စိုက်ပျိုးမြေအမျိုးအစားများအကြောင်း ဥပဒေဗဟုသုတအနေဖြင့် ရေးသားဖော်ပြပေးလိုက်ပါသည်။

စိုက်ပျိုးမြေအမျိုးအစားများအား ၂၀၁၂ ခုနှစ်တွင် ထွက်ရှိသော လယ်ယာမြေဥပဒေအရ လည်းကောင်း၊ မြေလွတ်၊မြေလပ်၊မြေရိုင်းများ စီမံခန့်ခွဲရေးဥပဒေအရ လည်းကောင်း အမျိုးအစားခွဲခြား သတ်မှတ်နိုင်ပါသည်။လယ်ယာမြေတွင် စိုက်ပျိုးအသုံးပြုသူများသည် နှစ်စဉ်သတ်မှတ်မြေခွန်အားလဲ ထမ်းဆောင်ရန်လိုပါသည်။

လယ်ယာမြေအမျိုးအစားတွင် စပါး၊ပဲ၊ပြောင်း၊နှမ်း စိုက်ပျိုးကြပြီး ဆည်ရေသောက်လယ်နှင့် ရွာမြေ(မိုးရေသောက်လယ်)များအားလဲ ထပ်မံခွဲခြား သတ်မှတ်ထားပါသည်။ ယာမြေတွင်တော့ ပြောင်း၊ နှမ်း၊ ဝါ၊ ပဲများ အဓိက စိုက်ပျိုးပြီး ဥယျာဉ်ခြံမြေမှာ ဟင်းသီးဟင်းရွက်၊ သစ်သီး၊ကော်ဖီ၊ လက်ဖက်စသည်စိုက်ပျိုးပြီး ခြံစိုက်ပျိုးမြေဖြစ်ပါသည်။

လယ်ယာမြေအမျိုးအစားများအား လယ်ယာမြေ စီမံခန့်ခွဲမှုအဖွဲ့မှ ကြီးကြပ်ဆောင်ရွက်ပါသည်။ ကိုင်းကျွန်းမြေ၊ မြေနုကျွန်းမြေများအားလဲ စိုက်ပျိုးမြေများအဖြစ် အစိုးရမှ ခွင့်ပြုသည့်အခါ သီးနှံများစိုက်ပျိုးနိုင်ပါသည်။ တောင်ယာမြေ အမျိုးအစားများအား တောင်ပေါ်အရပ်ဒေသ ရှမ်းပြည်နယ်၊ ချင်းပြည်နယ်များတွင်အများဆုံးတွေ့ရှိတတ်ပြီး ဒေသခံများမှ ခွင့်ပြုချက်လျှောက်ထားရရှိလျှင် စိုက်ပျိုးနိုင်ပါသည်။

မြေလွတ်၊ မြေလပ်၊ မြေရိုင်းများအားလဲ စိုက်ပျိုးမြေ၊ မွေးမြူရေး၊ ကျေးရွာဘုံမြေအဖြစ် အသုံးပြုနိုင်ရန် သက်ဆိုင်ရာမြို့နယ်အလိုက် မြေလွတ်၊ မြေလပ်၊မြေရိုင်း စီမံခန့်ခွဲရေးကော်မတီထံတွင် လျှောက်ထားခြင်းပြုနိုင်သည်။ မြေလွတ်၊ မြေလပ်မြေရိုင်းမှာ ယခင်စိုက်ပျိုးလုပ်ကိုင်နေခြင်း မရှိသောမြေကို ဆိုလိုပါသည်။ စိုက်ပျိုးမြေမရှိသော မိသားစုမှ တစ်နိုင်တစ်ပိုင် စိုက်ပျိုးနိုင်ရန် လျှောက်ထားခြင်းလဲပြုနိုင်ပါသည်။

ခွင့်ပြုသတ်မှတ်ထားသည့် မြေအမျိုးအစားများအတိုင်း သီးနှံများ စိုက်ပျိုးရမည်ဖြစ်ကာ သီးနှံအားပြောင်းလဲစိုက်ပျိုးမှုပြုလိုသည့်အခါ၊ လယ်ယာမြေအား အခြားနည်းပြောင်းလဲကာ အသုံးပြုခွင့်ရရှိလိုသည့်အခါ သက်ဆိုင်ရာမှခွင့်ပြုချက် လျှောက်ထားရမည် ဖြစ်ပါသည်။ လယ်ယာမြေကို (၃)နှစ် ဆက်တိုက် စိုက်ပျိုးခြင်းမပြုပါက မြေအသုံးပြုခွင့်အား ပြန်လည်ရုတ်သိမ်းခြင်းလဲ ဆောင်ရွက်နိုင်ပါသည်။ စားနပ်ရိက္ခာများ ထုတ်လုပ်ရာတွင် စိုက်ပျိုးမြေများ၏ မြေဆီလွှာကောင်းမွန်မှုမှာ အခြေခံကျသလို မြေယာဥပဒေများနှင့်အညီသတ်မှတ် သီးနှံများအတိုင်း စိုက်ပျိုးရန် လိုအပ်ကြောင်း ဥပဒေဗဟုသုတအနေဖြင့် ရေးသားဖော်ပြပေးလိုက်ပါသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767  သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

iMyanmarHouse.com ၏ ဥပ​ဒေအကြံ​ပေး ပညာရှင်​အဖွဲ့ မှ အထူးရေးသားဖော်ပြသည်။

Credit: iMyanmarHouse.com