စုေပါင္းသုံးမွ သီးသန္႔အိမ္သုံးမီတာ တစ္လံုးခ်င္းစီတပ္ဆင္လိုလွ်င္ သက္ဆိုင္ရာၿမိဳ႕နယ္ လွ်ပ္စစ္မန္ေနဂ်ာသို႔တိုက္႐ိုက္ေလွ်ာက္ထားႏိုင္

### Zawgyi Version ###

စုေပါင္းသုံးမွသီးသန္႔အိမ္သုံးမီတာ တစ္လံုးခ်င္းစီတပ္ဆင္လိုလွ်င္ သက္ဆိုင္ရာၿမိဳ႕နယ္ လွ်ပ္စစ္မန္ေနဂ်ာသို႔တိုက္႐ိုက္ေလွ်ာက္ထားႏိုင္ေၾကာင္း ရန္ကုန္တိုင္းေဒသႀကီးအစိုးရအဖြဲ႕လၽွပ္စစ္၊စက္မႈလက္မႈႏွင့္ လမ္းပန္းဆက္သြယ္ေရးဝန္ႀကီး ေဒၚနီလာေက်ာ္က ေျပာၾကားသည္။

“ဝန္ထမ္းအိမ္ရာမ်ားတြင္ စုေပါင္းမီတာသံုးစဲြသည့္စနစ္မွ သီးသန္႔အိမ္ရာသံုးမီတာမ်ား တပ္ဆင္ေပးရန္ အစီအစဥ္ရိွ မရိွ ” ကို မဂၤလာေတာင္ၫႊန္႔ၿမိဳ႕နယ္ မဲဆႏၵနယ္ အမွတ္ (၂) တုိင္းေဒသႀကီးလႊတ္ေတာ္ကိုယ္စားလွယ္ ဦးရန္ေအာင္က စက္တင္ဘာလ၊ ၃၀ ရက္က ဒုတိယအႀကိမ္ ရန္ကုန္တုိင္းေဒသႀကီးလႊတ္ေတာ္ ဒသမပံုမွန္အစည္းအေဝး အ႒မေန႔တြင္ ေမးျမန္းထားရာ ဝန္ႀကီးေဒၚနီလာေက်ာ္က ျပန္လည္ေျဖၾကားခဲ့ျခင္းျဖစ္သည္။

လွ်ပ္စစ္၊ စက္မွဳလက္မွဳႏွင့္ လမ္းပန္းဆက္သြယ္ေရးဝန္ႀကီးက “ မီတာခေတြကို ေျပာင္းလဲသတ္မွတ္ခဲ့တဲ့ အခါမွာ စုေပါင္းမီတာနဲ႔ သံုးစြဲေနရတဲ့ မီတာခေတြဟာ မိမိသံုးစြဲသေလာက္မဟုတ္ဘဲ အားလံုးခြဲေဝက်ခံရတဲ့ အခါမွာ မိမိသံုးစြဲတာထက္ ပိုမိုက်ခံေနရတာကို ဝန္ထမ္္းအိမ္ရာမ်ားမွာသာမက အခ်ိဳ႕ေသာစက္မႈဇုန္မ်ားမွာလည္း ကြ်န္မတို႔ ေတြ႔ရွိေနရတဲ့အတြက္ ယခုအခါ YESC မွ ေဆာင္ရြက္ေပးေနတာက စုေပါင္းမီတာသံုးစြဲလ်က္ရွိတဲ့ ဝန္ ထမ္းအိမ္ရာအေဟာင္းမ်ားမွာ ဝန္ထမ္းတစ္ဦးခ်င္းစီ၏ လိုင္းခန္းတစ္ခန္းျခင္းအလိုက္ သီးသန္႔အိမ္သံုးမီတာတစ္လံုးခ်င္းစီ တပ္ဆပ္လိုပါက သက္ဆိုင္ရာဌာနမွတစ္ဆင့္ သက္ဆိုင္ရာ ၿမိဳ႕နယ္လွ်ပ္စစ္မန္ေနဂ်ာသို႔ တိုက္ရိုက္ေလွ်ာက္ထားလာပါက ခြင့္ျပဳေပးလ်က္ရွိပါတယ္။”ဟု ျပန္လည္ေျဖၾကားခဲ့ျခင္းျဖစ္သည္။

မိုးယံလင္းထင္ မွ iMyanmarHouse.com (အိုင္ျမန္မာေဟာက္စ္ေဒါ႔ကြန္း) အတြက္ အထူးေရးသားေဖာ္ျပသည္။

Credit: iMyanmarHouse.com

### Unicode Version ###

စုပေါင်းသုံးမှသီးသန့်အိမ်သုံးမီတာ တစ်လုံးချင်းစီ တပ်ဆင်လိုလျှင် သက်ဆိုင်ရာမြို့နယ် လျှပ်စစ်မန်နေဂျာသို့တိုက်ရိုက်လျှောက်ထားနိုင်ကြောင်း ရန်ကုန်တိုင်းဒေသကြီး အစိုးရအဖွဲ့လျှပ်စစ်၊စက်မှုလက်မှုနှင့် လမ်းပန်းဆက်သွယ်ရေးဝန်ကြီး ဒေါ်နီလာကျော်က ပြောကြားသည်။

“ဝန်ထမ်းအိမ်ရာများတွင် စုပေါင်းမီတာသုံးစွဲသည့်စနစ်မှ သီးသန့်အိမ်ရာသုံးမီတာများ တပ်ဆင်ပေးရန် အစီအစဉ်ရှိ မရှိ ” ကို မင်္ဂလာတောင်ညွှန့်မြို့နယ် မဲဆန္ဒနယ် အမှတ် (၂) တိုင်းဒေသကြီးလွှတ်တော်ကိုယ်စားလှယ် ဦးရန်အောင်က စက်တင်ဘာလ၊ ၃၀ ရက်က ဒုတိယအကြိမ် ရန်ကုန်တိုင်းဒေသကြီးလွှတ်တော် ဒသမပုံမှန်အ စည်းအဝေး အဋ္ဌမနေ့တွင် မေးမြန်းထားရာ ဝန်ကြီးဒေါ်နီလာကျော်က ပြန်လည်ဖြေကြားခဲ့ခြင်းဖြစ်သည်။

လျှပ်စစ်၊ စက်မှုလက်မှုနှင့် လမ်းပန်းဆက်သွယ်ရေးဝန်ကြီးက “ မီတာခတွေကို ပြောင်းလဲသတ်မှတ်ခဲ့တဲ့ အခါမှာ စုပေါင်းမီတာနဲ့ သုံးစွဲနေရတဲ့ မီတာခတွေဟာ မိမိသုံးစွဲသလောက်မဟုတ်ဘဲ အားလုံးခွဲဝေကျခံရတဲ့ အခါမှာ မိမိသုံးစွဲတာထက် ပိုမိုကျခံနေရတာကို ဝန်ထမ်းအိမ်ရာများမှာသာမက အချို့သောစက်မှုဇုန်များမှာလည်း ကျွန်မတို့ တွေ့ရှိနေရတဲ့အတွက် ယခုအခါ YESC မှ ဆောင်ရွက်ပေးနေတာက စုပေါင်းမီတာသုံးစွဲလျက်ရှိတဲ့ ဝန် ထမ်းအိမ်ရာအဟောင်းများမှာ ဝန်ထမ်းတစ်ဦးချင်းစီ၏ လိုင်းခန်းတစ်ခန်းခြင်းအလိုက် သီးသန့်အိမ်သုံးမီတာတစ်လုံးချင်းစီ တပ်ဆပ်လိုပါက သက်ဆိုင်ရာဌာနမှတစ်ဆင့် သက်ဆိုင်ရာ မြို့နယ်လျှပ်စစ်မန်နေဂျာသို့ တိုက်ရိုက် လျှောက်ထားလာပါက ခွင့်ပြုပေးလျက်ရှိပါတယ်။”ဟု ပြန်လည်ဖြေကြားခဲ့ခြင်းဖြစ်သည်။

မိုးယံလင်းထင် မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးရေးသားဖော်ပြသည်။

Credit: iMyanmarHouse.com