ပြည်ပ အိမ်ခြံမြေ သတင်း | Posted by ရွှေစင်ဝင်း
### Zawgyi Version ###
ဂ်ပန္အိမ္ၿခံေျမ developer (ေျမယာဝယ္ယူ၍အေဆာက္အအံုေဆာက္လုပ္ေရး) Mori Building ကုမၸဏီက ဂ်ပန္တြင္ စံခ်ိန္ခ်ဳိးမည့္ ၆၄ ထပ္ျမင့္ အေဆာက္အအံုစီမံကိန္းတစ္ခုကို ယခုလအတြင္း စတင္လိုက္ၿပီျဖစ္သည္။
တိုက်ဳိအလယ္ပိုင္းေဝဟင္ထက္တြင္ ၃၃၀ မီတာထိုးထြက္ေနမည့္ မိုးေမွ်ာ္တုိက္သည္ လက္ရွိဂ်ပန္အျမင့္ဆံုးအေဆာက္အအံုျဖစ္သည့္ အိုဆာကာရွိ Abeno Harukas အေဆာက္အအံုထက္ မီတာ ၃၀ ပိုမိုျမင့္မားမည္ျဖစ္သည္။ ၎မိုးေမွ်ာ္တိုက္စီမံကိန္းကို ၂၀၂၃ ခုႏွစ္တြင္ ၿပီးစီးရန္ လ်ာထားေၾကာင္း သိရသည္။
ယင္းမိုးေမွ်ာ္တိုက္သည္ ၿမိဳ႕ေတာ္တိုက်ဳိ၏ အဇာဘူဒိုင္-တိုရာႏိုမြန္ခ႐ိုင္ရွိ စတုရန္းမီတာ ၈၁,၀၀၀ က်ယ္ဝန္းေသာ ၿမိဳ႕ျပျပန္လည္စည္ပင္သာသာေရးေဖာ္ေဆာင္မႈ၏ အစိတ္အပိုင္းတစ္ခုျဖစ္လာမည္ျဖစ္သည္။ တိုက်ဳိ၏ အႀကီးဆံုးႏိုင္ငံတကာစာသင္ေက်ာင္း၊ ဇိမ္ခံဟိုတယ္ႏွင့္ ေဆး႐ံုတို႔ ပါဝင္မည့္ ၎ေဖာ္ေဆာင္ေနမႈသည္ တုိက်ဳိ၏ဧရိယာတစ္ခုကို နယူးေယာက္ရွိ Rockefeller Center complex ကဲ့သို႔ ျပန္လည္အားျဖည့္အသက္သြင္းရန္ ရည္ရြယ္သည္။
၎ေဖာ္ေဆာင္မႈက Mori Building အား အေမရိကန္ေဒၚလာ ၅ ဒသမ ၅ ဘီလ်ံမွ ၅ ဒသမ ၆ ဘီလ်ံအၾကား ေငြေၾကးသံုးစြဲေစလိမ့္မည္ဟု ခန္႔မွန္းရသည္။ ယင္းေဒသတြင္ Great East Japan Earthquake အင္အားျပင္းငလ်င္ဒဏ္သင့္ခဲ့သည့္တုိင္ complex ေဖာ္ေဆာင္မႈစီမံကိန္းက ေဒသခံ ၃,၅၀၀ ႏွင့္ အလုပ္သမား ၂ ေသာင္းခန္႔၏ ရွင္သန္ရပ္တည္လုပ္ကိုင္မႈဆက္လက္လည္ပတ္ေစမည္ဟု ခန္႔မွန္းရေၾကာင္း Mori Building က ထုတ္ျပန္ခဲ့သည္။
Complex သည္ ေဆာက္လုပ္မႈဧရိယာစုစုေပါင္း စတုရန္းမီတာ ၈၆၀,၀၀၀ ရွိမည္ျဖစ္ၿပီး ၂၁၀,၀၀၀ ေက်ာ္က ႐ံုးခန္းမ်ားျဖစ္မည္ျဖစ္ကာ လူေနအိမ္ခန္းမ်ားက ၁,၄၀၀ ရွိမည္ျဖစ္သည္။
“ၿမိဳ႕ျပသစ္ေဖာ္ေဆာင္မႈအတြင္းမွ ၿမိဳ႕ျပအေဆာက္အအံုစီမံကိန္း”သည္ Mori Building အတြက္ ႀကီးမားေသာစိန္ေခၚမႈတစ္ခုျဖစ္ေၾကာင္း စီအီးအို (အမႈေဆာင္အရာရွိခ်ဳပ္) ရွင္းဂိုးစုဂ်ိက ယခုလ ၂၂ ရက္ သတင္းစာရွင္းလင္းပြဲတြင္ ေျပာၾကားခဲ့သည္။
“ၿမိဳ႕ျပမ်ားအၾကား ၿပိဳင္ဆုိင္မႈျပင္းထန္လာခ်ိန္ ကၽြန္ေတာ္တို႔အေနနဲ႔ တိုက်ဳိမွာ ႏိုင္ငံတကာအဆင့္မီ ႐ံုးခန္းနဲ႔အိမ္ရာေတြ ပိုမိုေဖာ္ေဆာင္ႏုိင္ဖို႔လိုပါတယ္” ဟုလည္း သူက ေျပာၾကားခဲ့သည္။
Mori Building ႏွင့္ လုပ္ငန္းၿပိဳင္ဘက္ အိမ္ၿခံေျမ developer ကုမၸဏီ Mitsubishi Estate မွ စီစဥ္ေနသည့္ မိုးေမွ်ာ္တိုက္တစ္လံုးကလည္း ဂ်ပန္၏အျမင့္ဆံုးအေဆာက္အအံုဘြဲ႕ကို ဆြတ္ခူးႏုိင္ဖြယ္ရွိေနသည္။ ထိုမိုးေမွ်ာ္တိုက္ကို အျမင့္ ၃၉၀ မီတာအထိ ျမင့္ေစရန္ႏွင့္ ၂၀၂၇ ခုႏွစ္တြင္ ေဆာက္လုပ္ၿပီးစီးေစရန္ လ်ာထားေၾကာင္း သိရသည္။
Credit: iMyanmarHouse.com (iMyanmarHouse.com Team မွ ေရးသား ေဖာ္ျပသည္။)
### Unicode Version ###
ဂျပန်အိမ်ခြံမြေ developer (မြေယာဝယ်ယူ၍အဆောက်အအုံဆောက်လုပ်ရေး) Mori Building ကုမ္ပဏီက ဂျပန်တွင် စံချိန်ချိုးမည့် ၆၄ ထပ်မြင့် အဆောက်အအုံစီမံကိန်းတစ်ခုကို ယခုလအတွင်း စတင်လိုက်ပြီဖြစ်သည်။
တိုကျိုအလယ်ပိုင်းဝေဟင်ထက်တွင် ၃၃၀ မီတာထိုးထွက်နေမည့် မိုးမျှော်တိုက်သည် လက်ရှိဂျပန်အမြင့်ဆုံးအဆောက်အအုံဖြစ်သည့် အိုဆာကာရှိ Abeno Harukas အဆောက်အအုံထက် မီတာ ၃၀ ပိုမိုမြင့်မားမည်ဖြစ်သည်။ ၎င်းမိုးမျှော်တိုက်စီမံကိန်းကို ၂၀၂၃ ခုနှစ်တွင် ပြီးစီးရန် လျာထားကြောင်း သိရသည်။
ယင်းမိုးမျှော်တိုက်သည် မြို့တော်တိုကျို၏ အဇာဘူဒိုင်-တိုရာနိုမွန်ခရိုင်ရှိ စတုရန်းမီတာ ၈၁,၀၀၀ ကျယ်ဝန်းသော မြို့ပြပြန်လည်စည်ပင်သာသာရေးဖော်ဆောင်မှု၏ အစိတ်အပိုင်းတစ်ခုဖြစ်လာမည်ဖြစ်သည်။ တိုကျို၏ အကြီးဆုံးနိုင်ငံတကာစာသင်ကျောင်း၊ ဇိမ်ခံဟိုတယ်နှင့် ဆေးရုံတို့ ပါဝင်မည့် ၎င်းဖော်ဆောင်နေမှုသည် တိုကျို၏ဧရိယာတစ်ခုကို နယူးယောက်ရှိ Rockefeller Center complex ကဲ့သို့ ပြန်လည်အားဖြည့်အသက်သွင်းရန် ရည်ရွယ်သည်။
၎င်းဖော်ဆောင်မှုက Mori Building အား အမေရိကန်ဒေါ်လာ ၅ ဒသမ ၅ ဘီလျံမှ ၅ ဒသမ ၆ ဘီလျံအကြား ငွေကြေးသုံးစွဲစေလိမ့်မည်ဟု ခန့်မှန်းရသည်။ ယင်းဒေသတွင် Great East Japan Earthquake အင်အားပြင်းငလျင်ဒဏ်သင့်ခဲ့သည့်တိုင် complex ဖော်ဆောင်မှုစီမံကိန်းက ဒေသခံ ၃,၅၀၀ နှင့် အလုပ်သမား ၂ သောင်းခန့်၏ ရှင်သန်ရပ်တည်လုပ်ကိုင်မှုဆက်လက်လည်ပတ်စေမည်ဟု ခန့်မှန်းရကြောင်း Mori Building က ထုတ်ပြန်ခဲ့သည်။
Complex သည် ဆောက်လုပ်မှုဧရိယာစုစုပေါင်း စတုရန်းမီတာ ၈၆၀,၀၀၀ ရှိမည်ဖြစ်ပြီး ၂၁၀,၀၀၀ ကျော်က ရုံးခန်းများဖြစ်မည်ဖြစ်ကာ လူနေအိမ်ခန်းများက ၁,၄၀၀ ရှိမည်ဖြစ်သည်။
“မြို့ပြသစ်ဖော်ဆောင်မှုအတွင်းမှ မြို့ပြအဆောက်အအုံစီမံကိန်း”သည် Mori Building အတွက် ကြီးမားသောစိန်ခေါ်မှုတစ်ခုဖြစ်ကြောင်း စီအီးအို (အမှုဆောင်အရာရှိချုပ်) ရှင်းဂိုးစုဂျိက ယခုလ ၂၂ ရက် သတင်းစာရှင်းလင်းပွဲတွင် ပြောကြားခဲ့သည်။
“မြို့ပြများအကြား ပြိုင်ဆိုင်မှုပြင်းထန်လာချိန် ကျွန်တော်တို့အနေနဲ့ တိုကျိုမှာ နိုင်ငံတကာအဆင့်မီ ရုံးခန်းနဲ့အိမ်ရာတွေ ပိုမိုဖော်ဆောင်နိုင်ဖို့လိုပါတယ်” ဟုလည်း သူက ပြောကြားခဲ့သည်။
Mori Building နှင့် လုပ်ငန်းပြိုင်ဘက် အိမ်ခြံမြေ developer ကုမ္ပဏီ Mitsubishi Estate မှ စီစဉ်နေသည့် မိုးမျှော်တိုက်တစ်လုံးကလည်း ဂျပန်၏အမြင့်ဆုံးအဆောက်အအုံဘွဲ့ကို ဆွတ်ခူးနိုင်ဖွယ်ရှိနေသည်။ ထိုမိုးမျှော်တိုက်ကို အမြင့် ၃၉၀ မီတာအထိ မြင့်စေရန်နှင့် ၂၀၂၇ ခုနှစ်တွင် ဆောက်လုပ်ပြီးစီးစေရန် လျာထားကြောင်း သိရသည်။
Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)
