""၂၀၁၉ ပထမလ ၏ အိမ်ခြံမြေ ဈေးကွက်""

(၂၀၁၈)ခုနှစ်အတွင်းမှာတော့ အိမ်ခြံမြေဈေးကွက်ဟာ အတော်အတန် ငြိမ်သက်ခဲ့ပါတယ်။ဒီလို ငြိမ်သက်ခဲ့တယ်ဆိုပေမယ့်လည်း (၂၀၁၈ ဟာ ၂၀၁၇)နဲ့ ပြန်လည်နှိုင်းယှဉ်မယ်ဆိုရင် ပိုမိုအားကောင်းတဲ့ အရောင်းအ၀ယ်တွေဖြစ်ပေါ်ခဲ့ပါတယ်။ လက်ရှိမှာတော့ (၂၀၁၉)ရဲ့ ပထမဆုံးလကိုရောက်ရှိလာပါပြီ။ အိမ်ခြံမြေရဲ့ တစ်လတာ ကာလအတွင်း အရောင်းအဝယ် အငှား အနေအထားတွေကို မေးမြန်းကြည့်ရာမှာတော့ အငှားဈေးကွက် သာ အားကောင်းနေဆဲဖြစ်ပါတယ်။ အရောင်းအဝယ်ဈေးကွက်ဟာလည်း တစ်စထက်တစ်စ ပြန်စလာတာတွေ၇ှိနေပမယ့် အားရစရာအခြေအနေတစ်ခုကိုရောက်ဖို့တော့ အလှမ်းဝေးနေသေးတယ်လို့ အိမ်ခြံမြေရေးရာ ကျွမ်းကျင်သူတွေကပြောပါတယ်။

ဒဂုံလေးမြို့နယ်

ဒဂုံမြို့သစ် အရှေ့ ၊ တောင် ၊ မြောက် ၊ ဆိပ်ကမ်း အားလုံးမှာ အရောင်းအဝယ်အခြေအနေကတော့ ပုံမှန်အနေအထားနဲ့ပဲ ရှေ့ဆက်နေပါတယ်။ အရင်လက အရောင်းအဝယ်ပိုင်းမှာ အနည်းငယ်ငြိမ်နေခဲ့တဲ့ မြောက်ဒဂုံမြို့နယ် ဟာလည်း အကွက်တွေအရောင်းအဝယ်ဖြစ်ထွန်းနေကြောင်း အကျိုးဆောင်တွေဆီက သိရပါတယ်။ အရောင်းအဝယ်ပိုင်းမှာ သိန်း (၁,၀၀၀)ဝန်းကျင်အထိ အမေးရှိနေပြီး တကယ်အရောင်းအဝယ်ဖြစ်တာကတော့ သိန်း (၇၀၀ ၊ ၈၀၀)အကွက်တွေကနေ သိန်း (၁,၀၀၀ မှ ၂,၀၀၀)ဝန်းကျင်အထိ အရောင်းအဝယ်ဖြစ်နပါတယ်။ အငှားပိုင်းမှာတော့ ရင်းနှီးမြုပ်နှံလိုသူတွေရဲ့ အစပျိုးမှုတွေအပြင် နေထိုင်ရန်ငှားရမ်းမှုတွေလည်းရှိတယ်လို့ သိရပါတယ်။

ရန်ကင်း၊ ဗဟန်း၊ တောင်ဥက္ကလာ

ဒီမြို့နယ်တွေကတော့ မြေနေရာ အတော်များများကျန်ရှိနေသေးတာကြောင့် အရောင်းအဝယ်ဖြစ်မှုရှိနေပါတယ်။ အငှား အားကောင်းသလို အရောင်းအဝယ်ပိုင်းမှာလည်း အတန်အသင့်ကောင်းမွန်ကြတယ်လို့ သိရပါတယ်။ ဝယ်ယူလိုသူအများစုကတော့ မြေနေရာကျယ်ဝန်းတဲ့ လုံးချင်းပုံစံတွေကို အဓိကထားစိတ်ဝင်တစားမေးမြန်းကြတယ်လို့သိရပါတယ်။ ဒါပေမယ့်လည်း အချင်းချင်းပြန်လည်ရောင်းချတာမျိုးတွေ အဖြစ်များတယ်လို့လည်း အိမ်ခြံမြေ အသိုင်းအဝိုင်းကပြောပါတယ်။ အရောင်းအဝယ်ပိုင်းမှာ ဈေးနှုန်းကို  လျှော့ချရောင်းခဲ့တဲ့ အကွက်တွေပဲဖြစ်ခဲ့တာလို့လည်း သိရပါတယ်။

မြို့တွင်းမြို့နယ်များ

နှစ်စဉ်အားကောင်းနေဆဲဖြစ်တဲ့ ရန်ကုန့်မြို့ရဲ့ မြို့တွင်းခြောက်မြို့နယ်ရဲ့ အနေအထားကတော့ ဒီနှစ်စမှာလည်း အငှားပိုင်းမှာထိပ်ဆုံးကဦးဆောင်နေပါတယ်။ စီးပွားရေးဆိုင်ရာ အငှားတွေ ၊ လူနေထိုင်ဖို့အငှားတွေနဲ့အတူ မြိုင်မြိုင်ဆိုင်ဆိုင်အားကောင်းခဲ့တယ်လို့ ဆိုရမှာပါ။ အငှားပိုင်းဈေးကွက်မှာတော့ စီးပွားရေးလုပ်ကိုင်ဖို့အတွက် ငှားရမ်းကြတာတွေက အများဆုံးဖြစ်နေပါတယ်။

မင်းချို ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။ Credit: iMyanmarHouse.com