံ၊ တိုက်ခန်းတို့ကိုဝယ်ယူလျှက်ရှိကြသည်။ လက်ရှိရန်ကုန်တိုက်ခန်းအိမ်ရာဈေးကွက်တွင်အများဆုံရှိနေပြီး၊ ပြည်သူလူထုအများဆုံးဝယ်ယူနေသည်မှာကန်ထရိုက်တို့၏ဆောက်လက်စတိုက်ခန်းတို့ကိုကြိုတင်၍အရစ်ကျဝယ်ယူမှုပင်ဖြစ်ပါသည်။ထို့အတွက်တိုက် ခန်းဝယ်ယူလိုသောမိဘများအတွက်သိသင့်၊ သိထိုက်တာလေးများကို iMyanmarHouse.com အတွက် ရေးသားတင်ပြလိုက်ရပါသည်။

• 

ရန်ကုန်မြို့၏အထပ်မြင့်အဆောက်အအုံစံနှုန်းသတ်မှတ်ချက်များ
လက်ရှိရန်ကုန်တိုင်းဒေသကြီး၏ အထပ်မြင့်အဆောက် အအုံသတ်မှတ်ချက်များတွင် လေးထပ်အထက်တိုက် များကိုအထပ် မြင့်အဆောက်အအုံဟုသတ်မှတ်ပြီးလေးထပ်အောက်တိုက်များကိုရိုးရိုးတိုက်နေအိမ်ဟုသတ်မှတ်ပေးထားသည်။ ထို့အတွက် လေးထပ်နှင့်အထပ်ရှိသော အထပ်မြင့်အဆောက်အအုံများ တည်ဆောက်ခြင်းကိုအကြီးတန်းလိုင်စင်ရအင်ဂျင်နီယာများကသာ ပြုလုပ်ဆောင်ရွက်ခွင့်ရှိပြီး၊ ရိုးရိုးလေးထပ် တိုက်များကိုအငယ်တန်းအင်ဂျင်နီယာများမှ တည်ဆောက်ခွင့်ရှိသည်။ ရန်ကုန်မြို့တော်စည်ပင်သာယာရေးကော်မတီမှအထပ်မြင့်အဆောက်အအုံတည်ဆောက်ခွင့် လျှောက်ထားမှုများကို ချထားပေးရာတွင်တည်ဆောက် မည့်အဆောက်အဦးနှင့် အင်ဂျင်နီယာများကိုစိစစ်ပြီးမှချထားပေးပြီး၊ လာရောက်လျှောက် ထားမှုတွင်အထပ် မြင့်အဆောက်အအုံကို တည်ဆောက်မည့်အင်ဂျင်နီယာမှာမည်သူဖြစ်ကြောင်းကိုတပါတည်းတင်ပြရသည်။ ကိုက်ညီမှုရှိမှသာအဆောက်အအုံတည်ဆောက်ခွင့်ကို မြို့တော်စည်ပင်မှတည်ဆောက်ခွင့်ပါမစ်ချထားပေးလေသည်။“ အဆောက်အဦး ဆောက်တော့မယ်ဆိုရင်တည်ဆောက်မယ့် အင်ဂျင်နီယာကအလွန်အရေးကြီးပါတယ်၊ သူတည်ဆောက်မယ့် အဆောက်အဦးအတွက် တာဝန်ယူမှုအပြည့်ရှိရမယ်။ ဆောက်လုပ်ခွင့်တွေ ကိုအကြီးတန်း/အငယ်တန်းအင်ဂျင်နီယာဆိုပြီးခွဲထားတယ်၊အငယ်တန်းအင်ဂျင်နီယာကအထက်မြင့်အဆောက် အအုံတည်ဆောက်ခွင့်မရှိဘူး၊ အကြီးတန်းအင်ဂျင်နီယာကအထပ်မြင့်ရောအထပ်နိမ့်ပါတည်ဆောက် ခွင့်ရှိတယ်”ဟုရန်ကုန်မြို့တော်စည်ပင်သာယာရေးကော်မတီ၊ အဆောက် အအုံဌာနမှ တာဝန်ရှိသူတစ်ဦးကတည်ဆောက် ခွင့်ရအင်ဂျင်နီယာခွဲခြားထားမှုများကိုပြောကြားခဲ့သည်။

ကန်ထရိုက်တို့၏ လှိမ့်လုံးများ
သို့သော်အချို့သောကန်ထရိုက်များမှာမိမိတို့အမြတ်ကျန်စေရန်အတွက် ၎င်းတို့တည်ဆောက်မည့် အထက်မြင့်အဆောက်အအုံအတွက် အကြီးတန်းအင်ဂျင်နီယာကိုအသုံးပြုခြင်းမရှိဘဲစရိတ်သက်သာစေရန် အငယ်တန်းအင်ဂျင်နီယာများကိုသာအသုံးပြု၍တည်ဆောက်မှုများရှိ နေကြသည်။ ရန်ကုန်မြို့တော်စည်ပင်သာ ယာရေးကော်မတီသို့တင်ပြသောစာရွက်စာတမ်းတွင် အကြီးတန်းအင်ဂျင်နီယာနာ မည်ပါရှိလာသော်လည်း လက်တွေ့တည်ဆောက်ရာတွင် အငယ်တန်းအင်ဂျင်နီယာများကိုသာအသုံးပြုကြသည်များရှိကြသည်။ “ကန်ထရိုက်တွေကအခုလက်ရှိမှာ(၈)ထပ်တိုက်တွေအများဆုံးဆောက်နေကြတယ်၊ ဒါပေမယ့်အများစုကအငယ်တန်းအင်ဂျင်နီယာတွေကိုသုံးကြတယ်၊ ဥပမာစည်ပင်ကိုဆောက်လုပ်ခွင့်တင်ရင် အကြီးတန်းအင်ဂျင် နီယာထောက်ခံချက်ပါမှရမှာလေဒီတော့နာမည်ရအကြီးတန်းအင်ဂျင်နီယာဆီကထောက်ခံချက်ဝယ်ပြီးတင် တာ၊တကယ်ဆောက်တော့ အငယ်တန်းအင်ဂျင်နီယာကဆောက်တာမျိုးပါ၊”ဟုဝါရင့်ကန်ထရိုက်တာတစ်ဦးမှ လက်ရှိကန်ထရိုက်တိုက်ဈေးကွက်ရှိနေပုံကိုပြောကြားခဲ့သည်။ “အငယ်တန်းအင်ဂျင်နီယာတစ်ဦးကအထပ် မြင့် အဆောက်အဦးကိုတည်ဆောက်ရင် တကယ်ကျွမ်းကျင်ရင်(၅)ထပ်၊(၆)ထပ်လောက်တော့သိပ်မသိသာပါဘူး၊ အဲဒါပေမယ့်(၈)ထပ်လောက်ဆောက်မယ်ဆိုရင်တော့ အန္တရာယ်ရှိနိုင်ပါတယ်၊ (၈)ထပ်ဆိုရင် အသုံးပြုရတဲ့ ratioတွေကလုံးဝကွာသွားပြီ၊ foundationတူးတဲ့အပိုင်းမှာတွက်ချက်မှုတွေကအကြီးတန်းအင်ဂျင်နီယာမှပဲတိကျလိမ့်မယ်၊ ဒါတောင် တချို့အကြီးတန်းအင်ဂျင်နီယာတွေကခိုတာတွေရှိသေးတယ်၊ အငယ်တန်းဆိုရင် အသုံးပြုရမယ့်ratioပါပျောက်သွားနိုင်တယ်”ဟု မြို့ပြအင်ဂျင်နီယာတစ်ဦးကသုံးသပ်ပြောကြားခဲ့သည်။ထို့အ ပြင်စီးပွားရေးသမားကန်ထရိုက်အချို့မှာမိမိတို့အတွက်အမြတ်များစွာကျန်ရှိစေရန်အတွက်အထပ်မြင့်အဆောက် အအုံဆောက်ရာတွင်အငယ်တန်းအင်ဂျင်နီယာကိုအသုံးပြုထားသော်လည်းအဆိုပါအငယ်တန်းအင်ဂျင်နီယာကိုပင် အချိန့်ပြည့်ကြပ်မတ်ခိုင်းခြင်းမရှိဘဲ၊ အချိန်ပိုင်းများသာခေါ်ယူအသုံးပြုနေမှုများရှိနေကြောင်းလည်းသိရသည်။လက်ရှိရန်ကုန်တိုင်းဒေသကြီးတွင် အကြီးတန်းအင်ဂျင်နီယာလိုင်စင်ရှိလူဦးရေမှာ (၁၉၁၈)ဦး နှင့် အငယ်တန်းအင်ဂျင်နီယာလိုင်စင်ရှိလူဦးရေမှာ(၉၂၀) ဦးရှိနေကြောင်းရန်ကုန်မြို့တော်စည်ပင်သာယာရေးကော်မတီ၏စာရင်းများတွင်ဖော်ပြထားသည်။

ဝယ်ယူရန်မသင့်သောကန်ထရိုက်တိုက်များ
တည်ဆောက်နေသောအဆောက်အဦးတွင် လိုအပ်သည့်စံနှုန်းများ၊ သတ်မှတ်ထားသည့်စံနှုန်းများပြည့်မီမှုရှိ၊ မရှိကိုရန်ကုန်မြို့တော်စည်ပင်သာယာရေးကော်မတီမှ စစ်ဆေးမှုများပြုလုပ်လျှက်ရှိပြီးစစ်ဆေးရာတွင် သတ်မှတ်စံနှုန်းများနှင့်ကိုက်ညီမှုရှိပါကတည်ဆောက်နေသည့်တိုက်၏အရှေ့ဘက်မျက်နှာစာတွင် အစိမ်းရောင်ဗီနိုင်းကိုကပ်ပေးထားပြီး၊ သတ်မှတ်စံချိန်၊ စံနှုန်းများနှင့် မကိုက်ညီသောဆောက်လက်စကန်ထရိုက် တိုက်များတွင် အနီရောင်ဗီနိုင်းအားတိုက်၏မျက်နှာစာတွင်ကပ်ပေးထားကြောင်းသိရသည်။ “ပြည်သူတွေ အရေအသွေးမပြည့်မီတဲ့အထပ်မြင့်အဆောက်အအုံတွေကိုမဝယ်သင့်ပါဘူး၊ ဘယ်လောက်ဈေးပေါပေါ အသက်အန္တရာယ်ရှိနိုင်ပါတယ်၊ အရည်အသွေးမပြည့်မီတဲ့ တိုက်တွေမဆောက်နိုင်အောင်လို့ ဆောက်လက်စတိုက်တွေကိုလိုက်လံစစ်ဆေးပေးနေပါတယ်၊ အရည်အသွေးမပြည့်မီတဲ့တိုက်ကိုအနီရောင်ဗီနိုင်းကပ်ထားပါတယ်၊ အနီရောင်ဗီနိုင်းကပ်ထားတဲ့ ဆောက်လက်စတိုက်တွေကိုကြိုပွိုင့်ပဲဖြစ်ဖြစ်၊ဘာပဲဖြစ်ဖြစ်မဝယ်ယူသင့်ပါ ဘူး၊ဆုံးရှုံးမှုများနိုင်တယ်” ဟုအထပ်မြင့်အဆောက်အအုံဌာနမှ တာဝန်ရှိသူတစ်ဦးကသုံးသပ်ပြောကြားခဲ့သည်။

ထို့အပြင် ယခင်ကဆောက်လုပ်နေသောကန်ထရိုက်တိုက်အချို့မှာဆောက်လုပ်ခွင့်ပါမစ်မကျသေးသော်လည်းဒဏ်ကြေးဆောင်၍ တည်ဆောက်မှုများရှိနေသည့်အတွက်စည်ပင်ကွင်းဆင်းစစ်ဆေးမှုမပြုနိုင်သည့်ကန်ထရိုက် တိုက်များလည်းရှိခဲ့သည်။တည်ဆောက်ခွင့်ပါမစ်ကျချိန်တွင် အဆောက်အဦးမှာပြီးစီးနေပြီဖြစ်၍ စစ်ဆေးမှုပျမ်း မျှသာပြုလုပ်ခဲ့ရသည်များရှိခဲ့သည့်အတွက် ယခုအခါဆောက်လုပ်ခွင့်ပါမစ်မကျခင်တည်ဆောက်ပါကဒဏ်ကြေးတိုးမြှင့်သတ်မှတ်လိုက်ခြင်းကြောင့် ဆောက်လက်စတိုက်များဖျက်သိမ်းသွားသည်မှာ (၁၇)လုံးမျှရှိပြီဖြစ်ကြောင်းသိရသည်။ထို့အပြင်သတ်မှတ်ချက်မပြည့်မီ၍ အရေးယူထားသည့်ကန်ထရိုက်တိုက်များမှာတိုက်(၁၈၉၀)လုံးအထိရှိခဲ့ကြောင်းသိရသည်။

ထို့အတွက် ကန်ထရိုက်တိုက်ဝယ်ယူမည့်သူများအနေဖြင့် အသေချာစိစစ်သင့်ပေသည်။ယခုရန်ကုန်မြို့ ၏တိုက်ခန်းဈေးနှုန်းများသိန်းရာကျော်ဖြစ်နေ၍မိမိဝယ်ယူသောတိုက်ခန်းအတွက်စိတ်ချမ်းသာမှုအပြည့်ရရှိ ရန်ဝယ်ယူစဉ်တွင် စုံစမ်းမေးမြန်းမှုများပြုလုပ်သင့်ပေသည်။ ထိုမှသာအရည်အသွေးမပြည့်မီသော၊ ပါမစ်မကျဘဲဆောက်လုပ်သောကန်ထရိုက်တိုက်များကိုဝယ်ယူခြင်းမှရှောင်ရှားနိုင်မည်ဖြစ်သည်။ထိုမှမဟုတ်လျှင် မိမိဝယ်ယူထားသောတိုက်မှာ ဖြိုချ၊ဖျက်သိမ်းစာရင်းတွင်ပါဝင်နေလိမ့်မည်။


(လမင်းအောင်) iMyanmarHouse.com အတွက် အထူးရေးသားဖော်ပြသည်။
Credit: iMyanmarHouse.com