အစ္စရေးနိုင်ငံတွင် ခရမ်းလွန်ရောင်ခြည်ကို အသုံးပြုပြီး ကိုရိုနာဗိုင်းရပ်စ်လူနာခန်းများကို ပိုးမွှားသန့်စင်ပေးရန် စီစဉ်နေ

[Unicode]

အစ္စရေးနိုင်ငံရှိ Mayanei Hayeshua Medical Center တွင် ကိုရိုနာဗိုင်းရပ်စ်လူနာများကို ထားရှိသောအခန်းများ၌ ဗိုင်းရပ်စ်ကို ချေမှုန်းရန် နည်းပညာသစ်တစ်ခု တပ်ဆင်နေသည်။

ဆေးရုံ၏ အထူးကြပ်မတ်ကုသဆောင်များနှင့် ပြင်ပလူနာဌာနတို့လည်း ပါဝင်သည်။

အဆိုပါနည်းပညာသစ်ကား ခရမ်းလွန်ရောင်ခြည်ကို အသုံးပြုခြင်းဖြစ်ပြီး ခရမ်းလွန်ရောင်ခြည်ကို တိကျသော လှိုင်းအလျားတစ်ခုဖြင့် ပေးပါက ကိုရိုနာဗိုင်းရပ်စ်ကို သေစေနိုင်သည့်အပြင် လူကိုလည်း ကင်ဆာမဖြစ်စေကြောင်း၊ အဆုပ်ရောဂါပြဿနာများရှိနေသည့် လူနာများ အပါအဝင် ကိုရိုနာဗိုင်းရပ်စ်လူနာများအတွက် နီးစပ်ထိတွေ့ကာ အသုံးပြုခြင်းဖြင့်လည်း အန္တရာယ်မရှိကြောင်း သိရသည်။

အစ္စရေးစီးပွားရေးလုပ်ငန်းရှင် Eldad Peri နှင့် ဒေါက်တာ ဘောရစ် အော်ကင် (Dr. Boris Orkin) ဦးဆောင်သော ဆေးပညာအဖွဲ့တို့ ပူးပေါင်းကာ ဆောင်ရွက်ခဲ့သည့် သုတေသနနှင့်ဖွံ့ဖြိုးမှုစီမံကိန်းဖြင့် ယခုနည်းစနစ်ကို အကောင်အထည်ဖော်နိုင်ခဲ့ခြင်း ဖြစ်သည်။

ရူပဗေဒပညာရှင်အဖွဲ့တစ်ဖွဲ့ကလည်း အကူအညီပေးခဲ့ရာ လိုအပ်သော လှိုင်းအလျားတွက်ချက်မှု အပါအဝင် လုပ်ဆောင်ပုံနည်းစနစ် (Algorithm) များ ရေးသားပေးခဲ့သည်။

တီထွင်သူတို့၏ ပြောကြားချက်အရ အဆိုပါစနစ်သည် အခန်းတစ်ခန်းအတွင်းရှိ ကိုရိုနာဗိုင်းရပ်စ်ကို လူနာတစ်ဦးတစ်ယောက်ကိုမျှ ဘေးမရှိစေဘဲ နာရီဝက်အတွင်း ချေမှုန်းဖျက်ဆီးနိုင်ကြောင်း ပြောကြားသည်။

“ ခွဲစိတ်ခန်းတွေကို သန့်စင် ပိုးသတ်ဖို့အတွက် ခရမ်းလွန်ရောင်ခြည်ကို အသုံးပြုခဲ့တာဟာ နှစ်ပေါင်းများစွာ ကြာခဲ့ပါပြီ။ အစ္စရေးနိုင်ငံရော ကမ္ဘာတစ်ဝန်းမှာပါ အသုံးပြုနေကြပါတယ်။ ဒါပေမယ့် ၂၀၀၉ ခုနှစ်မှာတော့ အမေရိကန်ကျန်းမာရေးဌာန အကြီးအကဲတွေက သတိပေးချက်တစ်ရပ် ထုတ်ပြန်ခဲ့ပါတယ်။ တချို့သော ရောင်ခြည်တွေဟာ အလွန်အန္တရာယ်ကြီးမားတဲ့ အိုဇုန်းမော်လီကျူးတွေ ထုတ်လုပ်တယ်လို့ သတိပေးထားပါတယ်” ဟု ဒေါက်တာ ဘောရစ် အော်ကင်က ပြောကြားသည်။

“ဒီအချက်ကြောင့် သူတို့ဟာ ကိုရိုနာဗိုင်းရပ်စ်တိုက်ဖျက်ရေးမှာ ခရမ်းလွန်ရောင်ခြည်ကို အသုံးမပြုကြပါဘူး။ လူနာကို အန္တရာယ်ဖြစ်မှာ စိုးရိမ်တာကြောင့်လည်း ဖြစ်ပါတယ်” ဒေါက်တာ အော်ကင်က ပြောကြားရာတွင် ၎င်းတို့အဖွဲ့၏ သုတေသနပြုချက်အရ ခရမ်းလွန်ရောင်ခြည်ကို တိကျသော လှိုင်းအလျား တစ်ခုဖြင့် အသုံးပြုခြင်းသည် အိုဇုန်းကို မထုတ်လုပ်ကြောင်း၊ အဆောက်အအုံများနှင့် အခန်းများ သန့်စင်စေရာတွင်မူ ထိရောက်ကြောင်း၊ ထို့ကြောင့် ဗိုင်းရပ်စ်ကုသရာတွင် အလွန်သင့်လျော်ကောင်းမွန်ကြောင်း ပြောကြားသည်။

လှိုင်းအလျား အတိအကျဖြင့် အသုံးပြုခြင်းဖြင့် အရေပြားနှင့် မျက်လုံးများအတွက် အန္တရာယ်ရှိစေသော ဓာတ်ရောင်ခြည်လည်း မဖြစ်ပေါ်စေကြောင်း ၎င်းက ဆက်လက်ပြောကြားသည်။

Mayanei Hayashua Medical Center ၏ အကြီးအကဲ ပါမောက္ခ Moti Ravid က ပြောကြားရာတွင် ယခုစနစ်တွင် မီးလုံးတစ်မျိုးကို အသုံးပြုပြီး လေထဲအတွင်းသို့ အိုဇုန်းမထုတ်လွှတ်သော လှိုင်းအလျားဖြင့် ရောင်ခြည်ကို ထုတ်လွှတ်စေခြင်းဖြစ်ကြောင်း၊ ထို့ကြောင့် အဆုပ်ရောဂါလူနာများ၏ အခန်းထဲတွင် အသုံးပြုရန် ဘေးကင်းလုံခြုံမှုရှိကြောင်း ပြောကြားသည်။

မြန်မာနိုင်ငံ၊ အာဆီယံနိုင်ငံများနှင့် ကမ္ဘာတစ်ဝှမ်းလုံး ၏ ကိုရိုနာဗိုင်းရပ်စ် ကူးစက်ခံရမှု ကိန်းဂဏာန်းများ - အသေးစိတ်ကြည့်ရန် ဤနေရာကို နှိပ်ပါ။

Corona Virus အကြောင်း သိကောင်းစရာများနှင့် ခုခံကာကွယ်ပုံများအသေးစိတ်ကို ဤနေရာတွင် ဖတ်ရှုနိုင်ပါသည်။

iMyanmarHouse.com သည် မြန်မာနိုင်ငံမှ Coronavirus အပြီးတိုင်တိုက်ဖျက်ရေးအတွက် ကျရာကဏ္ဍမှ ပြည်သူများအားလုံးအတွက် မှန်ကန်သော သတင်းများကို အချိန်နှင့်တပြေးညီ ဖော်ပြပေးနေပါသည်။ မှန်ကန်ယုံကြည်စိတ်ချရသော သတင်းများကိုသာ အယ်ဒီတာအဖွဲ့မှ ဖော်ပြပေးမည်ဖြစ်ပါသည်။ တစ်စုံတစ်ရာ အဆင်မပြေမှုများရှိပါက iMyanmarHouse.com သို့ ဤနေရာတွင် ဆက်သွယ်နိုင်ပါသည်။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: In first, system to destroy COVID-19 used in Israeli hospital rooms (Jerusalem Post)

[Zawgyi]

အစၥေရးႏိုင္ငံတြင္ ခရမ္းလြန္ေရာင္ျခည္ကို အသုံးျပဳၿပီး ကို႐ိုနာဗိုင္းရပ္စ္လူနာခန္းမ်ားကို ပိုးမႊားသန႔္စင္ေပးရန္ စီစဥ္ေန

အစၥေရးႏိုင္ငံရွိ Mayanei Hayeshua Medical Center တြင္ ကို႐ိုနာဗိုင္းရပ္စ္လူနာမ်ားကို ထားရွိေသာအခန္းမ်ား၌ ဗိုင္းရပ္စ္ကို ေခ်မႈန္းရန္ နည္းပညာသစ္တစ္ခု တပ္ဆင္ေနသည္။

ေဆး႐ုံ၏ အထူးၾကပ္မတ္ကုသေဆာင္မ်ားႏွင့္ ျပင္ပလူနာဌာနတို႔လည္း ပါဝင္သည္။

အဆိုပါနည္းပညာသစ္ကား ခရမ္းလြန္ေရာင္ျခည္ကို အသုံးျပဳျခင္းျဖစ္ၿပီး ခရမ္းလြန္ေရာင္ျခည္ကို တိက်ေသာ လႈိင္းအလ်ားတစ္ခုျဖင့္ ေပးပါက ကို႐ိုနာဗိုင္းရပ္စ္ကို ေသေစႏိုင္သည့္အျပင္ လူကိုလည္း ကင္ဆာမျဖစ္ေစေၾကာင္း၊ အဆုပ္ေရာဂါျပႆနာမ်ားရွိေနသည့္ လူနာမ်ား အပါအဝင္ ကို႐ိုနာဗိုင္းရပ္စ္လူနာမ်ားအတြက္ နီးစပ္ထိေတြ႕ကာ အသုံးျပဳျခင္းျဖင့္လည္း အႏၲရာယ္မရွိေၾကာင္း သိရသည္။

အစၥေရးစီးပြားေရးလုပ္ငန္းရွင္ Eldad Peri ႏွင့္ ေဒါက္တာ ေဘာရစ္ ေအာ္ကင္ (Dr. Boris Orkin) ဦးေဆာင္ေသာ ေဆးပညာအဖြဲ႕တို႔ ပူးေပါင္းကာ ေဆာင္႐ြက္ခဲ့သည့္ သုေတသနႏွင့္ဖြံ႕ၿဖိဳးမႈစီမံကိန္းျဖင့္ ယခုနည္းစနစ္ကို အေကာင္အထည္ေဖာ္ႏိုင္ခဲ့ျခင္း ျဖစ္သည္။

႐ူပေဗဒပညာရွင္အဖြဲ႕တစ္ဖြဲ႕ကလည္း အကူအညီေပးခဲ့ရာ လိုအပ္ေသာ လႈိင္းအလ်ားတြက္ခ်က္မႈ အပါအဝင္ လုပ္ေဆာင္ပုံနည္းစနစ္ (Algorithm) မ်ား ေရးသားေပးခဲ့သည္။

တီထြင္သူတို႔၏ ေျပာၾကားခ်က္အရ အဆိုပါစနစ္သည္ အခန္းတစ္ခန္းအတြင္းရွိ ကို႐ိုနာဗိုင္းရပ္စ္ကို လူနာတစ္ဦးတစ္ေယာက္ကိုမွ် ေဘးမရွိေစဘဲ နာရီဝက္အတြင္း ေခ်မႈန္းဖ်က္ဆီးႏိုင္ေၾကာင္း ေျပာၾကားသည္။

“ ခြဲစိတ္ခန္းေတြကို သန႔္စင္ ပိုးသတ္ဖို႔အတြက္ ခရမ္းလြန္ေရာင္ျခည္ကို အသုံးျပဳခဲ့တာဟာ ႏွစ္ေပါင္းမ်ားစြာ ၾကာခဲ့ပါၿပီ။ အစၥေရးႏိုင္ငံေရာ ကမာၻတစ္ဝန္းမွာပါ အသုံးျပဳေနၾကပါတယ္။ ဒါေပမယ့္ ၂၀၀၉ ခုႏွစ္မွာေတာ့ အေမရိကန္က်န္းမာေရးဌာန အႀကီးအကဲေတြက သတိေပးခ်က္တစ္ရပ္ ထုတ္ျပန္ခဲ့ပါတယ္။ တခ်ိဳ႕ေသာ ေရာင္ျခည္ေတြဟာ အလြန္အႏၲရာယ္ႀကီးမားတဲ့ အိုဇုန္းေမာ္လီက်ဴးေတြ ထုတ္လုပ္တယ္လို႔ သတိေပးထားပါတယ္” ဟု ေဒါက္တာ ေဘာရစ္ ေအာ္ကင္က ေျပာၾကားသည္။

“ဒီအခ်က္ေၾကာင့္ သူတို႔ဟာ ကို႐ိုနာဗိုင္းရပ္စ္တိုက္ဖ်က္ေရးမွာ ခရမ္းလြန္ေရာင္ျခည္ကို အသုံးမျပဳၾကပါဘူး။ လူနာကို အႏၲရာယ္ျဖစ္မွာ စိုးရိမ္တာေၾကာင့္လည္း ျဖစ္ပါတယ္” ေဒါက္တာ ေအာ္ကင္က ေျပာၾကားရာတြင္ ၎တို႔အဖြဲ႕၏ သုေတသနျပဳခ်က္အရ ခရမ္းလြန္ေရာင္ျခည္ကို တိက်ေသာ လႈိင္းအလ်ား တစ္ခုျဖင့္ အသုံးျပဳျခင္းသည္ အိုဇုန္းကို မထုတ္လုပ္ေၾကာင္း၊ အေဆာက္အအုံမ်ားႏွင့္ အခန္းမ်ား သန႔္စင္ေစရာတြင္မူ ထိေရာက္ေၾကာင္း၊ ထို႔ေၾကာင့္ ဗိုင္းရပ္စ္ကုသရာတြင္ အလြန္သင့္ေလ်ာ္ေကာင္းမြန္ေၾကာင္း ေျပာၾကားသည္။

လႈိင္းအလ်ား အတိအက်ျဖင့္ အသုံးျပဳျခင္းျဖင့္ အေရျပားႏွင့္ မ်က္လုံးမ်ားအတြက္ အႏၲရာယ္ရွိေစေသာ ဓာတ္ေရာင္ျခည္လည္း မျဖစ္ေပၚေစေၾကာင္း ၎က ဆက္လက္ေျပာၾကားသည္။

Mayanei Hayashua Medical Center ၏ အႀကီးအကဲ ပါေမာကၡ Moti Ravid က ေျပာၾကားရာတြင္ ယခုစနစ္တြင္ မီးလုံးတစ္မ်ိဳးကို အသုံးျပဳၿပီး ေလထဲအတြင္းသို႔ အိုဇုန္းမထုတ္လႊတ္ေသာ လႈိင္းအလ်ားျဖင့္ ေရာင္ျခည္ကို ထုတ္လႊတ္ေစျခင္းျဖစ္ေၾကာင္း၊ ထို႔ေၾကာင့္ အဆုပ္ေရာဂါလူနာမ်ား၏ အခန္းထဲတြင္ အသုံးျပဳရန္ ေဘးကင္းလုံၿခဳံမႈရွိေၾကာင္း ေျပာၾကားသည္။

ျမန္မာႏိုင္ငံ၊ အာဆီယံႏိုင္ငံမ်ားႏွင့္ ကမာၻတစ္ဝွမ္းလုံး ၏ ကို႐ိုနာဗိုင္းရပ္စ္ ကူးစက္ခံရမႈ ကိန္းဂဏာန္းမ်ား - အေသးစိတ္ၾကည့္ရန္ ဤေနရာကို ႏွိပ္ပါ။

Corona Virus အေၾကာင္း သိေကာင္းစရာမ်ားႏွင့္ ခုခံကာကြယ္ပံုမ်ားအေသးစိတ္ကို ဤေနရာတြင္ ဖတ္႐ႈႏိုင္ပါသည္။

iMyanmarHouse.com သည္ ျမန္မာႏိုင္ငံမွ Coronavirus အၿပီးတိုင္တိုက္ဖ်က္ေရးအတြက္ က်ရာက႑မွ ျပည္သူမ်ားအားလုံးအတြက္ မွန္ကန္ေသာ သတင္းမ်ားကို အခ်ိန္ႏွင့္တေျပးညီ ေဖာ္ျပေပးေနပါသည္။ မွန္ကန္ယုံၾကည္စိတ္ခ်ရေသာ သတင္းမ်ားကိုသာ အယ္ဒီတာအဖြဲ႕မွ ေဖာ္ျပေပးမည္ျဖစ္ပါသည္။ တစ္စုံတစ္ရာ အဆင္မေျပမႈမ်ားရွိပါက iMyanmarHouse.com သို႔ ဤေနရာတြင္ ဆက္သြယ္ႏိုင္ပါသည္။

(iMyanmarHouse.com Team မွ ေရးသား ေဖာ္ျပသည္။)

Credit: iMyanmarHouse.com

Ref: In first, system to destroy COVID-19 used in Israeli hospital rooms (Jerusalem Post)