တိုက်ခန်းဝယ်ရင် ‘‘ဈေးဆစ်’’ ဖို့ ကအဓိကလား ‘‘ ပိုင်ဆိုင်မှု မှန်ကန်ဖို့ က အဓိကလား ’’

ဝယ်သူရဲ့ ဦးတည်ချက် ကဈေးဆစ်ဖို့ အကျိုးဆောင်က ပွဲဖြစ်ဖို့ အိမ်ခြံမြေတိုက်ခန်း အရောင်းအဝယ်ပြုလုပ်ကြရာမှာဝယ် သူအများစိတ်လောနေသည်က ရောင်းသူခေါ်ထားတဲ့ဈေးကို အတက်နိုင်ဆုံး ဈေးဆစ်ဖို့ သာ အဓိကလို့ ထင်နေကြတယ်၊ ပွဲစားဆိုသော ပုဂ္ဂိုလ်များကလည်း အရောင်းအဝယ် ဖြစ်ဖို့ ကိုသာ ဦးတည်ပြောဆို တက်ကြတယ်။ ပွဲစားဆိုတာကလဲ ပုထုဇဉ်ပဲလေ။ အရောင်းအဝယ်တည့်မှပွဲခရမှမဟုတ်လား။အရောင်းအဝယ်ဆိုတာရောင်းသူ၊ဝယ်သူ
‘‘ လောဘလွန်ဆွဲပွဲ ’’ဒါကြောင့် အရောင်းအဝယ် လုပ်ကြပြီဆိုလျှင်‘‘လိုချင်မှုလောဘ’’ ကိုရှေ့ တန်းတင်ပြီး ရောင်းသူနဲ့ ဝယ်သူ များမှာကိုယ်လိုရာ ဘက်ပါအောင် ‘‘လောဘလွန်ဆွဲပွဲ’’ ပြုလုပ်နေတာနဲ့ တူပါတယ်။ကြည့်လေ……အိမ်ခြံမြေရောင်းမယ့်သူကလည်းကာလ ပေါက်ဈေး ‘‘ထက်’’ သူကြိုက်တဲ့ ‘‘အမြင့် ဆုံးဈေး’’ ကိုခေါ်တယ်။

ရောင်းဈေးတစ်ခွန်းတည်းပြောလို့မရ ၊ဈေးဆစ်တာက အလေ့အထ

ဒီကြားထဲ‘‘ ပွဲစားကလည်း ဝယ်သူစိတ်ပါအောင်လှုံဆော်ပေးရသေးတယ် ။ မြေရှင် ဒါမှမဟုတ် တိုက်ခန်းပိုင်ရှင် က ငွေလိုနေလို့ ရောင်းချင်တာကြာလှပြီ ။ဒီတော့….ကျောက်အရောင်းအဝယ်လုပ်သလိုပေါ့။‘‘ ရောင်းသူတစ်ဆယ် ၊ ဝယ်သူငါးကျပ် ’’ ဆိုတဲ့  စကား ရှိတယ်လေ။အကိုလည်း ကြိုက်နေတာဘဲဈေးဆစ်ကြည့်ပေါ့…ဟု‘‘ ရေလာ မြောင်းပေး ’’ ကြိုပြောထားတော့ ရောင်းသူ နဲ့ ဝယ်သူ မျက်နှာချင်းဆိုင် တွေ့ ရင် ‘‘ဈေးဆစ်’’ တာကတော့ မြန်မာ လူမျိုးတို့ ရဲ့ ထုံးစံ တစ်ခုလိုတောင် ဖြစ်နေပြီ လို့ ဆိုရမယ် ထင်ပါတယ်။

အတုမြင်၊ အတက်သင်လာကြတဲ့ ကိုရီးယား

• 

မြန်မာလူမျိုးတွေရဲ့ လေသံလိုက်ပြီး၊ မြန်မာလူမျိုးတွေနဲ့ ဖက်စပ် လုပ်ကိုင်နေ ကြတဲ့ ကိုရီးယား လူမျိုး၊ ဂျပန် လူမျိုးတွေ တောင် ဈေးဆစ် တက်လာ ကြပြီ၊ မှတ်မိလို့ ပြောရအုံးမယ် ။ တစ်ခါကမြန်မာပိုင် မြေကွက်တစ်ကွက် ကို ကိုရီးယားလူမျိုးက ငှားရမ်းပြီးခြံ စိုက်ပျိုး လုပ်ဖို့ အင်္ဂလိပ်လို စာချုပ်ချုပ် တဲ့ အခါ စာချုပ် စီစဉ်ပေးဖိုနဲ့ စာချုပ်ပေါ်မှာအသိသက်သေ လက်မှတ်ထိုးပေးဖို့့ရှေ့ နေခေါ်တဲ့ အတွက် ကျွန်ုပ် လိုက်ပါ ဆောင်ရွက် ပေးရဘူးတယ်…. စာချုပ် မှာ လက်မှတ် ထိုးပြီး တဲ့ အခါ ရှေ့ နေ ဆောင်ရွက်ခ ဘယ်လောက်ပေးရမလဲလို့ မေးတယ်၊ ကျွန်ုပ်က(နှစ်သိန်း)ပေးရမယ် လို့ ပြော တဲ့ အခါ အင်္ဂလိပ် လို ပြောနေ တဲ့  ကိုရီးယား က‘‘များ တယ် ငါးသောင်း ကျပ်’’ ထားပါလို့ မြန်မာလို ပီပီသသ ပြောလိုက်တော့ ကျွန်ုပ်တောင် ပါးစပ် အဟောင်းသားနဲ့ ဖြစ်သွားတယ်။သူကို သဘောကျလို့ ‘‘ဟက်ဟက် ပက်ပက်’’ရယ်မိခဲ့ သေးတယ်။

သူတို့ နိုင်ငံမှာရှေ့ နေဆိုရင် အလွန်တန်ဖိုးထားတဲ့ လူမျိုးကတောင်မြန်မာပြည်လည်း ရောက်လာရော မြန်မာနည်း မြန်မာ့ဟန်၊ မြန်မာ့ ထုံးစံကို လေ့ လာထားပုံရပါတယ်။ ရှေ့နေခ ဈေးဆစ် ဖို့ ကျတော့ သွက်လိုက်တာ ဈေးဆစ်ဖို့ အစောကြီး ကတည်းက‘‘ဗမာစကား’’သင်ထားသလား မသိပါဘူး။ ဒါက စပ်မိလို့ ကိုယ်တွေ့ လေးပြောပြတာပါ။

အရောင်းအ၀ယ် မလုပ်မီ ပိုင်ဆိုင်မှု စစ်ဆေးဖို့ ကအဓိက

အဲ…….ပြောချင်တာက ဝယ်သူတွေဟာ ရောင်းသူတွေထံက ပိုင်ဆိုင်မှု စာရွက် စာတမ်းတွေ ကို သေသေချာချာ မလေ့ လာရသေးဘဲ နဲ့ ‘‘ ဈေးဆစ်’’ ကြတာကို တွေ့ ရပါတယ်။ တကယ်တော့ အိမ်၊ ခြံ ၊မြေ / တိုက်ခန်း အရောင်းအဝယ် ဈေးစကား မပြောမီရောင်းသူရဲ့ ပိုင်ဆိုင်မှု စာရွက်စာတမ်း တွေကို ပထမဆုံး စစ်ဆေး
ကြည့်ရမှာပါ။ တိုက်ခန်း ဆိုရင် ကန်ထရိုက်တာ ထံက ဝယ်ထားတာလား။ဒါမှမဟုတ် မြေရှင်ကသူ့ ပိုင်အခန်းကို ရောင်းတာလား။ဒါမှမဟုတ် တိုက် မပြီးသေးဘဲနဲ့ ကြိုပွိုင့် ရောင်းတာလား မေးမြန်းရမယ်။

ကန်ထရိုက်တာထံ ကဝယ်တဲ့ စာချုပ်လား၊ မြေရှင်ထံ ကဝယ်တဲ့ စာချုပ်လား ခွဲခြားပါ။

ကန်ထရိုက်တာ ထံ ကတစ်ဆင့် ဝယ်တဲ့ တိုက်ခန်းဆို ရင် ကန်ထရိုက်တာ နဲ့ ဝယ်သူ တိုက်ရိုက်ချုပ်တဲ့ စာချုပ် တစ်ခုပဲပေးလိမ့်မယ်။ပြီးတော့ လူနေထိုင်ခွင့် လက်မှတ်( BCC )မိတ္တူ ရမယ်။ဒါဘဲ။ မြေရှင်ဘက် ကဝယ် တဲ့ တိုက်ခန်း ဆိုရင် ၊ကန်ထရိုက်တာနဲ့ မြေရှင် တို့  ချုပ်ဆိုထားတဲ့  နှစ်ဦးသဘောတူ ကန်ထရိုက်တိုက်ဆောက်လုပ်တဲ့ စာချုပ် မိတ္တူပေးမယ်။ပြီးမှ(BCC )မိတ္တူ ပေးမယ်။ပြီးမှမြေရှင် နဲ့ ဝယ်သူတိုက်ခန်း အရောင်းအဝယ် စာချုပ်ချုပ်လိုက်ရုံဘဲ ။မြေရှင်ထံ ကတစ်ဆင့် ဝယ်ထားသူက အဆင့်ဆင့်ပြန်ရောင်း တယ် ဆိုရင်တော့ အသိအမှတ်ပြုပေး ဖို့ မြေရှင်လက်မှတ် ရေးထိုးခိုင်းလေ့ ရှိ်ကြတယ်။ မြေရှင် လက်မှတ်ထိုးခ တိုက်ခန်း တန်ဖိုး ရဲ့  ၁% ၊၂ % တောင်းလိမ့် မယ်။ ရေမီတာ ၊လျှပ်စစ် မီတာ၊ စည်ပင်အခွန်ပြေစာ ၊ အခန်းငှားခ လစဉ်ပြေစာတွေကို ဝယ်သူကိုပေးရမှာကတော့  ရောင်းသူတာဝန်ဘဲ ။

ကြိုပွိုင့် အဆင့် ပြောင်းလေ၊ ကန်ထရိုက် ကြိုက်လေ

ကြိုပွိုင့် တိုက်ခန်းတွေရဲ့ သဘောတရား ကတော့ ပထမဆုံးကြိုပွိုင့်ဝယ်သူတွေက ကန်ထရိုက်တာထံက တိုက်ဆောက်ဖို့ မြေမတိုင်းမီကတည်း ကဈေးနှုန်းချိုသာစွာနဲ့ ဝယ်တယ်။တိုက်ဆောက်လုပ်လို့ တစ်ထပ် ၊ နှစ်ထပ် ရုပ်လုံးပေါ် လာရင် အဲဒီကြိုပွိုင့် ကိုဘဲ နောက်တစ်ဦး က လာဝယ်ပြန်တယ် ။ဒီတော့ ပထမ ကြိုပွိုင့် ဝယ်
သူက အမြတ်တင် ရောင်းတယ်။ ဒီတော့ ပထမဝယ်သူထားသူရဲ့  နာမည် ကနေ၊ ဒုတိယ နာမည် ပြောင်းခ ကန်ထရိုက်တာ ကိုပေးရတယ်။ နာမည်ပြောင်းခ အနည်းဆုံး (၁၀) လောက်ပေး ရတယ် တိုက် မပြီးခင် စပ်ကြား နောက်ထပ် အရောင်းအဝယ် ရှိတိုင်း ၊ကန်ထရိုက်တာ ကရှေ့နည်းတူဆောင်ရွက် ပေးရတယ်။ တစ်ဦးပြောင်းရင် (၁၀)သိန်း ရတဲ့ ကန်ထရိုက်တာက ကြိုပွိုင့် စနစ်ဝယ်သူပြောင်းလေ ကြိုက်လေဘဲ။ နောက်ဆုံးဝယ်သူ နဲ့ ကန်ထရိုက်တာ နဲ့ အပြီးအပိုင် အရောင်းအဝယ်စာချုပ်ချုပ်မှပဲ ကန်ထရိုက်တာဝန် ပြီးသွားတော့တယ်။ ဈေးကတော့ ကိုယ်ဝယ် တဲ့ ဈေးကသိန်း (၃၀၀) ဆိုပေမယ့် ကြိုပွိုင့် ရောင်းတုန်း က ဈေး အ တိုင်း ဥပမာသိန်း(၁၅၀)ဆိုရင်အဲဒီဈေးနဲ့ ဘဲချုပ်ပေးတယ်။ ကန်ထရိုက်တာနဲ့ ဝယ်သူတိုက်ရိုက်စာချုပ်ရလို့ အဲဒီလိုဝယ်ထား တဲ့ တိုက်ခန်းမျိုးကို ဝယ်သူအမည်ပေါက် တိုက်ခန်း လို့ တင်စားပြောလေ့ ရှိကြတယ်။ ဒီလိုတွေသိနိုင် ဖို့ အတွက် ဈေးဆစ်ဖို့ ထက် ပိုင်ဆိုင်မှု စာရွက်စာတမ်း တွေ မှန်ကန်မှု ရှိ ၊မရှိ အရင် စစ်ဆေးကြ ပါလို့ မှာကြားလိုက်
ပါရစေ ။

ခေတ္တရာ မြင့်အောင် ( LL.B DML ) မှ iMyanmarHouse.com အတွက် သီးသန့်ရေးသားတင်ပြသည်။

Credit: iMyanmarHouse.com