ပြည်ပ အိမ်ခြံမြေ သတင်း | Posted by စည်သူအောင်
### Zawgyi Version ###
၁၉၇၉ ခုႏွစ္တြင္ တရုတ္ေခါင္းေဆာင္ၾကီး တိန္႔ေရွာင္ဖိန္၏ လမ္းညႊန္ခ်က္ျဖင့္ စတင္တည္ေထာင္ခဲ့ေသာ တရုတ္ျပည္၏ ႏိုင္ငံပိုင္ ရင္းႏွီးျမွဳပ္ႏွံမႈကုမၸဏီၾကီး CITIC Group သည္ ေပက်င္းျမိဳ႕တြင္ အျမင့္မားဆံုးျဖစ္ေသာ CITIC တာဝါကို ၈ ႏွစ္ၾကာ ေဆာက္လုပ္ခဲ့ျပီးေနာက္ ဖြင့္လွစ္လိုက္ျပီျဖစ္ေၾကာင္း ရွန္ဟိုင္းအေျခစိုက္ အိမ္ျခံေျမသတင္းဝက္ဘ္ဆိုက္တစ္ခုတြင္ ေဖာ္ျပသည္။
China Zun ဟူေသာ အမည္ျဖင့္လည္း လူသိမ်ားေသာ အဆိုပါမိုးေမွ်ာ္တိုက္ၾကီးသည္ အျမင့္ ၅၂၈ မီတာ (၁၇၃၂ ေပ) ျမင့္မားျပီး ေပက်င္း၏ အျမင့္မားဆံုးျဖစ္လာကာ ဒုတိယေျမာက္ အျမင့္မားဆံုးျဖစ္ေသာ China World Trade Centre ၏ တာဝါ (၃) မွာ ၃၃၀ မီတာသာ ျမင့္မားရာ မီတာ ၂၀၀ နီးပါး ပိုမိုျမင့္မားေၾကာင္း အေဆာက္အအံုၾကီးကို ဒီဇိုင္းေရးဆြဲေပးခဲ့သည့္ အေမရိကန္ဗိသုကာအဖြဲ႔ Kohn Pedersen Fox (KPF) ၏ ထုတ္ျပန္ခ်က္တစ္ရပ္အရ သိရသည္။
အထပ္ေပါင္း ၁၀၈ ထပ္ျမင့္မားေသာ CITIC တာဝါၾကီးသည္ တရုတ္ျပည္တြင္ စတုတၳေျမာက္ အျမင့္မားဆံုးျဖစ္ျပီး တစ္ကမၻာလံုး အတိုင္းအတာအားျဖင့္ နံပါတ္ ၈ ေနရာတြင္ ရပ္တည္ေနသည္။
တာဝါၾကီး တရားဝင္ ဖြင့္လွစ္ေသာ အခမ္းအနားကို ေအာက္တိုဘာလ ၁ ရက္တြင္ အေဆာက္အအံုမ်က္ႏွာစာ၌ မီးေရာင္စံုမ်ား ထြန္းလင္းျခင္းအားျဖင့္ ဖြင့္လွစ္ခဲ့ျပီး ထိုေန႔သည္ တရုတ္ျပည္သူ႔သမၼတႏိုင္ငံတည္ေထာင္သည့္ ႏွစ္ေပါင္း ၇၀ ျပည့္ေျမာက္ေသာ အထိမ္းအမွတ္ေန႔လည္း ျဖစ္သည္။
က်ယ္ဝန္းေသာ အေဆာက္အအံုေအာက္ေျခႏွင့္ က်ဥ္းေျမာင္းသြားေသာ ေဘးနံရံတို႔ျဖင့္ ပန္းအိုးအသြင္ပံုေဖာ္ထားေသာ တာဝါဒီဇိုင္းမွာ တရုတ္ရိုးရာဝတ္ျပဳရာတြင္ အသံုးျပဳေသာ “ဇြန္” ဟုေခၚသည့္ ေရွးေဟာင္း ပန္းအိုးတစ္မ်ဳိးမွ စိတ္ကူးစိတ္သန္းရခဲ့ျခင္းျဖစ္ေၾကာင္း Kohn Pedersen Fox (KPF) ၏ ထုတ္ျပန္ခ်က္တြင္ ေဖာ္ျပသည္။
“CITIC တာဝါအတြက္ KPF ရဲ႕ ေမွ်ာ္မွန္းခ်က္ပန္းတိုင္ကေတာ့ သမိုင္းဝင္ျမိဳ႕ေတာ္ၾကီးနဲ႔ သဟဇာတျဖစ္မယ့္ ဗဟိုစီးပြားေရးအခ်က္အျခာ ေနရာသစ္တစ္ခု ဖန္တီးေပးဖို႔အျပင္ ေခတ္ျပိဳင္ဗိသုကာကိုလည္း ေဖာ္ထုတ္ေပးဖို႔ျဖစ္ပါတယ္”ဟု KPF မွ ဒီဇိုင္းဒါရိုက္တာ လီလိုင္းက ေျပာၾကားသည္။
ပန္းအိုးပံုသ႑ာန္ ပံုေဖာ္ထားျခင္းေၾကာင့္ အလွေဗဒအရအျပင္ အသံုးဝင္မႈပိုင္းတြင္လည္း အားေကာင္းေစမည္သာမက ေအာက္ေျခကို က်ယ္ျပန္႔စြာ ေဆာက္လုပ္ထားျခင္းေၾကာင့္ ငလ်င္ဇုန္အတြင္း တည္ရွိေနေသာမိုးေမွ်ာ္တိုက္ၾကီးကို တည္ျငိမ္ၾကံ႕ခိုင္မႈလည္း ေပးစြမ္းမည္ျဖစ္ေၾကာင္း အဆိုပါဗိသုကာပညာရွင္က ရွင္းျပသည္။
ထိပ္ဆံုး ၃ ထပ္တြင္ ရႈခင္းၾကည့္ရန္ေနရာႏွင့္ အစည္းအေဝးခန္းမမ်ား ထားရွိေပးထားျပီး ေျမေအာက္ထပ္ ၇ ထပ္အထိပါဝင္သည္။
Credit: iMyanmarHouse.com (iMyanmarHouse.com Team မွ ေရးသား ေဖာ္ျပသည္။)
### Unicode Version ###
၁၉၇၉ ခုနှစ်တွင် တရုတ်ခေါင်းဆောင်ကြီး တိန့်ရှောင်ဖိန်၏ လမ်းညွှန်ချက်ဖြင့် စတင်တည်ထောင်ခဲ့သော တရုတ်ပြည်၏ နိုင်ငံပိုင် ရင်းနှီးမြှုပ်နှံမှုကုမ္ပဏီကြီး CITIC Group သည် ပေကျင်းမြို့တွင် အမြင့်မားဆုံးဖြစ်သော CITIC တာဝါကို ၈ နှစ်ကြာ ဆောက်လုပ်ခဲ့ပြီးနောက် ဖွင့်လှစ်လိုက်ပြီဖြစ်ကြောင်း ရှန်ဟိုင်းအခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။
China Zun ဟူသော အမည်ဖြင့်လည်း လူသိများသော အဆိုပါမိုးမျှော်တိုက်ကြီးသည် အမြင့် ၅၂၈ မီတာ (၁၇၃၂ ပေ) မြင့်မားပြီး ပေကျင်း၏ အမြင့်မားဆုံးဖြစ်လာကာ ဒုတိယမြောက် အမြင့်မားဆုံးဖြစ်သော China World Trade Centre ၏ တာဝါ (၃) မှာ ၃၃၀ မီတာသာ မြင့်မားရာ မီတာ ၂၀၀ နီးပါး ပိုမိုမြင့်မားကြောင်း အဆောက်အအုံကြီးကို ဒီဇိုင်းရေးဆွဲပေးခဲ့သည့် အမေရိကန်ဗိသုကာအဖွဲ့ Kohn Pedersen Fox (KPF) ၏ ထုတ်ပြန်ချက်တစ်ရပ်အရ သိရသည်။
အထပ်ပေါင်း ၁၀၈ ထပ်မြင့်မားသော CITIC တာဝါကြီးသည် တရုတ်ပြည်တွင် စတုတ္ထမြောက် အမြင့်မားဆုံးဖြစ်ပြီး တစ်ကမ္ဘာလုံး အတိုင်းအတာအားဖြင့် နံပါတ် ၈ နေရာတွင် ရပ်တည်နေသည်။
တာဝါကြီး တရားဝင် ဖွင့်လှစ်သော အခမ်းအနားကို အောက်တိုဘာလ ၁ ရက်တွင် အဆောက်အအုံ မျက်နှာစာ၌ မီးရောင်စုံများ ထွန်းလင်းခြင်းအားဖြင့် ဖွင့်လှစ်ခဲ့ပြီး ထိုနေ့သည် တရုတ်ပြည်သူ့သမ္မတနိုင်ငံတည်ထောင်သည့် နှစ်ပေါင်း ၇၀ ပြည့်မြောက်သော အထိမ်းအမှတ်နေ့လည်း ဖြစ်သည်။
ကျယ်ဝန်းသော အဆောက်အအုံအောက်ခြေနှင့် ကျဉ်းမြောင်းသွားသော ဘေးနံရံတို့ဖြင့် ပန်းအိုးအသွင်ပုံဖော်ထားသော တာဝါဒီဇိုင်းမှာ တရုတ်ရိုးရာ ဝတ်ပြုရာတွင် အသုံးပြုသော “ဇွန်” ဟုခေါ်သည့် ရှေးဟောင်း ပန်းအိုးတစ်မျိုးမှ စိတ်ကူးစိတ်သန်းရခဲ့ခြင်းဖြစ်ကြောင်း Kohn Pedersen Fox (KPF) ၏ ထုတ်ပြန်ချက်တွင် ဖော်ပြသည်။
“CITIC တာဝါအတွက် KPF ရဲ့ မျှော်မှန်းချက်ပန်းတိုင်ကတော့ သမိုင်းဝင်မြို့တော်ကြီးနဲ့ သဟဇာတဖြစ်မယ့် ဗဟိုစီးပွားရေးအချက်အခြာ နေရာသစ်တစ်ခု ဖန်တီးပေးဖို့အပြင် ခေတ်ပြိုင်ဗိသုကာကိုလည်း ဖော်ထုတ်ပေးဖို့ဖြစ်ပါတယ်”ဟု KPF မှ ဒီဇိုင်းဒါရိုက်တာ လီလိုင်းက ပြောကြားသည်။
ပန်းအိုးပုံသဏ္ဍာန် ပုံဖော်ထားခြင်းကြောင့် အလှဗေဒအရအပြင် အသုံးဝင်မှုပိုင်းတွင်လည်း အားကောင်းစေမည်သာမက အောက်ခြေကို ကျယ်ပြန့်စွာ ဆောက်လုပ်ထားခြင်းကြောင့် ငလျင်ဇုန်အတွင်း တည်ရှိနေသော မိုးမျှော်တိုက်ကြီးကို တည်ငြိမ်ကြံ့ခိုင်မှုလည်း ပေးစွမ်းမည်ဖြစ်ကြောင်း အဆိုပါဗိသုကာပညာရှင်က ရှင်းပြသည်။
ထိပ်ဆုံး ၃ ထပ်တွင် ရှုခင်းကြည့်ရန်နေရာနှင့် အစည်းအဝေးခန်းမများ ထားရှိပေးထားပြီး မြေအောက်ထပ် ၇ ထပ်အထိ ပါဝင်သည်။
Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)
