မအောင်မြင်သည့် စက်မှုလယ်ယာမြေဧက ထောင်ချီကို စက်မှုဇုန်အဖြစ် ပြောင်းလဲရန် ရန်ကုန်တိုင်းအစိုးရဆောင်ရွက်

ရန်ကုန်တိုင်းဒေသကြီး ဒဂုံမြို့သစ်တောင်ပိုင်းရှိ ဧကထောင်ချီရှိသော စက်မှုလယ်ယာမြေများကို စက်မှုဇုန်အဖြစ် ပြောင်းရန် ရန်ကုန်တိုင်းဒေသကြီး အစိုးရက ဆောင်ရွက်နေကြောင်း ဆောက်လုပ်ရေးဝန်ကြီးဌာန ဒုတိယဝန်ကြီး ဦးကျော်လင်းက လွှတ်တော်သို့ တင်ပြသည်။

ဇန်နဝါရီ ၂၂ ရက်က ကျင်းပသည့် ပြည်သူ့လွှတ်တော်အစည်းအဝေးတွင် ဒဂုံမြို့သစ် (တောင် ပိုင်း)လွှတ်တော်ကိုယ်စားလှယ် ဦးအေးနိုင်က ဒဂုံမြို့သစ်(တောင်ပိုင်း)မြို့နယ် စက်မှုဇုန်(၁)၊ စက်မှုဇုန်(၂)၊ စက်မှုဇုန်(၃) နယ်မြေအ တွင်းရှိ စက်မှုလက်မှုလုပ်ငန်းရှင် များအတွက် လိုအပ်နေသော စက်ရုံအလုပ်ရုံမြေနေရာရရှိရေး မည်ကဲ့သို့ ဆောင်ရွက်ပေးမည်ကို သိ ရှိလိုကြောင်း မေးမြန်းခဲ့သည်။

‘‘ ကိုယ်တိုင်လုပ်ကိုင်တဲ့လူတွေက မြေငှားခ တစ်နေ့ထက် တစ်နေ့ ကြီးမြင့်လာခြင်း၊ ငှားခ တိုးကောက်ခံခြင်း၊ လုပ်ငန်းပမာဏတိုးချဲ့ရန် ကိုယ်ပိုင်စက်မှုဇုန် မြေမဟုတ်သဖြင့် မဆောင်ရွက်နိုင်ခြင်းအပြင် ဆက်၍ မငှားတော့ခြင်း စသည့်အခက်အခဲများဖြစ် နေပါတယ် ’’ဟု​ ၎င်းက ဆွေးနွေးသည်။

ဦးအေးနိုင်၏ မေးမြန်းချက်အပေါ် ဒုဝန်ကြီးဦးကျော်လင်းက ရန်ကုန်တိုင်းအစိုးရအဖွဲ့ကိုယ် စားရှင်းလင်းဖြေကြားသည်။

လုပ်ငန်းရှင်များ စက်ရုံ၊ အလုပ်ရုံမြေနေရာရရှိရေး အစိုးရ ဈေးနှုန်းဖြင့် ချထားပေးရန်နှင့် ပတ်သက်၍ ဒဂုံမြို့သစ်(တောင်ပိုင်း)မြို့နယ်အတွင်း စက်မှုလယ်ယာခွင့်ပြုထားသော မြေနေရာ များကို Local Industrial Zone အဖြစ် Land Used ပြောင်းလဲ သတ်မှတ်အကောင်အထည်ဖော် နိုင်ပါက အသေးစားနှင့် အလတ် စားစက်မှုလုပ်ငန်းများအတွက် မြေကွက်များ ဖော်ထုတ်ပေးနိုင် မည်ဟု ၎င်းကဆိုသည်။

ဒုဝန်ကြီး၏ဖြေကြားချက်အပေါ် ဦးအေးနိုင်က မည်သည့်အချိန်တွင် မြေကွက်များဖော်ထုတ် ရောင်းချပေးမည်လဲဟုဆက်စပ် မေးခွန်းမေးမြန်းခဲ့သည်။

‘‘ဒဂုံမြို့သစ်တောင်ပိုင်းမှာ ဧကထောင်နဲ့ချီပြီးတော့ ContractFarming (စက်မှုလယ်ယာ)တွေ ခွင့်ပြုထားတာရှိပါတယ်။ အဲဒီဟာတွေက လက်တွေ့လည်း အောင်မြင်တဲ့ လယ်ယာဇုန်တွေ မဟုတ်ဘူးဆိုပြီးတော့ ဒါတွေကို စက်မှုဇုန်ပြောင်းဖို့ ဆိုပြီး စီစဉ် ဆောင်ရွက်နေပါတယ်။ ဒါ ကြောင့်မို့လို့ ဖော်ထုတ်မယ့်အစီ အစဉ်ကတော့ Contract Farm-ing တွေကို စက်မှုဇုန်ပြောင်းလဲဖို့ ရန်ကုန်တိုင်းဒေသကြီးအစိုးရက ကြိုးစားဆောင်ရွက်နေပါတယ်။ ဘယ်တော့ဖော်ထုတ်မလဲဆိုတဲ့ ကိစ္စကတော့ အခုကို ကြိုးစားနေ ကြောင်း သိရှိရပါတယ်’’ဟု ဒုဝန် ကြီး ဦးကျော်လင်းက ပြောသည်။

အသေးစိတ်သိရှိစေရန် ရန်ကုန်တိုင်းဒေသကြီးအစိုးရအဖွဲ့ သို့ မေးမြန်းပြီး ဆက်လက်ဖြေ ကြားမည်ဟု ဒုဝန်ကြီးက ပြော သည်။

၁၉၉၀ ပြည့်နှစ် ဒဂုံမြို့သစ်တည်ဆောက်ရေး စီမံကိန်းနှင့် ဆက်စပ်၍ ဒဂုံတောင်စက်မှုဇုန် (၁)နှင့် (၂) အသေးစားစက်မှု မြေကွက်များကို တစ်ဧကလျှင် ကျပ်သိန်း ၉၀ နှုန်းဖြင့် ရောင်းချ ခဲ့သည်။

ဒဂုံမြို့သစ်(တောင်ပိုင်း)မြို့ နယ်အတွင်း စက်ရုံ၊ အလုပ်ရုံ ပေါင်း ၁,၀၀၀ ကျော်ရှိသည်ဟု ဦးအေးနိုင်က ဆိုသည်။

စက်မှုဇုန်များကို လေ့လာသုံးသပ်ကြည်ပါက စက်မှုဇုန်မြေ ကွက်ချထားပြီးကတည်းက ကိုယ် တိုင်လုပ်ကိုင်နေသူများရှိသကဲ့သို့ ယခုအချိန်ထိ မည်သည့်လုပ်ငန်း မျှ မလုပ်သည့် စက်မှုဇုန်မြေကွက် များရှိနေကြောင်း၊ မြေနေရာယူထားပြီး အခြားလုပ်ငန်းလုပ်ကိုင် နေသူများအား ငှားထားသူများ လည်းရှိကြောင်း ၎င်းက ပြောသည်။

ယင်းတို့နှင့်ပတ်သက်ပြီး ဝေဖန်လိုခြင်းမရှိသော်လည်း အမှန် တကယ်စက်မှုလက်မှုလုပ်ငန်း လုပ်ကိုင်နေသူများ စက်မှုဇုန်မြေ နေရာမရှိဘဲ လုပ်ကိုင်နေရသော ကြောင့် ၎င်းတို့ကို ဆောင်ရွက်ပေး နိုင်ခြင်းရှိ၊ မရှိ မေးမြန်းရကြောင်း ဦးအေးနိုင်က ပြောသည်။ ရွာသာကြီးစက်မှုဇုန်တွင် စက်ရုံ ၁၆၇ ရုံချထားသော်လည်း အမှန်တကယ် လုပ်ငန်းလုပ်သည့် စက်ရုံ ၉၉ ရုံသာရှိပြီး ဂိုဒေါင်၊ ခြံခတ်၊ လစ်လပ် ၆၈ လုံးဖြစ်နေကြောင်း ဥပမာပေးသည်။

ပြည်သူ့လွှတ်တော်ဥက္ကဋ္ဌ ဦးတီခွန်မြတ်ကလည်း ဦးအေးနိုင် မေးမြန်းသည့် စက်မှုဇုန်ကိစ္စနှင့် ပတ်သက်ပြီး ဆက်စပ်မေးခွန်းအပေါ် ရန်ကုန်တိုင်းအစိုးရအဖွဲ့သို့ မေးမြန်းပေးရန် မေတ္တာရပ်ခံခဲ့ သည်။

Credit:   7Daydaily