တာမွေယာယီဈေးကို အဆင့်မြှင့်တင် တည်ဆောက်တော့မည်

ရန်ကုန်မြို့ တော်စည်ပင်သာယာရေးကော်မတီ (ဈေးများဌာန) က ရန်ကုန်တိုင်းဒေသကြီး တာမွေမြို့နယ် ရှိ တာမွေယာယီဈေးကို အဆင့်မြှင့်တင် တည်ဆောက်တော့မည်ဖြစ်ကြောင်း သိရသည်။

ပြန်လည်တည် ဆောက်ရန် ၂၀၁၈ ခုနှစ် ဧပြီလတွင် ကက်ဘိနက်အစည်းအဝေးက ဆုံးဖြတ် ခဲ့၍ တင်ဒါခေါ်ယူခဲ့ကြောင်း၊ ပထမအကြိမ် တင်ဒါအောင်ကုမ္ပဏီရှိသော်လည်းဘဏ္ဍာရေး လိုအပ်ချက် ရှိခဲ့သော ကြောင့် ၂၀၁၉ ခုနှစ် ဖေဖော်ဝါရီလတွင် တင်ဒါပြန်လည်ခေါ်ယူခဲ့ရကြောင်း၊ဒုတိယအကြိမ်တင်ဒါခေါ်တဲ့အခါ One OneOne ကုမ္ပဏီက အောင်မြင်ခဲ့ပြီး တည်ဆောက်မည့်ဒီဇိုင်းမှာ ဈေးသူဈေးသားတွေအတွက်လည်း သင့်

လျော်ရန်၊ နှစ်ဖက်အကျိုးခံစားခွင့်မှာလည်း ကော်မတီကရရှိမှုပိုမိုကောင်းမွန်တဲ့ အနေအထားရှိရန်၊ ရင်းနှီးမြှုပ် နှံမည့် ငွေအရင်းအနှီးတွေ ပိုမိုခိုင်မာမှုရှိမရှိ စသဖြင့် အဆင့်ဆင့် စစ်ဆေးခဲ့ကြောင်းသိရသည်။

တင်ဒါအောင်မြင်သည့်ကုမ္ပဏီ အနေဖြင့် မြေဧရိယာမှာ ၃ ဒသမ ၇၉၂ ဧက ပေါ်မှာမူလဈေးဆိုင်ခန်းများ၊ စည်ပင်သာယာရေး ကော်မတီအတွက် ရုံးခန်းနေရာများအပါအဝင် သတ်မှတ်လိုအပ်ချက်များကို လုပ်ဆောင် ပေးရမည်ဖြစ်ကြောင်း၊အဆိုပါဈေးကိုတည်ဆောက်ရန် ရင်းနှီးမြှုပ်နှံမှုပမာဏမှာ မြန်မာကျပ်ငွေ ၁၆ ဘီလီယံခန့် ကုန်ကျနိုင်မည်ဖြစ်ကြောင်း၊ တည်ဆောက်မည့် အဆောက်အအုံမှာ ၅ ထပ် အဆောက်အအုံဖြစ်ပြီး အထပ်တိုင်းတွင် လုံလောက်သော ကားပါကင်များ ပါရှိမည်ဖြစ်ကြောင်း၊ ယင်းအပြင်Shop House များလည်း ပါဝင်မည်ဖြစ်ပြီး ကုမ္ပဏီအနေဖြင့် မြေပြင်ကွင်းဆင်း၍ ဈေးသူဈေးသားများ ယာယီဆိုင်ခန်းများဖြင့် ရောင်းချနိုင်ရန် တည်ဆောက်မည့် အစီအစဉ်များကို လုပ်ဆောင်နေကြပြီ ဖြစ်ကြောင်း သိရသည်။

တာမွေမြို့နယ်၏ လမ်းဆုံလမ်းခွမှာဖြစ်သဖြင့် ယာဉ်သွားလာမှု အနှောင့်အယှက်ဖြစ်စေမှု၊ အလင်း ရောင် ဝင်ရောက်မှု၊ ပတ်ဝန်းကျင်ထိန်းသိမ်းရေးစနစ် တွေကောင်းမွန်မှု၊ အမှိုက်စွန့်ပစ်သည့်စနစ်၊ရေဆိုးစွန့်စနစ် ကောင်းမွန်မှုရှိမရှိကို ပညာရှင်များက အမှတ်ပေးစနစ်နှင်စိစစ်ပြီးမှ ဆောက်ခွင့်ပြုတာဖြစ်ပြီး Shop House များပါဝင်မှာဖြစ်သော်လည်း လူနေထိုင်သည့်အခန်းများခွင့်ပြုမှာမဟုတ်ကြောင်း သိရသည်။

တာမွေဈေးမှာ ယခင်ကတာမွေ ရွှေဗဟိုရုပ်ရှင်ရုံဘေးရှိ ယခုတာမွေပလာဇာနေရာတွင် တည်ရှိခဲ့ရာမှ ၁၉၉၄ ခုနှစ် တွင် လက်ရှိတာမွေဈေးနေရာ၌ ယာယီ ဖွင့်လှစ်ခဲ့ခြင်းဖြစ်ကြောင်း၊ အဆိုပါမြေနေရာမှာ ၆ ဒသမ ၅၆၃ ဧကရှိကာဈေးရုံ ၁၈ ရုံရှိ သော်လည်း ယခုအသစ်ပြန်လည် တည်ဆောက်ရန် စီစဉ်သောအခါ မြေ၂ ဒသမ ၁၂၄ ဧကကို သန့်ရှင်းရေးဝန်ထမ်း လိုင်းခန်းများ တည်ဆောက်ရန်နှင့် သုည ဒသမ ၃၄၇ ဧကကို မင်္ဂလာ တောင်ညွန့် မြို့နယ်နှင့် တာမွေမြို့နယ်တို့အတွက် ဓာတ်အားခွဲရုံကြီးတစ်ခုတည်ဆောက်ရန် ကိုခွဲပေးထား ကြောင်းလည်းသိရ သည်။

ခွန်နောင်လွင်ထူး မှ ( iMyanmarHouse.com အိုင်မြန်မာဟောက်စ်ဒေါ့ကွန်း) အတွက် အထူးရေးသားဖော်ပြသည်။

Credit: iMyanmarHouse.com