အိုစမာဘင်လာဒင်၏ အကြမ်းဖက်တိုက်ခိုက်မှုခံခဲ့ရသော World Trade Center ကို ဆောက်လုပ်ခဲ့သည့် developer က ပန်းခြံရိပ်သာလမ်းရှိ ၎င်း၏နေအိမ်ကို ရောင်းထုတ်

၂၀၀၁ ခုနှစ်၊ စက်တင်ဘာလ ၁၁ ရက်တွင် အိုစမာဘင်လာဒင်၏ ကြိုးကိုင်မှုဖြင့် အယ်လ်ကေဒါတို့၏ အကြမ်းဖက်တိုက်ခိုက်ခံခဲ့ရသော World Trade Center (WTC) မိုးမျှော်တိုက်ကြီးကို ဆောက်လုပ်ခဲ့သည့် developper သည် နယူးယောက်မြို့၊ ပန်းခြံရိပ်သာလမ်းရှိ ၎င်း၏ နေအိမ်ကို ရောင်းထုတ်လိုက်ပြီ ဖြစ်သည်။

World Trade Center အဆောက်အအုံကြီးသည် နယူးယောက်မြို့၊ မန်ဟက်တန်အရပ်တွင် တည်ရှိပြီး ၁၉၇၃ ခုနှစ် ၊ ဧပြီလ ၄ ရက်တွင် ဖွင့်လှစ်ခဲ့သည်။

စတင်ဖွင့်လှစ်ခဲ့စဉ်က ယင်းအမြွှာမျှော်စင်ကြီးသည် ကမ္ဘာ့အမြင့်မားဆုံးအဆောက်အအုံကြီးများအဖြစ် ရပ်တည်ခဲ့ပြီး စင်တာ ၁ မှာ ၁၃၆၈ ပေ မြင့်မားကာ စင်တာ ၂ မှာ ၁၃၆၂ ပေ အမြင့်ရှိသည်။

World Trade Center ကွန်ပလက်စ်တွင် စုစုပေါင်း အဆောက်အအုံ ၇ လုံးပါဝင်ပြီး အမြင့်မားဆုံးအမြွှာမျှော်စင်ကြီး ၂ ခုအပြင် Marriott World Trade Center (3 WTC), 4 WTC, 5 WTC, 6 WTC နှင့် 7 WTC ဟူသော အဆောက်အအုံ ၅ လုံး ပါဝင်သေးသည်။

လာရီ ဆေးလ်ဗားစတိန်းနှင့် ဇနီးဖြစ်သူ ကလာရာတို့သည် ပန်းခြံရိပ်သာလမ်း အမှတ် ၅၀၀ ရှိနေအိမ်ကြီးတွင် နှစ်ပေါင်းများစွာ နေထိုင်ခဲ့ကြခြင်းဖြစ်ပြီး ယခုအခါ ကန်ဒေါ်လာ ၉ ဒသမ ၃ သန်းဖြင့် ရောင်းထုတ်လိုက်ခြင်း ဖြစ်သည်။

၂၀၁၇ ခုနှစ်ကတည်းက အရောင်းဈေးကွက်တင်ထားခဲ့ခြင်းဖြစ်ပြီး ထိုစဉ်က ခေါ်ဈေးမှာ ကန်ဒေါ်လာ ၁၃ ဒသမ ၉ သန်းဖြစ်သည်။

အလွှာတစ်ခုလုံး ဖြန့်ကျက်တည်ရှိပြီး အကျယ်အဝန်း ၄၆၅၃ စတုရန်းပေရှိကာ အိပ်ခန်း ၅ ခန်း၊ ရေချိုးခန်း ၅ ခန်း ပါဝင်သည်။

အမေရိကန် သဘာဝသမိုင်းပြတိုက်မှ Rose Center for Earth and Space ကို ဒီဇိုင်းရေးဆွဲခဲ့သည့် ဗိသုကာပညာရှင် ဂျိမ်းစ် စတီးဝပ် ပိုလ်ရှက်ခ်က ယခုနေအိမ်ကို ဒီဇိုင်းရေးဆွဲပေးခဲ့ခြင်း ဖြစ်သည်။

သီးသန့်ဓာတ်လှေကားတပ်ဆင်ပေးထားပြီး ဓာတ်လှေကားမှထွက်လျှင် ကြီးမားသော နားနေဆောင်တစ်ခုသို့ ရောက်ရှိမည်ဖြစ်ပြီး ထိုမှတဆင့် ဧည့်ခန်းသို့ ရောက်ရှိမည် ဖြစ်သည်။

ထင်းသုံးမီးလင်းဖိုတစ်ခု ပါဝင်သည့် စာကြည့်တိုက်၊ Central Park ပန်းခြံကို စီးမိုးတွေ့မြင်ရသည့် ညစာစားခန်းနှင့် စားသောက်ရန်နေရာ တွဲဖက်ပါဝင်သည့် မီးဖိုဆောင်တစ်ခုတို့ ပါဝင်သည်။

Master bedroom မှလည်း Central Park ကို တွေ့မြင်ရပြီး အဝတ်ဗီရိုများစွာနှင့် အဝတ်လဲခန်းတစ်ခန်း တွဲဖက်ပါဝင်သည်။

ဆေးလ်ဗားစတိန်းတို့ ဇနီးမောင်နှံသည် အိမ်ထောင်သက် ၆၃ နှစ်ရှိပြီဖြစ်ပြီး လက်ရှိအားဖြင့် နယူးယောက်မြို့လယ် Park Place လမ်း၊ အမှတ် ၃၀ ရှိ ကွန်ဒိုအဆောက်အအုံကြီးတွင် တည်ရှိသော ဇိမ်ခံကွန်ဒိုခန်းတွင် နေထိုင်လျက်ရှိကာ အဆိုပါအခန်းမှတစ်ဆင့် တချိန်က World Trade Center တည်ရှိခဲ့သော နေရာကို တွေ့မြင်နေရသည်။

အရောင်းဈေးကွက်တင်သွင်းပေးခဲ့သည်မှာ Corcoran ကုမ္ပဏီမှ အကျိုးဆောင်များဖြစ်သော မရီဒစ်သ် ဗီရိုနာနှင့် ဘက်စီ မက်ဆာရှမစ်တို့ ဖြစ်ကြသည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)