ဒဂံုေလးျမိဳ႕နယ္ ေလ်ာေၾကးမေပးခဲ့သည့္ေနရာမ်ား ျပန္လည္ေပးအပ္ရန္ တိုင္းေဒသႀကီးအစိုးရ ျပင္ဆင္

### Zawgyi Version ###

ဒဂုံေလးျမိဳ႕နယ္ရွိ ေျမသိမ္းဆည္းထားျပီး ေလ်ာေၾကးမအပ္ခဲ့သည့္ေနရာမ်ားကုိ ျပန္လည္ေပးအပ္ရန္ ျပင္ဆင္လ်က္ရွိေၾကာင္း ရန္ကုန္တိုင္းေဒသႀကီး၀န္ႀကီးခ်ဳပ္ဦးျဖိဳးမင္းသိန္းကေျပာၾကားသည္။

အဆိုပါေလ်ာ္ေၾကးျပန္လည္ေပးအပ္မည့္ကိစၥကုိ ဦးျဖိးမင္းသိန္းက ၾကည့္ျမင္တိုင္ျမိဳ႕နယ္၊ ဘလုတ္ညြန့္ေက်းရြာတြင္ျပဳလုပ္သည္ ရန္ကုန္ျမိဳ႕သစ္စီမံကိန္းမူလေျမပုိင္ရွင္မ်ား ေျမျပန္လည္ေပးအပ္ပဲြတြင္ ေျပာၾကားခဲ့ျခင္းျဖစ္ည္။

ရန္ကုန္တိုင္းေဒသႀကီးအစိုးရမွ ဒဂံုေလးျမိဳ႕နယ္ရွိ သိမ္းဆည္းထားသည့္ ေျမမ်ားကုိ မူလေျမပုိင္ရွင္လယ္သမားမ်ားထံ ေလ်ာ္ေၾကးေငြမ်ား စက္တင္ဘာလ ေနာက္ဆံုးအပတ္မွစတင္၍ ျပန္လည္ေပးအပ္ခဲ့ျပီး တရား၀င္ပုိင္ဆိုင္မႈအေထာက္အထားရွိသည့္ စလစ္ပုိင္ရွင္မ်ားကုိ သတ္မွတ္ထာသည့္တစ္ဧကလွ်င္ က်ပ္သိန္း ၁၀၀ နွဳန္းျဖင့္ ၇ ဘီလီယံနီးပါးေလ်ာ္ေပးခဲ့ေၾကာင္း အစိုးရအဖြဲ႕စာရင္းမ်ားအရသိရသည္။

ထို့အျပင္ အဆိုပါေျမေလ်ာ္ေၾကးေပးရန္ က်န္ရွိသည့္လယ္ေျမမ်ားကုိ ေနာက္ထပ္ ဘီလီယံ ၃၀ ေက်ာ္ ထပ္မံေပးအပ္သြားရန္ျပင္ဆင္လ်က္ရွိျပီး လာမည့္နွစ္ဧျပီလ၌လည္း ေနာက္ထပ္ဘီလီယံ ၂၀၀ ၀န္းက်င္ ျပန္လည္ေလ်ာ္ေပးသြားမည္ဟု ဦးျဖိဳးမင္းသိန္းကေျပာၾကားသည္။

ဘာေၾကာင့္ ေျမေလ်ာ္ေၾကးေပးဖို႕လုပ္ရလဲဆိုလ်င္ ၿမိဳ႕ျပျဖစ္သြားသည့္ ေနရာမ်ားမွာ ေျမသည္ၿမိဳ႕ေျမ ျဖစ္သြားျခင္းေၾကာင့္ လယ္ျပန္စိုက္လို႕မရေတာ့ေၾကာင္း၊ လယ္သိမ္းထားသည့္ ေနရာမ်ားမွာ လယ္ျပန္စိုက္ရန္ ပုံစံခြန္ ထုတ္ေပးမႈကိုမလုပ္နိုင္သည့္ ေနရာမ်ားမွာ ေျမေလ်ာ္ေၾကးေပးဖို႕ဆုံးျဖတ္ေဆာင္ရြက္ခဲ့ျခင္း ျဖစ္ေၾကာင္း ေျပာၾကားခဲ့သည္။

တိုင္းေဒသႀကီးအစိုးရအေနျဖင့္ ယခင္လယ္သမားမ်ားပုိင္ဆိုင္သည့္ေျမသည္ ျမိဳ႕ျပျဖစ္လာသည့္အတြက္ ျမိဳ႕ေျမမ်ားျဖစ္သြားခဲ့ျပီး လယ္ျပန္စိုက္ရန္ မရေတာ့သည့္အတြက္ လယ္သိမ္းထားသည့္ေျမေနရာတြင္ လယ္ျပန္စိုက္ရန္ ပုံစံခြန္ထုတ္ေပးမဲ့မလုပ္နိုင္သည့္ေနရာမ်ားကုိ ေျမယာေလ်ာ္ေၾကးေပးရန္ဆံုးျဖတ္ခဲ့ျခင္းျဖစ္ေၾကာင္း ၀န္ႀကီးခ်ဳပ္ထံမွသိရသည္။

ရန္ကုန္တိုင္းေဒသႀကီးအစိုးရသည္ ရန္ကုန္ျမိဳ႕သစ္စီမံကိန္းရွိေျမေနရာနွင့္မလြတ္သည့္ေနရာမ်ားမွ မူလေျမပုိင္ရွင္မ်ားကုိလည္း ေျမကြက္အမ်ိဳးအစားအလိုက္ ၂၀ ရာခိုင္နွဳန္းစီယာယီေျမေပးမိန္႕မ်ားျဖင့္ျပန္လည္ေပးအပ္လ်က္ရွိျပီး ယင္းအေနအေျခမွ ျပည္သူနွင့္ထိေတြ႕မွဳအရ လုပ္ငန္းေဆာင္ရြက္မည့္အေျခအေနကုိသိရွိႏိုင္မည္ျဖစ္ေၾကာင္းဦးျဖိဳးမင္းသိန္းကဆက္လက္ ေျပာၾကားသည္။

မင္းခ်ိဳ မွ iMyanmarHouse.com (အိုင္ျမန္မာေဟာက္စ္ေဒါ႔ကြန္း) အတြက္ အထူးေရးသားေဖာ္ျပသည္။

Credit: iMyanmarHouse.com

### Unicode Version ###

ဒဂုံလေးမြို့နယ်ရှိ မြေသိမ်းဆည်းထားပြီး လျောကြေးမအပ်ခဲ့သည့်နေရာများကို ပြန်လည်ပေးအပ်ရန် ပြင်ဆင်လျက်ရှိကြောင်း ရန်ကုန်တိုင်းဒေသကြီးဝန်ကြီးချုပ်ဦးဖြိုးမင်းသိန်းကပြောကြားသည်။

အဆိုပါလျော်ကြေးပြန်လည်ပေးအပ်မည့်ကိစ္စကို ဦးဖြိးမင်းသိန်းက ကြည့်မြင်တိုင်မြို့နယ်၊ ဘလုတ်ညွန့်ကျေးရွာတွင်ပြုလုပ်သည် ရန်ကုန်မြို့သစ်စီမံကိန်းမူလမြေပိုင်ရှင်များ မြေပြန်လည်ပေးအပ်ပွဲတွင် ပြောကြားခဲ့ခြင်းဖြစ်ည်။

ရန်ကုန်တိုင်းဒေသကြီးအစိုးရမှ ဒဂုံလေးမြို့နယ်ရှိ သိမ်းဆည်းထားသည့် မြေများကို မူလမြေပိုင်ရှင်လယ်သမားများထံ လျော်ကြေးငွေများ စက်တင်ဘာလ နောက်ဆုံးအပတ်မှစတင်၍ ပြန်လည်ပေးအပ်ခဲ့ပြီး တရားဝင်ပိုင်ဆိုင်မှုအထောက်အထားရှိသည့် စလစ်ပိုင်ရှင်များကို သတ်မှတ်ထာသည့်တစ်ဧကလျှင် ကျပ်သိန်း ၁၀၀ နှုန်းဖြင့် ၇ ဘီလီယံနီးပါးလျော်ပေးခဲ့ကြောင်း အစိုးရအဖွဲ့စာရင်းများအရသိရသည်။

ထို့အပြင် အဆိုပါမြေလျော်ကြေးပေးရန် ကျန်ရှိသည့် လယ်မြေများကို နောက်ထပ် ဘီလီယံ ၃၀ ကျော် ထပ်မံပေးအပ်သွားရန်ပြင်ဆင်လျက်ရှိပြီး လာမည့်နှစ်ဧပြီလ၌လည်း နောက်ထပ်ဘီလီယံ ၂၀၀ ဝန်းကျင် ပြန်လည်လျော်ပေးသွားမည်ဟု ဦးဖြိုးမင်းသိန်းကပြောကြားသည်။

ဘာကြောင့် မြေလျော်ကြေးပေးဖို့လုပ်ရလဲဆိုလျင် မြို့ပြဖြစ်သွားသည့် နေရာများမှာ မြေသည်မြို့မြေ ဖြစ်သွားခြင်းကြောင့် လယ်ပြန်စိုက်လို့မရတော့ကြောင်း၊ လယ်သိမ်းထားသည့် နေရာများမှာ လယ်ပြန်စိုက်ရန် ပုံစံခွန် ထုတ်ပေးမှုကို မလုပ်နိုင်သည့် နေရာများမှာ မြေလျော်ကြေးပေးဖို့ဆုံးဖြတ်ဆောင်ရွက်ခဲ့ခြင်း ဖြစ်ကြောင်း ပြောကြားခဲ့သည်။

တိုင်းဒေသကြီးအစိုးရအနေဖြင့် ယခင်လယ်သမားများပိုင်ဆိုင်သည့်မြေသည် မြို့ပြဖြစ်လာသည့်အတွက် မြို့မြေများဖြစ်သွားခဲ့ပြီး လယ်ပြန်စိုက်ရန် မရတော့သည့်အတွက် လယ်သိမ်းထားသည့်မြေနေရာတွင် လယ်ပြန်စိုက်ရန် ပုံစံခွန်ထုတ်ပေးမဲ့မလုပ်နိုင်သည့်နေရာများကို မြေယာလျော်ကြေးပေးရန်ဆုံးဖြတ်ခဲ့ခြင်း ဖြစ်ကြောင်း ဝန်ကြီးချုပ်ထံမှသိရသည်။

ရန်ကုန်တိုင်းဒေသကြီးအစိုးရသည် ရန်ကုန်မြို့သစ်စီမံကိန်းရှိမြေနေရာနှင့်မလွတ်သည့်နေရာများမှ မူလမြေ ပိုင်ရှင်များကိုလည်း မြေကွက်အမျိုးအစားအလိုက် ၂၀ ရာခိုင်နှုန်းစီယာယီမြေပေးမိန့်များဖြင့်ပြန်လည်ပေးအပ်လျက်ရှိပြီး ယင်းအနေအခြေမှ ပြည်သူနှင့်ထိတွေ့မှုအရ လုပ်ငန်းဆောင်ရွက်မည့်အခြေအနေကိုသိရှိနိုင်မည်ဖြစ်ကြောင်းဦးဖြိုးမင်းသိန်းကဆက်လက် ပြောကြားသည်။

မင်းချို မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးရေးသားဖော်ပြသည်။

Credit: iMyanmarHouse.com