ကြန္ဒိုခန္းသစ္မ်ား၏ ေစ်းႏႈန္းကို အစိုးရက ဝင္ေရာက္ထိန္းခ်ဳပ္ေပးရန္ စကၤာပူႏိုင္ငံသားမ်ား လိုလား

### Zawgyi Version ###

အိမ္ျခံေျမထိပ္သီး ဝက္ဘ္ဆိုက္ၾကီးတစ္ခုျဖစ္ေသာ PropertyGuru ၏ စစ္တမ္းတစ္ခုအရ ပုဂၢလိကလူေနအိမ္သစ္မ်ား၏ ေစ်းႏႈန္းကို အစိုးရမွ ဝင္ေရာက္ထိန္းညႇိေစလိုၾကသည့္ စကၤာပူႏိုင္ငံသားမ်ား ပိုမိုမ်ားျပားလာေၾကာင္း ေဖာ္ျပထားသည္ဟု စကၤာပူအေျခစိုက္ သတင္းဝက္ဘ္ဆိုက္တစ္ခုတြင္ ေဖာ္ျပသည္။

ယခုႏွစ္ပထမႏွစ္ဝက္တြင္ အဆိုပါစစ္တမ္းတြင္ ပါဝင္ေျဖဆိုမႈ ေပးခဲ့သူ ၇၉၄ ဦးရွိခဲ့ျပီး အိမ္ျခံေျမေစ်းႏႈန္း ထိန္းခ်ဳပ္မႈမ်ားရွိသင့္ေၾကာင္း ေျဖၾကားသူ ၅၈ ရာခိုင္ႏႈန္းရွိခဲ့ရာ ယခင္ႏွစ္ ဒုတိယႏွစ္ဝက္ကာလတြင္ ၄၉ ရာခိုင္ႏႈန္းရွိခဲ့မႈႏွင့္ ႏႈိင္းယွဥ္ၾကည့္ပါက ျမင့္တက္လာျခင္းလည္း ျဖစ္သည္။

ႏွစ္ဝက္လွ်င္ တစ္ၾကိမ္ေကာက္ယူေသာ အဆိုပါစစ္တမ္းရ စင္ကာပူနိုင္ငံသားအမ်ားစု (၁၀ ဦး တြင္ ၈ ဦး ) သည္ လက္ရွိအိမ္ၿခံေျမ အေျခအေနမ်ားအေပၚ မေက်နပ္ၾကေၾကာင္း၊ အထူးသျဖင့္ပုဂၢလိက အိမ္ၿခံေျမေစ်းႏႈန္းမ်ား အလြန္အမင္းျမင့္တက္ေနျခင္းအေပၚ မေက်နပ္ၾကေၾကာင္း ေတြ႔ရသည္။

ၿမိဳ႕ျပျပန္လည္ဖြံ႔ျဖိဳးေရး အာဏာပိုင္အဖြဲ႔၏ တတိယသုံးလပတ္မွအခ်က္အလက္မ်ားအရ ပုဂၢလိကအိမ္ၿခံေျမေဈးႏႈန္းမ်ားသည္ ၿပီးခဲ့သည့္သုံးလပတ္မွစျပီး ၀ ဒသမ ၉ ရာခိုင္ႏႈန္း ျမင့္တက္ခဲ့သည္ဟု ဆိုသည္။

၃ လပတ္ ကာလခ်င္းအလိုက္ျမင့္တက္လာမႈမွာ ၁ ဒသမ ၅ ရာခိုင္ႏႈန္း ျဖစ္သည္။

PropertyGuru က စစ္တမ္းေကာက္ယူခဲ့ရာတြင္ ေျဖဆိုသူမ်ား၏ ထက္ဝက္ခန႔္သည္ ယခုႏွစ္ဒုတိယႏွစ္ဝက္အတြင္း ပုဂၢလိက အိမ္ျခံေျမေစ်းႏႈန္းမ်ား ဆက္လက္ျမင့္တက္မည္ဟု ယံုၾကည္ထားၾကသည္။

ႏႈိင္းယွဥ္ၾကည့္မည္ဆိုလွ်င္ စစ္တမ္းေျဖဆိုသူမ်ား၏ သုံးပုံတစ္ပုံခန႔္ကသာ အိမ္ရာႏွင့္ဖြ႔ံျဖိဳးေရးဘုတ္အဖြဲ႕ (HDB) က ေဆာက္လုပ္ေသာ တိုက္ခန္းမ်ား၏ ေစ်းႏႈန္းမ်ား ျမင့္တက္လိမ့္မည္ဟု ယူဆၾကသည္။

စကၤာပူ အိမ္ၿခံေျမေစ်းႏႈန္းမ်ားႏွင့္စပ္လ်ဥ္းျပီး PropertyGuru ၏ စကၤာပူဆိုင္ရာ အၾကီးအကဲ ေဒါက္တာ တန္တီခြန္က သံုးသပ္ရာတြင္ စကၤာပူ အိမ္ၿခံေျမေဈးကြက္သည္ ေဒသတြင္းရွိ အျခားေစ်းကြက္မ်ားႏွင့္ ႏႈိင္းယွဥ္လွ်င္ အျပဳသေဘာ ကြဲျပားေနဆဲျဖစ္ၿပီး စကၤာပူသည္ ႏိုင္ငံေရး တည္ၿငိမ္မႈႏွင့္ ေကာင္းမြန္ေသာအုပ္ခ်ဳပ္မႈရွိသည့္ ေနရာတစ္ခုျဖစ္ေၾကာင္း သံုးသပ္သည္။

PropertyGuru ၏စစ္တမ္းအရ အိမ္ၿခံေျမဝယ္ယူရာတြင္ စကၤာပူႏိုင္ငံသားမ်ားသည္ ပိုမိုသတိၾကီးၾကီး ထားတတ္ၾကသည္ဟု ဆိုသည္။

The Property Purchase Intent အမည္ရွိ ညႊန္းကိန္းသည္ စကၤာပူတြင္ ၆ လအတြင္း အိမ္ျခံေျမ ဝယ္ယူမည့္ အလားအလာ ရွိ၊ မရွိ စစ္တမ္းတစ္ခုျဖစ္ျပီး စတင္ေကာက္ယူခဲ့သည္မွာ ၉ ႏွစ္ခန္႔ ရွိျပီျဖစ္ကာ လက္ရွိကာလမွာ ၆ လအတြင္း အိမ္ျခံေျမဝယ္ယူမည့္သူ အနည္းဆံုးကာလအျဖစ္ ရပ္တည္ေနသည္။

Credit: iMyanmarHouse.com (iMyanmarHouse.com Team မွ ေရးသား ေဖာ္ျပသည္။)

### Unicode Version ###

အိမ်ခြံမြေထိပ်သီး ဝက်ဘ်ဆိုက်ကြီးတစ်ခုဖြစ်သော PropertyGuru ၏ စစ်တမ်းတစ်ခုအရ ပုဂ္ဂလိက လူနေအိမ်သစ်များ၏ ဈေးနှုန်းကို အစိုးရမှ ဝင်ရောက်ထိန်းညှိစေလိုကြသည့် စင်္ကာပူနိုင်ငံသားများ ပိုမိုများပြားလာကြောင်း ဖော်ပြထားသည်ဟု စင်္ကာပူအခြေစိုက် သတင်းဝက်ဘ်ဆိုက်တစ်ခုတွင် ဖော်ပြသည်။

ယခုနှစ်ပထမနှစ်ဝက်တွင် အဆိုပါစစ်တမ်းတွင် ပါဝင်ဖြေဆိုမှု ပေးခဲ့သူ ၇၉၄ ဦးရှိခဲ့ပြီး အိမ်ခြံမြေဈေးနှုန်း ထိန်းချုပ်မှုများ ရှိသင့်ကြောင်း ဖြေကြားသူ ၅၈ ရာခိုင်နှုန်းရှိခဲ့ရာ ယခင်နှစ် ဒုတိယနှစ်ဝက်ကာလတွင် ၄၉ ရာခိုင်နှုန်းရှိခဲ့မှုနှင့် နှိုင်းယှဉ်ကြည့်ပါက မြင့်တက်လာခြင်းလည်း ဖြစ်သည်။

နှစ်ဝက်လျှင် တစ်ကြိမ်ကောက်ယူသော အဆိုပါစစ်တမ်းရ စင်ကာပူနိုင်ငံသားအများစု (၁၀ ဦး တွင် ၈ ဦး ) သည် လက်ရှိအိမ်ခြံမြေ အခြေအနေများအပေါ် မကျေနပ်ကြကြောင်း၊ အထူးသဖြင့်ပုဂ္ဂလိက အိမ်ခြံမြေဈေးနှုန်းများ အလွန်အမင်းမြင့်တက်နေခြင်းအပေါ် မကျေနပ်ကြကြောင်း တွေ့ရသည်။

မြို့ပြပြန်လည်ဖွံ့ဖြိုးရေး အာဏာပိုင်အဖွဲ့၏ တတိယသုံးလပတ်မှအချက်အလက်များအရ ပုဂ္ဂလိကအိမ်ခြံမြေဈေးနှုန်းများသည် ပြီးခဲ့သည့်သုံးလပတ်မှစပြီး ၀ ဒသမ ၉ ရာခိုင်နှုန်း မြင့်တက်ခဲ့သည်ဟု ဆိုသည်။

၃ လပတ် ကာလချင်းအလိုက် မြင့်တက်လာမှုမှာ ၁ ဒသမ ၅ ရာခိုင်နှုန်း ဖြစ်သည်။

PropertyGuru က စစ်တမ်းကောက်ယူခဲ့ရာတွင် ဖြေဆိုသူများ၏ ထက်ဝက်ခန့်သည် ယခုနှစ်ဒုတိယနှစ်ဝက်အတွင်း ပုဂ္ဂလိက အိမ်ခြံမြေဈေးနှုန်းများ ဆက်လက်မြင့်တက်မည်ဟု ယုံကြည်ထားကြသည်။

နှိုင်းယှဉ်ကြည့်မည်ဆိုလျှင် စစ်တမ်းဖြေဆိုသူများ၏ သုံးပုံတစ်ပုံခန့်ကသာ အိမ်ရာနှင့်ဖွံ့ဖြိုးရေးဘုတ်အဖွဲ့ (HDB) က ဆောက်လုပ်သော တိုက်ခန်းများ၏ ဈေးနှုန်းများ မြင့်တက်လိမ့်မည်ဟု ယူဆကြသည်။

စင်္ကာပူ အိမ်ခြံမြေဈေးနှုန်းများနှင့်စပ်လျဉ်းပြီး PropertyGuru ၏ စင်္ကာပူဆိုင်ရာ အကြီးအကဲ ဒေါက်တာ တန်တီခွန်က သုံးသပ်ရာတွင် စင်္ကာပူ အိမ်ခြံမြေဈေးကွက်သည် ဒေသတွင်းရှိ အခြားဈေးကွက်များနှင့် နှိုင်းယှဉ်လျှင် အပြုသဘော ကွဲပြားနေဆဲဖြစ်ပြီး စင်္ကာပူသည် နိုင်ငံရေး တည်ငြိမ်မှုနှင့် ကောင်းမွန်သောအုပ်ချုပ်မှုရှိသည့် နေရာတစ်ခုဖြစ်ကြောင်း သုံးသပ်သည်။

PropertyGuru ၏စစ်တမ်းအရ အိမ်ခြံမြေဝယ်ယူရာတွင် စင်္ကာပူနိုင်ငံသားများသည် ပိုမိုသတိကြီးကြီး ထားတတ်ကြသည်ဟု ဆိုသည်။

The Property Purchase Intent အမည်ရှိ ညွှန်းကိန်းသည် စင်္ကာပူတွင် ၆ လအတွင်း အိမ်ခြံမြေ ဝယ်ယူမည့် အလားအလာ ရှိ၊ မရှိ စစ်တမ်းတစ်ခုဖြစ်ပြီး စတင်ကောက်ယူခဲ့သည်မှာ ၉ နှစ်ခန့် ရှိပြီဖြစ်ကာ လက်ရှိကာလမှာ ၆ လအတွင်း အိမ်ခြံမြေဝယ်ယူမည့်သူ အနည်းဆုံးကာလအဖြစ် ရပ်တည်နေသည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)