ပြည်တွင်းနိုင်ငံသားများ အမည်ခံစေကာ နိုင်ငံခြားသား မြေယာဝယ်ယူမှုများကို ဗီယက်နမ်အစိုးရ အရေးယူမည်ဖြစ်ကြောင်း လက်ထောက်ဝန်ကြီးချုပ်ပြောကြား

ဗီယက်နမ်နိုင်ငံတွင် ပြည်တွင်းနိုင်ငံသားများကို အမည်ခံစေကာ နိုင်ငံခြားသားများက မြေယာဝယ်ယူမှုများ ပြုလုပ်နေခြင်းကို အရေးယူသွားတော့မည်ဖြစ်ကြောင်း ဗီယက်နမ်လက်ထောက်ဝန်ကြီးချုပ် ထရင်းဒင်ဒေါင် (ဗီယက်နမ် အသံထွက်- ချင့်ဒင်ဇုန်) က ပြောကြားလိုက်သည်။

ဗီယက်နမ်နိုင်ငံသားများက ၎င်းတို့၏ အမည်ဖြင့် နိုင်ငံခြားသားများအတွက် အိမ်ခြံမြေများ ဝယ်ယူပေးနေခြင်းအပေါ် ရတက်မအေးဖြစ် ရလျက်ရှိကြောင်း အမျိုးသားလွှတ်တော်တွင် ဆွေးနွေးခဲ့ကြပြီးနောက် လက်ထောက်ဝန်ကြီးချုပ်က ယခုကဲ့သို့ ပြောကြားလိုက်ခြင်း ဖြစ်သည်။

ဗီယက်နမ်တွင် နိုင်ငံခြားသားများသည် လူနေခန်းများ ဝယ်ယူခွင့်ရှိသော်လည်း မြေယာများ၊ လုံးချင်းအိမ်များ ဝယ်ယူခွင့်တားမြစ်ထားသည်။

ဟိုချီမင်းမြို့ တော် အိမ်ခြံမြေအသင်းဥက္ကဌ လီဟောင်ချူးက ပြောကြားရာတွင် ဟိုချီမင်းမြို့ တော် အိမ်ခြံမြေဈေးကွက်တွင် တရုတ်ဝယ်လက်တို့၏ ဝယ်လိုအားမြင့်တက်လျက်ရှိနေကြောင်း ပြောကြားသည်။

လီဟောင်ချုးက ဆက်လက်ပြောကြားရာတွင် ဗီယက်နမ်နိုင်ငံသားများကို ကိုယ်စားဝယ်ယူခိုင်းခြင်းမှာ အကြီးမားဆုံးပြဿနာဖြစ်နေပြီး တန်ဖိုးအလွန်ကြီးမားသည့် အိမ်ခြံမြေများပင် ပါဝင်နေကြောင်း ပြောကြားသည်။

အဆိုပါ လမ်းကြောင်းမျိုးကို ရပ်တန့်သွားစေရန် လွှတ်တော်အမတ်တို့က တောင်းဆိုကြသည်။

“နိုင်ငံခြားသားတွေအတွက် အမည်ခံပြီး ဝယ်ယူပေးနေတဲ့ ဗီယက်နမ်နိုင်ငံသားတွေကို ပိတ်ပင်သင့်ပါတယ်”ဟု လွှတ်တော်က အစိုးရသို့ တောင်းဆိုချက်တွင် ဖော်ပြသည်။

ဗီယက်နမ်အစိုးရသည် ၂၀၁၅ ခုနှစ်အတွင်း အိမ်ခြံမြေဥပဒေကို ပြင်ဆင်ကာ ဗီယက်နမ်တွင် နိုင်ငံခြားသားများ အိမ်ခြံမြေ ဝယ်ယူခွင့် ပိုမိုပေးအပ်ခဲ့သည်။

သို့ရာတွင် ကြိုးနီစနစ်များရှိနေသေးခြင်းကြောင့် ၎င်းတို့အပေါ်ဖြေလျှော့ပေးလာသည့် အခွင့်အရေးများ ရယူရာတွင် အခက်အခဲများစွာ ရှိနေဆဲပင် ဖြစ်သည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)