အမျိုးသားများ၏ သုက်ရည်တွင် ကိုရိုနာဗိုင်းရပ်စ် တွေ့ရှိ

[Unicode]

COVID-19 ခေါ် လတ်တလော အသက်ရှူလမ်းကြောင်းဆိုင်ရာ ကူးစက်မြန်ရောဂါကို ဖြစ်စေသော ကိုရိုနာဗိုင်းရပ်စ်အသစ်သည် ၎င်းဗိုင်းရပ်စ်ကူးစက်ခံထားရသည့် အမျိုးသားများ ပြန်လည်ကောင်းမွန်လာပြီးသည့်တိုင် သူတို့၏သုက်ရည်တွင် ဆက်လက်ရှိနေနိုင်သည်ဟူသော တွေ့ရှိချက်တစ်ရပ်ကို တရုတ်သုတေသီများက ဧပြီ ၇ တွင် ကြေညာလိုက်သည်။

ယင်းတွေ့ရှိချက်က “ထိုဗိုင်းရပ်စ်သည် လိင်ဆက်ဆံရာမှတစ်ဆင့် ကူးစက်နိုင်ခြေရှိမှု” ကို မြင့်တက်စေလိုက်ကြောင်း သိရသည်။

Shangqiu Municipal Hospital (ရှန်းချိုမြို့တော်ဆေးရုံ) ၏ အဖွဲ့တစ်ဖွဲ့က တရုတ်၌ ထိုကပ်ရောဂါအမြင့်မားဆုံးအချိန်ဖြစ်ခဲ့သည့် ဇန်နဝါရီနှင့် ဖေဖော်ဝါရီအကြား ထိုဆေးရုံတွင် ကုသမှုခံယူနေခဲ့သော အမျိုးသား ၃၈ ဦးကို စမ်းသပ်ခဲ့ကြသည်။

၎င်းအမျိုးသားများအနက် ၁၆ ရာခိုင်နှုန်းခန့်၏ သုက်ရည်များတွင် အဆိုပါကိုရိုနာဗိုင်းရပ်စ်ကို တွေ့ရှိခဲ့ကြကြောင်း ထိုအဖွဲ့က JAMA Network Open ဂျာနယ်တွင် အစီရင်ခံတင်ပြခဲ့ကြသည်။ ထိုအမျိုးသား ၃၈ ဦး၏ လေးပုံတစ်ပုံခန့်သည် ရောဂါအခြေအနေပြင်းထန်ခဲ့ကြပြီး ၉ ရာခိုင်နှုန်းနီးပါးကသာ ပြန်လည်ကောင်းမွန်လာခဲ့ကြကြောင်းလည်း ထိုအဖွဲ့က တင်ပြခဲ့ကြသည်။

“SARS-CoV-2 (ကိုရိုနာဗိုင်းရပ်စ်အသစ်၏အမည်) ဟာ COVID-19 လူနာတွေရဲ့ သုက်ရည်မှာ ရှိနေနိုင်တာ၊ ပြန်ကောင်းလာတဲ့လူနာတွေရဲ့ သုက်ရည်မှာလည်း တွေ့ရှိရနိုင်သေးတာကို ကျွန်တော်တို့ တွေ့ရှိခဲ့ကြပါတယ်။” ဟု ‌တရုတ်စစ်တပ်၏ ပေကျင်းရှိ အထွေထွေရောဂါကု‌ဆေးရုံမှ ဆရာဝန်များက ရေးသားခဲ့ကြသည်။

“ကိုရိုနာဗိုင်းရပ်စ်ဟာ အမျိုးသားမျိုးပွားစနစ်ထဲမှာ ပုံတူမပွားနိုင်ပေမဲ့လည်း ရှိတာကတော့ ဆက်ရှိနေနိုင်ပါတယ်။ ဝှေးစေ့တွေရဲ့ ပင်ကိုယ်သဘောဖြစ်တဲ့ ခုခံအားနည်းမှုကြောင့် ဖြစ်နိုင်ပါတယ်။” ဟုလည်း ရေးသားခဲ့ကြသည်။

အဆိုပါတွေ့ရှိချက်သည် အံ့အားသင့်ဖွယ်တွေ့ရှိချက်တစ်ခု မဟုတ်ပေ။ ဗိုင်းရပ်စ်အတော်များများသည် အမျိုးသားများ၏မျိုးပွားစနစ်လမ်းကြောင်းတွင် အသက်ရှင်နိုင်ကြသည်။ အီဘိုလာနှင့် ဇီကာဗိုင်းရပ်စ်တို့ကိုလည်း အမျိုးသားလူနာတစ်ဦး ပြန်လည်ကောင်းမွန်လာပြီးနောက် လအတန်ကြာတွင် သုက်ရည်ထဲ ပျံ့နှံ့နေသည်ကို တွေ့ရှိခဲ့ကြသည်။

ကိုရိုနာဗိုင်းရပ်စ်သည်လည်း ဤသို့ပျံ့နှံ့နိုင်ခြင်း ရှိမရှိကို ရှင်းရှင်းလင်းလင်းမသိရသေးပေ။ ဗိုင်းရပ်စ်ကို တွေ့ရသည်ဟုဆိုခြင်းမှာ ကူးစက်နိုင်သည်ဟုဆိုလိုခြင်း သေချာပေါက်မဟုတ်ပေ။

“SARS-CoV-2 ဟာ နောင်လုပ်မယ့်လေ့လာမှုတွေမှာ လိင်ဆက်ဆံရာကတစ်ဆင့်ကူးစက်နိုင်တာကို တွေ့ရတယ်ဆိုရင် လိင်ဆက်ဆံမှုမှတစ်ဆင့်ကူးစက်မှုဟာ ကူးစက်မှုကာကွယ်ရေးရဲ့ အရေးပါတဲ့အပိုင်းတစ်ပိုင်း ဖြစ်နိုင်ပါတယ်။” ဟုလည်း အဆိုပါအဖွဲ့က ရေးသားခဲ့ကြကြောင်း သိရသည်။

မြန်မာနိုင်ငံ၊ အာဆီယံနိုင်ငံများနှင့် ကမ္ဘာတစ်ဝှမ်းလုံး ၏ ကိုရိုနာဗိုင်းရပ်စ် ကူးစက်ခံရမှု ကိန်းဂဏာန်းများ - အသေးစိတ်ကြည့်ရန် ဤနေရာကို နှိပ်ပါ။

Corona Virus အကြောင်း သိကောင်းစရာများနှင့် ခုခံကာကွယ်ပုံများအသေးစိတ်ကို ဤနေရာတွင် ဖတ်ရှုနိုင်ပါသည်။

iMyanmarHouse.com သည် မြန်မာနိုင်ငံမှ Coronavirus အပြီးတိုင်တိုက်ဖျက်ရေးအတွက် ကျရာကဏ္ဍမှ ပြည်သူများအားလုံးအတွက် မှန်ကန်သော သတင်းများကို အချိန်နှင့်တပြေးညီ ဖော်ပြပေးနေပါသည်။ မှန်ကန်ယုံကြည်စိတ်ချရသော သတင်းများကိုသာ အယ်ဒီတာအဖွဲ့မှ ဖော်ပြပေးမည်ဖြစ်ပါသည်။ တစ်စုံတစ်ရာ အဆင်မပြေမှုများရှိပါက iMyanmarHouse.com သို့ ဤနေရာတွင် ဆက်သွယ်နိုင်ပါသည်။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Coronavirus found in men's semen (CNN)

[Zawgyi]

အမ်ိဳးသားမ်ား၏ သုက္ရည္တြင္ ကို႐ိုနာဗိုင္းရပ္စ္ ေတြ႕ရွိ

COVID-19 ေခၚ လတ္တေလာ အသက္ရႉလမ္းေၾကာင္းဆိုင္ရာ ကူးစက္ျမန္ေရာဂါကို ျဖစ္ေစေသာ ကို႐ိုနာဗိုင္းရပ္စ္အသစ္သည္ ၎ဗိုင္းရပ္စ္ကူးစက္ခံထားရသည့္ အမ်ိဳးသားမ်ား ျပန္လည္ေကာင္းမြန္လာၿပီးသည့္တိုင္ သူတို႔၏သုက္ရည္တြင္ ဆက္လက္ရွိေနႏိုင္သည္ဟူေသာ ေတြ႕ရွိခ်က္တစ္ရပ္ကို တ႐ုတ္သုေတသီမ်ားက ဧၿပီ ၇ တြင္ ေၾကညာလိုက္သည္။

ယင္းေတြ႕ရွိခ်က္က “ထိုဗိုင္းရပ္စ္သည္ လိင္ဆက္ဆံရာမွတစ္ဆင့္ ကူးစက္ႏိုင္ေျခရွိမႈ” ကို ျမင့္တက္ေစလိုက္ေၾကာင္း သိရသည္။

Shangqiu Municipal Hospital (ရွန္းခ်ိဳၿမိဳ႕ေတာ္ေဆး႐ုံ) ၏ အဖြဲ႕တစ္ဖြဲ႕က တ႐ုတ္၌ ထိုကပ္ေရာဂါအျမင့္မားဆုံးအခ်ိန္ျဖစ္ခဲ့သည့္ ဇန္နဝါရီႏွင့္ ေဖေဖာ္ဝါရီအၾကား ထိုေဆး႐ုံတြင္ ကုသမႈခံယူေနခဲ့ေသာ အမ်ိဳးသား ၃၈ ဦးကို စမ္းသပ္ခဲ့ၾကသည္။

၎အမ်ိဳးသားမ်ားအနက္ ၁၆ ရာခိုင္ႏႈန္းခန႔္၏ သုက္ရည္မ်ားတြင္ အဆိုပါကို႐ိုနာဗိုင္းရပ္စ္ကို ေတြ႕ရွိခဲ့ၾကေၾကာင္း ထိုအဖြဲ႕က JAMA Network Open ဂ်ာနယ္တြင္ အစီရင္ခံတင္ျပခဲ့ၾကသည္။ ထိုအမ်ိဳးသား ၃၈ ဦး၏ ေလးပုံတစ္ပုံခန႔္သည္ ေရာဂါအေျခအေနျပင္းထန္ခဲ့ၾကၿပီး ၉ ရာခိုင္ႏႈန္းနီးပါးကသာ ျပန္လည္ေကာင္းမြန္လာခဲ့ၾကေၾကာင္းလည္း ထိုအဖြဲ႕က တင္ျပခဲ့ၾကသည္။

“SARS-CoV-2 (ကို႐ိုနာဗိုင္းရပ္စ္အသစ္၏အမည္) ဟာ COVID-19 လူနာေတြရဲ႕ သုက္ရည္မွာ ရွိေနႏိုင္တာ၊ ျပန္ေကာင္းလာတဲ့လူနာေတြရဲ႕ သုက္ရည္မွာလည္း ေတြ႕ရွိရႏိုင္ေသးတာကို ကြၽန္ေတာ္တို႔ ေတြ႕ရွိခဲ့ၾကပါတယ္။” ဟု ‌တ႐ုတ္စစ္တပ္၏ ေပက်င္းရွိ အေထြေထြေရာဂါကု‌ေဆး႐ုံမွ ဆရာဝန္မ်ားက ေရးသားခဲ့ၾကသည္။

“ကို႐ိုနာဗိုင္းရပ္စ္ဟာ အမ်ိဳးသားမ်ိဳးပြားစနစ္ထဲမွာ ပုံတူမပြားႏိုင္ေပမဲ့လည္း ရွိတာကေတာ့ ဆက္ရွိေနႏိုင္ပါတယ္။ ေဝွးေစ့ေတြရဲ႕ ပင္ကိုယ္သေဘာျဖစ္တဲ့ ခုခံအားနည္းမႈေၾကာင့္ ျဖစ္ႏိုင္ပါတယ္။” ဟုလည္း ေရးသားခဲ့ၾကသည္။

အဆိုပါေတြ႕ရွိခ်က္သည္ အံ့အားသင့္ဖြယ္ေတြ႕ရွိခ်က္တစ္ခု မဟုတ္ေပ။ ဗိုင္းရပ္စ္အေတာ္မ်ားမ်ားသည္ အမ်ိဳးသားမ်ား၏မ်ိဳးပြားစနစ္လမ္းေၾကာင္းတြင္ အသက္ရွင္ႏိုင္ၾကသည္။ အီဘိုလာႏွင့္ ဇီကာဗိုင္းရပ္စ္တို႔ကိုလည္း အမ်ိဳးသားလူနာတစ္ဦး ျပန္လည္ေကာင္းမြန္လာၿပီးေနာက္ လအတန္ၾကာတြင္ သုက္ရည္ထဲ ပ်ံ႕ႏွံ႔ေနသည္ကို ေတြ႕ရွိခဲ့ၾကသည္။

ကို႐ိုနာဗိုင္းရပ္စ္သည္လည္း ဤသို႔ပ်ံ႕ႏွံ႔ႏိုင္ျခင္း ရွိမရွိကို ရွင္းရွင္းလင္းလင္းမသိရေသးေပ။ ဗိုင္းရပ္စ္ကို ေတြ႕ရသည္ဟုဆိုျခင္းမွာ ကူးစက္ႏိုင္သည္ဟုဆိုလိုျခင္း ေသခ်ာေပါက္မဟုတ္ေပ။

“SARS-CoV-2 ဟာ ေနာင္လုပ္မယ့္ေလ့လာမႈေတြမွာ လိင္ဆက္ဆံရာကတစ္ဆင့္ကူးစက္ႏိုင္တာကို ေတြ႕ရတယ္ဆိုရင္ လိင္ဆက္ဆံမႈမွတစ္ဆင့္ကူးစက္မႈဟာ ကူးစက္မႈကာကြယ္ေရးရဲ႕ အေရးပါတဲ့အပိုင္းတစ္ပိုင္း ျဖစ္ႏိုင္ပါတယ္။” ဟုလည္း အဆိုပါအဖြဲ႕က ေရးသားခဲ့ၾကေၾကာင္း သိရသည္။

ျမန္မာႏိုင္ငံ၊ အာဆီယံႏိုင္ငံမ်ားႏွင့္ ကမာၻတစ္ဝွမ္းလုံး ၏ ကို႐ိုနာဗိုင္းရပ္စ္ ကူးစက္ခံရမႈ ကိန္းဂဏာန္းမ်ား - အေသးစိတ္ၾကည့္ရန္ ဤေနရာကို ႏွိပ္ပါ။

Corona Virus အေၾကာင္း သိေကာင္းစရာမ်ားႏွင့္ ခုခံကာကြယ္ပံုမ်ားအေသးစိတ္ကို ဤေနရာတြင္ ဖတ္႐ႈႏိုင္ပါသည္။

iMyanmarHouse.com သည္ ျမန္မာႏိုင္ငံမွ Coronavirus အၿပီးတိုင္တိုက္ဖ်က္ေရးအတြက္ က်ရာက႑မွ ျပည္သူမ်ားအားလုံးအတြက္ မွန္ကန္ေသာ သတင္းမ်ားကို အခ်ိန္ႏွင့္တေျပးညီ ေဖာ္ျပေပးေနပါသည္။ မွန္ကန္ယုံၾကည္စိတ္ခ်ရေသာ သတင္းမ်ားကိုသာ အယ္ဒီတာအဖြဲ႕မွ ေဖာ္ျပေပးမည္ျဖစ္ပါသည္။ တစ္စုံတစ္ရာ အဆင္မေျပမႈမ်ားရွိပါက iMyanmarHouse.com သို႔ ဤေနရာတြင္ ဆက္သြယ္ႏိုင္ပါသည္။

(iMyanmarHouse.com Team မွ ေရးသား ေဖာ္ျပသည္။)

Credit: iMyanmarHouse.com

Ref: Coronavirus found in men's semen (CNN)