အခွန်လျှော့ဆောင်ရန် လိမ်လည်စာချုပ် ချုပ်ဆိုမှုများကို အရေးယူမည်ဟုဆို

အခွန်ဆောင်ရန် ပညာ ပေးကာလသတ်မှတ်ထားသော် လည်း ကုန်ပစ္စည်းရောင်းချခြင်း ဖြစ်စေ၊ ဝန်ဆောင်မှုလုပ်ငန်းဖြစ် စေ အခွန်လျှော့ဆောင်ရန် လိမ်လည်ချုပ်ဆိုသော စာချုပ်များ ကို အရေးယူသွားမည်ဖြစ်ကြောင်း ရန်ကုန်တိုင်းဒေသကြီးအခွန်ဦးစီး ဌာနမှသတင်းရရှိသည်။

နေအိမ်အပါအဝင် ပစ္စည်း များရောင်းချခြင်း၊ ငှားရမ်းခြင်းတို့ ပြုလုပ်ရာ၌ စာချုပ်များ ချုပ်ဆိုရာတွင် အခွန်ဆောင်ရန် သက်သာစေရန် မူလ တန်ဖိုးထက် လျှော့ချုပ်ဆိုမှုများနေပြီး ယင်းတို့ကို အရေးယူသွားမည် ဖြစ်သည်။

‘‘အိမ်တစ်လုံးငှားတယ်။ စာချုပ်ပါတဲ့အတိုင်း ဈေးနှုန်းက မဖြစ်နိုင်ဘူးဆိုရင် မြို့နယ် အခွန် ဦးစီးမှူးက ခေါ်စစ်လို့ရတယ်။ ဈေးကိုလည်း အခွန်ဦးစီးမှူးက သတ်မှတ်လို့ရတယ်။ ဒီကိစ္စက ကျယ်ကျယ်ပြန့်ပြန့်ဖြစ်နေတယ်။ ဒါကိုကိုင်တွယ်ဖို့ အခွန်ဥပဒေထဲ မှာ အခွန်ဦးစီးမှူးတွေကို လုပ် ကိုင်ခွင့်ပြုထားတာ’’ ဟု ရန်ကုန် တိုင်းဒေသကြီး အခွန်ဦးစီးဌာနဒုတိယဦးစီးမှူးကပြောသည်။

• 

မိမိနေအိမ်အတွက် ငှားရမ်း ခ ၁၀ သိန်းကျော် ပေးရသော် လည်း အိမ်ရှင်ကသုံးသိန်းဟုသာ စာချုပ်တွင်ထည့်ချုပ်ဆိုခဲ့သည်။ ယင်းကိစ္စမှာ အခွန်ရှောင်ခြင်းသာ ဖြစ်၍ မကြိုက်နှစ်သက်ကြောင်း နှင့် ထိုကိစ္စအတွက် မည်သည့် အခွန်ထမ်းမှ စစ်ဆေးခြင်း မရှိ ကြောင်း ရန်ကင်းမြို့နယ်တွင်နေ ထိုင်နေသော အမေရိကန်နိုင်ငံ သားတစ်ဦးကလည်း ၎င်း၏အတွေ့အကြုံကိုပြောသည်။ ‘‘အိမ်ငှားနေလာတာ ၁၀ နှစ်ကျော်ရှိပြီ။ ငှားခအခွန် မဆောင်ခဲ့ဘူး၊ ဆောင်ရမယ်လို့ ပြောတာကြားတယ်။ အခုချိန်ထိ ဘာမှ အကြောင်းကြားလာတာ မရှိသေးဘူး’’ဟု တောင်ဥက္ကလာပ မြို့နယ်မှ အိမ်ပိုင်ရှင်ဦးစိန်ကြိုင် ကပြောသည်။

လက်ရှိအချိန်တွင် အခွန် ရှောင်လုပ်ငန်းများ ရှိနိုင်သော် လည်း အခွန်ပညာပေး လိုအပ် ခြင်း၊ ရှင်းလင်းလွယ်ကူသော အခွန်စနစ်များ လိုအပ်ခြင်းနှင့် အခွန်ဝန်ထမ်းများ ကျွမ်းကျင်မှုလို အပ်တို့ခြင်းကြောင့် ပြည်သူများ အခွန်ပေးချင်စိတ်ရှိလာစေရန် အခွန်ပညာပေးလုပ်ငန်းကို ဘဏ္ဍာရေးဝန်ကြီးဌာန၊ ပြည်တွင်းအခွန်များဦးစီးဌာနအနေဖြင့် အချိန်ယူလုပ်ဆောင်နေခြင်းဖြစ်ကြောင်း ပြည်တွင်းအခွန်များ ဦးစီးဌာန ညွှန်ကြားရေးမှူးချုပ် ဦးမင်းသိန်းကပြောသည်။

၂၀၁၅ ခုနှစ် စက်တင်ဘာ တွင် ဝင်ငွေခွန် ဥပဒေနှင့် ကုန် သွယ်လုပ်ငန်းခွန် ဥပဒေထဲမှ အထူးကုန်စည်အတွက် အထူးအခွန်ကို ဆွဲထုတ်ပြင်ဆင်ပြီးသွားပါက အခွန်ရှောင်ပြဿနာကို ကိုင်တွယ်ဖြေရှင်းသွားမည်ဟု ၎င်းကဆက်ပြောသည်။ ‘‘လက်ရှိ ဥပဒေအရဆိုရင် ထောင်ဒဏ် ၁၀ နှစ်အထိချလိုက် ရတယ်။ ဒါပေမဲ့ အခုအခွန်စနစ် တွေ၊ အခွန်ဝန်ထမ်းတွေ အား နည်းနေလို့ ပညာပေးကာလသတ် မှတ်ထားတာ။ ပညာပေးတွေဝန် ဆောင်မှုတွေ ကောင်းလာရင် အခွန်အတွက် အားစိုက်ဆောင် ရွက်သွားမယ်’’ဟု ဦးမင်းသိန်းက ပြောသည်။

နိုင်ငံတော်တွင် အခွန်ရငွေ ၂၀၁၂-၁၃ ဘဏ္ဍာနှစ်တွင် ကျပ် ငွေ ၂၇၁၀ ဘီလီယံရှိပြီး ၂၀၁၃- ၁၄ ဘဏ္ဍာနှစ်တွင် ကျပ်ငွေ ၃,၅၂၁ ဘီလီယံအထိ တိုးတက် လာသည်။ ပြည်တွင်းအခွန် ကောက်ခံရငွေသည်လည်း ဂျီဒီပီ၏ ၆ ရာခိုင်နှုန်းပမာဏသာရရှိပြီး တစ်ဦးချင်းဝင်ငွေသည် ၂၀၁၄-၁၅ တွင် အမေရိကန်ဒေါ်လာ ၁,၁၄၀ မှ ၁,၁၈၀ ကြားတွင်သာ ရှိနေသေးသည်ဟု အမျိုးသား စီမံကိန်းနှင့် စီးပွားရေး ဖွံ့ဖြိုးတိုးတက်မှု ဝန်ကြီးဌာနကထုတ်ပြန်ထားသည်။

လိမ်လည်ချုပ်ဆိုသည်ဟု အထောက်အထား တွေ့ရှိပါက မြို့နယ်ဦးစီးမှူး သတ်မှတ်သော အခွန်နှုန်းကို ပေးဆောင်ရမည်ဖြစ်ပြီး ဒုတိယအကြိမ် တွေ့ရှိပါက ဒဏ်ငွေဆောင်ရမည် ဖြစ်သည်။


Credit: 7 Day Daily