သင့်ရဲ့လှပအိမ်လေးကို ဘယ်လိုပြင်ဆင်ထားသလဲ။ အိမ်ခန်းတွေကော၊ အိမ်အပြင်ဘက်တွေကော၊ ခြံဝင်းလေးကောပေါ့။ လှပတဲ့အပြင်အဆင် လေးတွေကြောင့် အိမ်ထဲမှာ နေထိုင်ကြတဲ့ သင်တို့မိသားစုဝင်တွေကော၊ သင့်အိမ်လာလည်တဲ့ ဧည့်သည်တွေကော သဘောကျနှစ်သက်ကြမှာ ဖြစ် ပါတယ်။ အခုတစ်ခါထပ်ပြီး ဖော်ပြပေးမယ့် အိမ်အလှအပြင်အဆင်လေးက သင့်အိမ်ရှေ့ကဖြတ်လျှောက်သွားတဲ့သူတိုင်းကို စွဲဆောင်ပြီးသဘောကျနှစ် သက်သွားစေမယ့် အပြင်အဆင်လေးပဲဖြစ်ပါတယ်။
အိမ်ရဲ့ဝရန်တာလေးမှာ အခုလိုလှပပြီးချစ်စရာကောင်းတဲ့ ရောင်စုံပန်းပင် လေးတွေ စိုက်ပျိုးထားမယ်ဆိုရင် သင့်အိမ်လေးရဲ့အပြင်ဘက်မြင်ကွင်းလေး ကချစ်စရာကောင်းနေမှာပါ။
အပေါ်ထပ်အောက်ထပ်ဖြစ်နေတဲ့ ဝရန်တာလေးတွေကို အပေါ်အောက် ဆက်စပ်ပြီးတွဲလောင်းချ စိုက်ပျိုးထားတဲ့ ပန်းဆိုင်းလေးတွေနဲ့ အဆုပ်လိုက် ပွင့်နေတဲ့ စက္ကူပန်းချပ်အပင်လေးတွေကို စိုက်ပျိုးပြီး အလှဆင်နိုင်ပါတယ်။
အိမ်ရဲ့အဝင်အဝမှာဖြစ်ဖြစ်၊ အိမ်ဘေးပတ်လည်အုတ်နံရံကပ်နေရာတွေမှာ ဖြစ်ဖြစ်၊ အိမ်အပေါ်ဘက် လသာဆောင်၊ ဝရန်တာလိုနေရာတွေမှာဖြစ်ဖြစ် ၊ တံခါးပေါက်နေရာတွေမှာ ပန်းပွင့်အားကောင်းတဲ့ အပင်အမျိုးအစားတွေကို တစ်မျိုးစီ၊ တစ်ရောင်စီနဲ့ ခွဲခြားပြီး စိုက်ပျိုးလိုက်မယ်ဆိုရင် ပန်းပင်လေးတွေနဲ့ တကယ်ကိုလှပပြီး နေချင်စရာကောင်းတဲ့ နေအိမ်လေးတစ်အိမ်ဖြစ်သွားမှာ ပါ။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
