ရန်ကုန်တွင် ဘိလပ်မြေဈေး ဆက်တိုက်ကျဆင်း

ယခုရက်ပိုင်းအတွင်း ဘိလပ်မြေဈေးနှုန်းများ ဆက်တိုက်ဆိုသလိုကျဆင်းလျက်ရှိသည်ဟု ရန်ကုန်မြို့ ဘိလပ်မြေအရောင်းဆိုင်များက ဇူလိုင် ၂၀ ရက်တွင် မဇ္ဈိမကို ပြောသည်။

ပြီးခဲ့သည့် ဇွန်လအတွင်းတွင် ဘိလပ်မြေဈေးနှုန်းမှာ တစ်အိတ်လျှင် ၅၈၀၀ ကျပ်ရှိသော်လည်း ယခုဇူလိုင်လတွင် ဘိလပ်မြေ တစ်အိတ်လျှင် ၅,၄၀၀ ကျပ်အထိကျဆင်းသွားသည်ဟု အဆိုပါ အရောင်းဆိုင်များက ပြောသည်။

၂၀၁၄ ခုနှစ် နှစ်ဆန်းပိုင်းတွင် ဘိလပ်မြေတစ်အိတ်လျှင် ၆,၀၀၀ ကျပ်အထိရှိခဲ့ပြီး ခုနစ်လအတွင်း တဖြည်းဖြည်း ဈေးနှုန်းကျဆင်းလာသည်ဟု ရန်ကုန်မြို့ ဒဂုံမြို့သစ်မြောက်ပိုင်းရှိ ဒဂုံမြင့်ဘိလပ်မြေအရောင်းဆိုင်ပိုင်ရှင် ဦးဝင်းကိုက ပြောသည်။

• 

“ မိုးရာသီရောက်လို့ ဘိလပ်မြေဈေးနှုန်းကျတာလည်း ပါပါတယ်။ လတိုင်းလတိုင်း သိသိသာသာကြီးဈေးကျသွားတာမျိုးတော့ မရှိပါဘူး ” ဟု ၎င်းက ပြောသည်။

ဘိလပ်မြေဈေးနှုန်း ကျဆင်းလာသော်လည်း ရန်ကုန်မြို့တွင်း ဘိလပ်မြေ အရောင်းဆိုင်များမှာရောင်းအား တက်လာခြင်းမျိုး မရှိဘဲ ပုံမှန်လောက်သာ အရောင်းအ၀ယ်ဖြစ်နေသည်ဟု ရန်ကုန်မြို့ ဒဂုံမြိ့သစ်မြောက် ပိုင်း ပြည်ကျော်ဘိလပ် မြေဆိုင်ပိုင်ရှင် မဇင်မာလွင် ကပြောသည်။

“ ဒီမိုးတွင်းမှာရောင်းအားတွေကျတယ်။ အိတ် ၅၀၀ ကိုတစ်လခွဲလောက် အထိရောင်းနေရတယ် ” ဟုလည်း ၎င်းက ပြောသည်။

မြန်မာနိုင်ငံဘိလပ်မြေဈေးကွက်တွင် အရောင်းရဆုံး ဘိလပ်မြေတံဆိပ်ဖြစ်သည့် ထိုင်းဆင်တံဆိပ် SCG ဘိလပ်မြေများမှာ လည်းရောင်းအားကျဆင်းမှုရှိနေကြောင်းစော်ဘွားကြီးကုန်းရှိဆင်တံဆိပ် ဘိလပ်မြေ အရောင်းဌာနမှ မသန္တာကဆိုသည်။

“ ဈေးလည်းကျတယ်။ ရောင်းအားလည်းကျတယ်။ ပြီးခဲ့တဲ့လက တစ်အိတ်ကို ၅,၄၀၀ ကျပ် ကနေဒီလမှ ၅,၃၀၀ကျပ် ဈေးဖြစ်သွားတယ် ” ဟု ၎င်းက ပြောသည်။

ဘိလပ်မြေဈေးကွက်သည် ယေဘုယျအားဖြင့် ပွင့်လင်းရာသီရောက်မှသာ ရောင်းအားကောင်းမွန်သည်ဟု ဆိုနိုင်သော်လည်း ဆောက်လုပ်ရေးလုပ်ငန်းများ၏ အခြေအနေကလည်း ဘိလပ်မြေဈေးကွက်ပေါ် သက်ရောက်မှုရှိနိုင်ကြောင်း ရန်ကုန်မြို့ရှိ ဆောက်လုပ်ရေးပစ္စည်းအရောင်းဆိုင်များက ပြောသည်။

Credit : Mizzima Burmese