စကၤာပူပုဂၢလိကလူေနအိမ္ၿခံေျမေဈးျမင့္တက္မႈ အျခားၿမိဳ႕ျပမ်ားႏွင့္မတူဟု IMF ထုတ္ျပန္

### Zawgyi Version ###

စကၤာပူရွိ ပုဂၢလိကလူေနအိမ္ၿခံေျမေဈးႏႈန္းမ်ားသည္ ၂၀၁၃ ခုႏွစ္ကတည္းက ကမာၻတစ္ဝန္းရွိအျခားၿမိဳ႕ျပမ်ားမွ လူေနအိမ္ၿခံေျမေဈးႏႈန္းမ်ားႏွင့္ ျမင့္တက္ႏႈန္းတြင္မတူ တမူကြဲျပားလာခဲ့ေၾကာင္း၊ အဘယ္ေၾကာင့္ဆိုေသာ္ ခ်မ္းသာႂကြယ္ဝေသာ ႏိုင္ငံျခားဝယ္လက္မ်ားက စကၤာပူတြင္ တစိုက္မတ္မတ္ရင္းႏွီးျမႇဳပ္ႏွံလာၾကသျဖင့္ျဖစ္ေၾကာင္း The Business Times က ႏုိင္ငံတကာေငြေၾကးရန္ပံုေငြအဖြဲ႕ (IMF) ၏ ေလ့လာခ်က္တစ္ရပ္ကို ကိုးကား၍ ေဖာ္ျပခဲ့သည္။

၎ေလ့လာခ်က္အရဆိုရေသာ္ ထိုကဲ့သို႔က်န္ကမာၻ႕ေဈးကြက္မ်ားႏွင့္အခ်ိတ္အဆက္မရွိ ျမင့္တက္မႈသည္ ႏိုင္ငံျခားမွေဈးကစားသူမ်ားႏွင့္ဝယ္လက္မ်ားကို ပစ္မွတ္ထားသည့္ အပိုေဆာင္းဝယ္ယူမႈတံဆိပ္ေခါင္းခြန္ (ABSD) ကဲ့သုိ႔ေသာ စီမံခ်က္မ်ားေၾကာင့္ျဖစ္သည္ဟု သိရသည္။

ထိုစီမံခ်က္မ်ားကဲ့သို႔ေသာ ၾကားဝင္စြက္ဖက္မႈမ်ား မရွိဘဲ လူေနအိမ္ၿခံေျမေဈးႏႈန္းေသြး႐ိုးသား႐ိုးျမင့္တက္မႈသည္ စကၤာပူလူေနအိမ္ၿခံေျမေဈးကြက္အား ႏိုင္ငံျခားဝယ္လက္တို႔၏ စိတ္ဝင္စားႏွစ္သက္မႈကို ပုိမိုျမင့္တက္ေစႏုိင္သည္ဟု ထိုေလ့လာခ်က္အစီရင္ခံစာတြင္ ေဖာ္ျပထားသည္။

IMF ၏ ၎အစီရင္ခံစာအရ စကၤာပူလူေနအိမ္ၿခံေျမေဈးကြက္တြင္ ေဈးႏႈန္းမ်ားသည္ ၂၀၁၀ ျပည့္ႏွစ္မွ ၂၀၁၃ ခုႏွစ္အထိ ၁၆ ရာခိုင္ႏႈန္းနီးပါး ျမင့္တက္ခဲ့ေၾကာင္း၊ ထိုကာလအတြင္း ႏုိင္ငံျခားဝယ္လက္မ်ား၏ စိတ္ဝင္စားမႈသည္ ျမင့္မားခဲ့ေၾကာင္းႏွင့္ ၂၀၁၁ ခုႏွစ္အတြင္း လူေနအိမ္ၿခံေျမအေရာင္းအဝယ္အားလံုး၏ ၂၀ ရာခိုင္ႏႈန္းနီးပါးကို ႏိုင္ငံျခားသားမ်ားမွ ဝယ္ယူခဲ့ျခင္းျဖစ္ေၾကာင္း သိရသည္။

ထို႔အျပင္ စကၤာပူ၏ Core Central Region (CCR) ဧရိယာတြင္ ေဒၚလာ ၅ သန္းအထက္ အိမ္ၿခံေျမမ်ား၏ အေရာင္းအဝယ္ထက္ဝက္ခန္႔ကို ႏုိင္ငံျခားဝယ္လက္မ်ားက ျပဳလုပ္ခဲ့ျခင္းျဖစ္ေၾကာင္းလည္း စကၤာပူထိပ္တန္းအိမ္ၿခံေျမဝက္ဘ္ဆိုက္ PropertyGuru ႏွင့္ ၿမိဳ႕ေတာ္စည္ပင္သာယာေရးအာဏာပိုင္အဖြဲ႕ URA တို႔၏ အခ်က္အလက္မ်ားက ေဖာ္ျပခဲ့သည္။

၂၀၁၉ ခုႏွစ္ ပထမသံုးလပတ္အတြင္း စုစုေပါင္းအေရာင္းအဝယ္မ်ား၏ ၅ ရာခိုင္ႏႈန္းေက်ာ္ကို ႏုိင္ငံျခားဝယ္လက္မ်ားက ဝယ္ယူခဲ့ၾကျခင္းျဖစ္ေၾကာင္း၊ ႏုိင္ငံျခားသားမ်ား၏ ဝယ္ယူမႈမ်ားသည္ စကၤာပူလူေနအိမ္ၿခံေျမေဈးႏႈန္းျမင့္တက္မႈအေပၚ အႀကီးဆံုးလႊမ္းမိုးႏိုင္သူမ်ားျဖစ္ခဲ့ဖြယ္ရွိေၾကာင္းလည္း IMF ၏ ထိုအစီရင္ခံစာတြင္ ေဖာ္ျပခဲ့သည္။

အိမ္ၿခံေျမေဈးကစားသူမ်ားကလည္း အိမ္ၿခံေျမေဈးႏႈန္းမ်ားအေပၚ အႀကီးဆံုးလႊမ္းမိုးႏိုင္သူမ်ားျဖစ္ခဲ့ေပသည္။

“ေဈးကစားသူမ်ား၊ ေကာ္ပိုရိတ္မ်ားႏွင့္ ႏိုင္ငံျခားသားမ်ား၏ အေရာင္းအဝယ္မ်ားကဲ့သို႔ေသာ အႏၱရာယ္ရွိသည့္ရင္းျမစ္မ်ားကို ပစ္မွတ္ထားျခင္းေၾကာင့္ ၂၀၁၃ ခုႏွစ္ေနာက္ပိုင္းခ်မွတ္ခဲ့သည့္ အိမ္ၿခံေျမေဈးကြက္တည္ၿငိမ္ေစေရးစီမံခ်က္မ်ားက လြန္ကဲ့ေသာအိမ္ၿခံေျမေဈးႏႈန္းျမင့္တက္မႈမ်ားကို ကန္႔သတ္ထိန္းခ်ဳပ္လိုက္သည္။” ဟုလည္း အစီရင္ခံစာတြင္ေဖာ္ျပခဲ့ေၾကာင္းသိရသည္။

Credit: iMyanmarHouse.com (iMyanmarHouse.com Team မွ ေရးသား ေဖာ္ျပသည္။)

### Unicode Version ###

စင်္ကာပူရှိ ပုဂ္ဂလိကလူနေအိမ်ခြံမြေဈေးနှုန်းများသည် ၂၀၁၃ ခုနှစ်ကတည်းက ကမ္ဘာတစ်ဝန်းရှိအခြားမြို့ပြများမှ လူနေအိမ်ခြံမြေဈေးနှုန်းများနှင့် မြင့်တက်နှုန်းတွင်မတူ တမူကွဲပြားလာခဲ့ကြောင်း၊ အဘယ်ကြောင့်ဆိုသော် ချမ်းသာကြွယ်ဝသော နိုင်ငံခြားဝယ်လက်များက စင်္ကာပူတွင် တစိုက်မတ်မတ်ရင်းနှီးမြှုပ်နှံလာကြသဖြင့်ဖြစ်ကြောင်း The Business Times က နိုင်ငံတကာငွေကြေးရန်ပုံငွေအဖွဲ့ (IMF) ၏ လေ့လာချက်တစ်ရပ်ကို ကိုးကား၍ ဖော်ပြခဲ့သည်။

၎င်းလေ့လာချက်အရဆိုရသော် ထိုကဲ့သို့ကျန်ကမ္ဘာ့ဈေးကွက်များနှင့်အချိတ်အဆက်မရှိ မြင့်တက်မှုသည် နိုင်ငံခြားမှဈေးကစားသူများနှင့်ဝယ်လက်များကို ပစ်မှတ်ထားသည့် အပိုဆောင်းဝယ်ယူမှုတံဆိပ်ခေါင်းခွန် (ABSD) ကဲ့သို့သော စီမံချက်များကြောင့်ဖြစ်သည်ဟု သိရသည်။

ထိုစီမံချက်များကဲ့သို့သော ကြားဝင်စွက်ဖက်မှုများ မရှိဘဲ လူနေအိမ်ခြံမြေဈေးနှုန်းသွေးရိုးသားရိုးမြင့်တက်မှုသည် စင်္ကာပူလူနေအိမ်ခြံမြေဈေးကွက်အား နိုင်ငံခြားဝယ်လက်တို့၏ စိတ်ဝင်စားနှစ်သက်မှုကို ပိုမိုမြင့်တက်စေနိုင်သည်ဟု ထိုလေ့လာချက်အစီရင်ခံစာတွင် ဖော်ပြထားသည်။

IMF ၏ ၎င်းအစီရင်ခံစာအရ စင်္ကာပူလူနေအိမ်ခြံမြေဈေးကွက်တွင် ဈေးနှုန်းများသည် ၂၀၁၀ ပြည့်နှစ်မှ ၂၀၁၃ ခုနှစ်အထိ ၁၆ ရာခိုင်နှုန်းနီးပါး မြင့်တက်ခဲ့ကြောင်း၊ ထိုကာလအတွင်း နိုင်ငံခြားဝယ်လက်များ၏ စိတ်ဝင်စားမှုသည် မြင့်မားခဲ့ကြောင်းနှင့် ၂၀၁၁ ခုနှစ်အတွင်း လူနေအိမ်ခြံမြေအရောင်းအဝယ်အားလုံး၏ ၂၀ ရာခိုင်နှုန်းနီးပါးကို နိုင်ငံခြားသားများမှ ဝယ်ယူခဲ့ခြင်းဖြစ်ကြောင်း သိရသည်။

ထို့အပြင် စင်္ကာပူ၏ Core Central Region (CCR) ဧရိယာတွင် ဒေါ်လာ ၅ သန်းအထက် အိမ်ခြံမြေများ၏ အရောင်းအဝယ်ထက်ဝက်ခန့်ကို နိုင်ငံခြားဝယ်လက်များက ပြုလုပ်ခဲ့ခြင်းဖြစ်ကြောင်းလည်း စင်္ကာပူထိပ်တန်းအိမ်ခြံမြေဝက်ဘ်ဆိုက် PropertyGuru နှင့် မြို့တော်စည်ပင်သာယာရေးအာဏာပိုင်အဖွဲ့ URA တို့၏ အချက်အလက်များက ဖော်ပြခဲ့သည်။

၂၀၁၉ ခုနှစ် ပထမသုံးလပတ်အတွင်း စုစုပေါင်းအရောင်းအဝယ်များ၏ ၅ ရာခိုင်နှုန်းကျော်ကို နိုင်ငံခြားဝယ်လက်များက ဝယ်ယူခဲ့ကြခြင်းဖြစ်ကြောင်း၊ နိုင်ငံခြားသားများ၏ ဝယ်ယူမှုများသည် စင်္ကာပူလူနေအိမ်ခြံမြေဈေးနှုန်းမြင့်တက်မှုအပေါ် အကြီးဆုံးလွှမ်းမိုးနိုင်သူများဖြစ်ခဲ့ဖွယ်ရှိကြောင်းလည်း IMF ၏ ထိုအစီရင်ခံစာတွင် ဖော်ပြခဲ့သည်။

အိမ်ခြံမြေဈေးကစားသူများကလည်း အိမ်ခြံမြေဈေးနှုန်းများအပေါ် အကြီးဆုံးလွှမ်းမိုးနိုင်သူများဖြစ်ခဲ့ပေသည်။

“ဈေးကစားသူများ၊ ကော်ပိုရိတ်များနှင့် နိုင်ငံခြားသားများ၏ အရောင်းအဝယ်များကဲ့သို့သော အန္တရာယ်ရှိသည့်ရင်းမြစ်များကို ပစ်မှတ်ထားခြင်းကြောင့် ၂၀၁၃ ခုနှစ်နောက်ပိုင်းချမှတ်ခဲ့သည့် အိမ်ခြံမြေဈေးကွက်တည်ငြိမ်စေရေးစီမံချက်များက လွန်ကဲ့သောအိမ်ခြံမြေဈေးနှုန်းမြင့်တက်မှုများကို ကန့်သတ်ထိန်းချုပ်လိုက်သည်။” ဟုလည်း အစီရင်ခံစာတွင်ဖော်ပြခဲ့ကြောင်းသိရသည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)