ရန်ကုန်မြို့ချဲ့ထွင်ရန် ဒဂုံမြို့သစ်တွင် မြေဧက နှစ်သောင်းကျော်သိမ်းထားဟု မြို့ပြပညာရှင်ပြော

ရန်ကုန်မြို့ချဲ့ထွင်ရန်အတွက်ဒဂုံမြို့သစ်တွင် မြေဧက နှစ်သောင်းကျော်သိမ်းဆည်း ထားပြီးဖြစ်ကြောင်းရန်ကုန်မြို့တော် စည်ပင်သာယာရေးကော်မတီအကြံပေးမြို့ပြပညာရှင် ဒေါက် တာကျော်လတ်ကပြောသည်။

ယခင်အစိုးရလက်ထက်မှစ ၍ မြို့သစ်များတိုးချဲ့ရာတွင် အသုံးပြုခဲ့သည့် မြေလွတ်များရှိပြီးလမ်းပန်းဆက်သွယ်ရေးအထူး ပြုလုပ်စရာမလိုသဖြင့် ရန်ကုန်မြို့တိုးချဲ့ပါက အဆင်ပြေနိုင် ကြောင်း၎င်းကဆက်ပြောသည်။

‘‘ချဲ့စရာမလိုဘူး။ မြို့ထဲမှာ ပါပြီးသား မြေတွေ သိမ်းထားပြီး သား။ လျော်ကြေးပေးဖို့ပဲလိုတော့တယ်။တကယ်မြို့တိုးချဲ့ချင်ရင်ဦးစားပေးလုပ်သင့်တယ်’’ဟု ဒေါက်တာ ကျော်လတ်ကပြောသည်။

• 

ထိုနေရာတွင် လယ်ကွင်း များနှင့် ရွာများသာရှိပြီး မြို့သစ် တိုးချဲ့ရန်အတွက် လျော်ကြေး ပေးရန်သာလိုအပ်ပြီး လျော် ကြေးပေးပြီးမြို့သစ်တည်ဆောက်ပါကတစ်ဧကလျှင် နှစ်ဆခန့်အမြတ်ရနိုင်ကြောင်း ဒေါက်တာ ကျော်လတ်ကပြောသည်။ ထို့ကြောင့် ရန်ကုန်မြို့တိုးချဲ့လျှင် ထိုနေရာမှ စတင်သင့်ပြီး ဒုတိယအနေဖြင့်သန်လျင်မြို့တံတားများအဆင်း မြေနေရာတွင် အကောင်အထည်ဖော်သင့်ပြီး တတိယအနေဖြင့် ဒလမြို့နှင့် နောက်ဆုံးယခင်ဆောက်လုပ်ရန်စီစဉ်သည့်ကြည့်မြင်တိုင်တစ်ဖက်ကမ်းဖြစ်သင့်သည်ဟု ဒေါက်တာကျော်လတ်က ပြောသည်။ အဆိုပါမြေနေရာမှာ လက်ရှိ အချိန်တွင် နေထိုင်သူများလာပြီးလမ်းပန်းဆက်သွယ်ရေးခက်ခဲပြီးစက်မှုဇုန်မြေနေရာများနှင့် မြေကွက်လပ်အများအပြားရှိကြောင်း တောင်ဒဂုံမြို့နယ်နေ ကိုဝင်းထွဋ်က ပြောသည်။

ယခင် တည်ဆောက်ရန် စီစဉ်သည့် ကြည့်မြင်တိုင်တစ် ဖက်ကမ်းရှိရန်ကုန်မြို့သစ်စီမံကိန်းမှာလမ်းပန်းဆက်သွယ်ရေးခက်ခဲပြီးတံတားထိုးရန်လိုအပ် ကြောင်းနှင့်တံတားထိုးပါက သင်္ဘောများဖြတ်သန်းနေသဖြင့် မြေအောက်ဥမင်တံတားသာထိုး ရမည်ဖြစ်၍ ကုန်ကျစရိတ်အမေ ရိကန်ဒေါ်လာ သန်းတစ်ထောင်ခန့်ရှိကြောင်း၎င်းကဆက်ပြောသည်။ယခင်မြို့တော်ဝန်ဟောင်းကလည်းဒဂုံမြို့သစ်များတွင်ရှိ သော မြေလွတ်များကိုစနစ်တကျအကွက်ဖော်ပြီးအသုံးပြုသင့် ကြောင်း ပြောကြားထားသည်။

‘‘လက်ရှိအချိန်မှာစည်ပင်လူတွေကတော့ဘယ်နေရာမြို့ချဲ့နိုင်တယ်ဆိုတာ အခြားသူထက် ပို သိမှာပါ’’ဟု ရန်ကုန်မြို့တော် ၀န် ဟောင်း ဦးအောင်သိန်းလင်းက ပြောသည်။

‘‘အရင်တုန်းက ဒီကမြေ ကွက်တွေကို ဈေးကစားကြဖူး တယ်။ အဲဒီတုန်းက လမ်းမကြီး ဘေးဆိုရင် သိန်း ၆၀၀ လောက် ထိ ဈေးပေါက်ဖူးတယ်။ အခုမြေကွက်တွေက အကွက်ရိုက်ထားတာကော ခြံခတ်ထားတာကော ရှိတယ်။ ဒီအတိုင်း ကွက်လပ်တွေလည်းရှိတယ်’’ ဟု တောင်ဒဂုံ ၁၀၅ ရပ်ကွက်နေ ကိုဇေယျာငြိမ်းက ပြောသည်။

ရန်ကုန်မြို့တွင်စီမံကိန်းတစ်ခုပြုလုပ်မည်ဆိုလျှင် မြေဈေးကစားသူများကြောင့် မြေဈေးများအဆမတန်မြင့်တက်လေ့ရှိသည်။ဒလမြို့နှင့်ရန်ကုန်မြို့သို့တံတားထိုးမည့်အစီအစဉ်သည်လည်း ဒလဘက်ရှိ မြေဈေးများ အဆမတန်မြင့်တက် လာမှုကြောင့် စီမံကိန်းရပ်ဆိုင်းခဲ့သည်။

ကြည့်မြင်တိုင်တစ်ဖက်ကမ်း မြို့သစ်စီမံကိန်းမှာလည်း သတင်းထွက်ပေါ်ပြီး မြေဈေးတစ်ဟုန်တိုး ထိုးတက် ခဲ့သော်လည်း ပွင့်လင်းမြင်သာစွာမဆောင်ရွက်သောကြောင့် ကန့် ကွက်မှုများကြုံခဲ့ရပြီး နောက်ဆုံးတွင်ရပ်ဆိုင်းသွားသည်။

Credit : 7Day Daily