မြောက်ကိုရီးယားတွင် ကိုရိုနာဗိုင်းရပ်စ်ကူးစက်ခံရသူမရှိဟုဆိုခြင်းကို မယုံကြည်ကြောင်း အမေရိကန်ထိပ်တန်းဗိုလ်ချုပ်ကြီး ပြောကြား

### Unicode Version ###

တောင်ကိုရီးယားရှိ အမေရိကန်တပ်ဖွဲ့များ (USFK) ၏ အကြီးအကဲ ဗိုလ်ချုပ်ကြီး ရောဘတ် အေဘရမ်စ်က မြောက်ကိုရီးယားနိုင်ငံက ၎င်းတို့တွင် ကိုရိုနာဗိုင်းရပ်စ် ကူးစက်ခံရသူမရှိဟု ထုတ်ပြန်ထားခြင်းအပေါ် မယုံကြည်ကြောင်း ပြောကြားလိုက်သည်ဟု CNN သတင်းတစ်ရပ်တွင်ဖော်ပြသည်။

“ကျွန်တော်တို့ တွေ့နေရတဲ့ ထောက်လှမ်းရေးသတင်းအချက်အလက်တွေအရ ဒါဟာမဖြစ်နိုင်ပါဘူး” ဟု ဗိုလ်ချုပ်ကြီး ရောဘတ် အေဘရမ်စ်က CNN ၊ VOA တို့နှင့် ပူးတွဲတွေ့ဆုံမေးမြန်းခန်းတွင် ပြောကြားသည်။

“ဘယ်နှစ်ယောက်လောက် ကူးစက်ခံထားရလဲဆိုတာတော့ ကျွန်တော်မပြောနိုင်ပါဘူး။ ဒါပေမယ့် ဖေဖော်ဝါရီနဲ့ မတ်လအစောပိုင်း ရက် ၃၀ ခန့်အတွင်း သူတို့ရဲ့ လှုပ်ရှားမှုတွေကို ကျွန်တော်သိထားပါတယ်။ သူတို့ရဲ့ စစ်ဘက်ကို lockdown ချထားပြီး နယ်ခြားသွားလာမှုတွေနဲ့ သူတို့ရဲ့ဖွဲ့စည်းပုံတွေကို ပြင်းထန်တဲ့နည်းလမ်းတွေနဲ့ ကိုင်တွယ်နေပါတယ်” ဟု ရောဘတ် အေဘရမ်စ်က ပြောကြားသည်။

မြောက်ကိုရီးယားသည် ဒေသတွင်းတွင် ကိုရိုနာဗိုင်းရပ်စ် အဆိုးရွားဆုံးကူးစက်ခံထားရသည့် နှစ်နိုင်ငံဖြစ်သော တရုတ်၊ တောင်ကိုရီးယားတို့နှင့် နယ်နိမိတ်ခြင်းထိစပ်နေသည့် နိုင်ငံဖြစ်သော်လည်း ကိုရိုနာဗိုင်းရပ်စ်ကူးစက်ခံရကြောင်း တရားဝင်ထုတ်ပြန်ချက် မရှိသေးချေ။

တောင်ကိုရီးယားအခြေစိုက် အမေရိကန်စစ်သည်များ (USFK) တွင်ကား ၁၆ ဦးမြောက် ကူးစက်ခံထားရကြောင်းနှင့် ကူးစက်ခံရမှု နည်းပါးအောင် စီမံထားနိုင်ကြောင်း ဗိုလ်ချုပ်ကြီး အေဘရမ်စ်က ဆိုသည်။

တောင်ကိုရီးယားတွင် အခြေစိုက်နေထိုင်သူ ၅၈၀၀၀ ရှိသည့်အနက် တာဝန်ထမ်းဆောင်နေသည့် စစ်သည်မှာ ၂၈၅၀၀ ဖြစ်ပြီး ၎င်းတို့ကို မှီခိုသူများ၊ အကူအညီပေးသည့်ဝန်ထမ်းများ ပါဝင်သည်ဟု ဆိုသည်။

ကမ္ဘာတစ်ဝန်းတွင် ဖြန့်ကျက်တာဝန်ထမ်းဆောင်နေသော အမေရိကန်တပ်ဖွဲ့များအနက် USFK မှာ ကိုရိုနာဗိုင်းရပ်စ် ပထမဆုံး ကူးစက်ခံရခြင်း ဖြစ်သည်။

မြန်မာနိုင်ငံ၊ အာဆီယံနိုင်ငံများနှင့် ကမ္ဘာတစ်ဝှမ်းလုံး ၏ ကိုရိုနာဗိုင်းရပ်စ် ကူးစက်ခံရမှု ကိန်းဂဏာန်းများ - အသေးစိတ်ကြည့်ရန် ဤနေရာကို နှိပ်ပါ။

Corona Virus အကြောင်း သိကောင်းစရာများနှင့် ခုခံကာကွယ်ပုံများအသေးစိတ်ကို ဤနေရာတွင် ဖတ်ရှုနိုင်ပါသည်။

iMyanmarHouse.com သည် မြန်မာနိုင်ငံမှ Coronavirus အပြီးတိုင်တိုက်ဖျက်ရေးအတွက် ကျရာကဏ္ဍမှ ပြည်သူများအားလုံးအတွက် မှန်ကန်သော သတင်းများကို အချိန်နှင့်တပြေးညီ ဖော်ပြပေးနေပါသည်။ မှန်ကန်ယုံကြည်စိတ်ချရသော သတင်းများကိုသာ အယ်ဒီတာအဖွဲ့မှ ဖော်ပြပေးမည်ဖြစ်ပါသည်။ တစ်စုံတစ်ရာ အဆင်မပြေမှုများရှိပါက iMyanmarHouse.com သို့ ဤနေရာတွင် ဆက်သွယ်နိုင်ပါသည်။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: CNN

### Zawgyi Version ###

ေျမာက္ကိုရီးယားတြင္ ကို႐ိုနာဗိုင္းရပ္စ္ကူးစက္ခံရသူမရွိဟုဆိုျခင္းကို မယုံၾကည္ေၾကာင္း အေမရိကန္ထိပ္တန္းဗိုလ္ခ်ဳပ္ႀကီး ေျပာၾကာ

ေတာင္ကိုရီးယားရွိ အေမရိကန္တပ္ဖြဲ႕မ်ား (USFK) ၏ အႀကီးအကဲ ဗိုလ္ခ်ဳပ္ႀကီး ေရာဘတ္ ေအဘရမ္စ္က ေျမာက္ကိုရီးယားႏိုင္ငံက ၎တို႔တြင္ ကို႐ိုနာဗိုင္းရပ္စ္ ကူးစက္ခံရသူမရွိဟု ထုတ္ျပန္ထားျခင္းအေပၚ မယုံၾကည္ေၾကာင္း ေျပာၾကားလိုက္သည္ဟု CNN သတင္းတစ္ရပ္တြင္ေဖာ္ျပသည္။

“ကြၽန္ေတာ္တို႔ ေတြ႕ေနရတဲ့ ေထာက္လွမ္းေရးသတင္းအခ်က္အလက္ေတြအရ ဒါဟာမျဖစ္ႏိုင္ပါဘူး” ဟု ဗိုလ္ခ်ဳပ္ႀကီး ေရာဘတ္ ေအဘရမ္စ္က CNN ၊ VOA တို႔ႏွင့္ ပူးတြဲေတြ႕ဆုံေမးျမန္းခန္းတြင္ ေျပာၾကားသည္။

“ဘယ္ႏွစ္ေယာက္ေလာက္ ကူးစက္ခံထားရလဲဆိုတာေတာ့ ကြၽန္ေတာ္မေျပာႏိုင္ပါဘူး။ ဒါေပမယ့္ ေဖေဖာ္ဝါရီနဲ႔ မတ္လအေစာပိုင္း ရက္ ၃၀ ခန႔္အတြင္း သူတို႔ရဲ႕ လႈပ္ရွားမႈေတြကို ကြၽန္ေတာ္သိထားပါတယ္။ သူတို႔ရဲ႕ စစ္ဘက္ကို lockdown ခ်ထားၿပီး နယ္ျခားသြားလာမႈေတြနဲ႔ သူတို႔ရဲ႕ဖြဲ႕စည္းပုံေတြကို ျပင္းထန္တဲ့နည္းလမ္းေတြနဲ႔ ကိုင္တြယ္ေနပါတယ္” ဟု ေရာဘတ္ ေအဘရမ္စ္က ေျပာၾကားသည္။

ေျမာက္ကိုရီးယားသည္ ေဒသတြင္းတြင္ ကို႐ိုနာဗိုင္းရပ္စ္ အဆိုး႐ြားဆုံးကူးစက္ခံထားရသည့္ ႏွစ္ႏိုင္ငံျဖစ္ေသာ တ႐ုတ္၊ ေတာင္ကိုရီးယားတို႔ႏွင့္ နယ္နိမိတ္ျခင္းထိစပ္ေနသည့္ ႏိုင္ငံျဖစ္ေသာ္လည္း ကို႐ိုနာဗိုင္းရပ္စ္ကူးစက္ခံရေၾကာင္း တရားဝင္ထုတ္ျပန္ခ်က္ မရွိေသးေခ်။

ေတာင္ကိုရီးယားအေျခစိုက္ အေမရိကန္စစ္သည္မ်ား (USFK) တြင္ကား ၁၆ ဦးေျမာက္ ကူးစက္ခံထားရေၾကာင္းႏွင့္ ကူးစက္ခံရမႈ နည္းပါးေအာင္ စီမံထားႏိုင္ေၾကာင္း ဗိုလ္ခ်ဳပ္ႀကီး ေအဘရမ္စ္က ဆိုသည္။

ေတာင္ကိုရီးယားတြင္ အေျခစိုက္ေနထိုင္သူ ၅၈၀၀၀ ရွိသည့္အနက္ တာဝန္ထမ္းေဆာင္ေနသည့္ စစ္သည္မွာ ၂၈၅၀၀ ျဖစ္ၿပီး ၎တို႔ကို မွီခိုသူမ်ား၊ အကူအညီေပးသည့္ဝန္ထမ္းမ်ား ပါဝင္သည္ဟု ဆိုသည္။

ကမာၻတစ္ဝန္းတြင္ ျဖန႔္က်က္တာဝန္ထမ္းေဆာင္ေနေသာ အေမရိကန္တပ္ဖြဲ႕မ်ားအနက္ USFK မွာ ကို႐ိုနာဗိုင္းရပ္စ္ ပထမဆုံး ကူးစက္ခံရျခင္း ျဖစ္သည္။

ျမန္မာႏိုင္ငံ၊ အာဆီယံႏိုင္ငံမ်ားႏွင့္ ကမာၻတစ္ဝွမ္းလုံး ၏ ကို႐ိုနာဗိုင္းရပ္စ္ ကူးစက္ခံရမႈ ကိန္းဂဏာန္းမ်ား - အေသးစိတ္ၾကည့္ရန္ ဤေနရာကို ႏွိပ္ပါ။

Corona Virus အေၾကာင္း သိေကာင္းစရာမ်ားႏွင့္ ခုခံကာကြယ္ပံုမ်ားအေသးစိတ္ကို ဤေနရာတြင္ ဖတ္႐ႈႏိုင္ပါသည္။

iMyanmarHouse.com သည္ ျမန္မာႏိုင္ငံမွ Coronavirus အၿပီးတိုင္တိုက္ဖ်က္ေရးအတြက္ က်ရာက႑မွ ျပည္သူမ်ားအားလုံးအတြက္ မွန္ကန္ေသာ သတင္းမ်ားကို အခ်ိန္ႏွင့္တေျပးညီ ေဖာ္ျပေပးေနပါသည္။ မွန္ကန္ယုံၾကည္စိတ္ခ်ရေသာ သတင္းမ်ားကိုသာ အယ္ဒီတာအဖြဲ႕မွ ေဖာ္ျပေပးမည္ျဖစ္ပါသည္။ တစ္စုံတစ္ရာ အဆင္မေျပမႈမ်ားရွိပါက iMyanmarHouse.com သို႔ ဤေနရာတြင္ ဆက္သြယ္ႏိုင္ပါသည္။

(iMyanmarHouse.com Team မွ ေရးသား ေဖာ္ျပသည္။)

Credit: iMyanmarHouse.com

Ref: CNN