ဥပဒေအရ ခွင့်ပြုချက်မကျမီ မြေလွတ်၊ မြေရိုင်းများကို အသုံးပြုခွင့်မပေးထားဟု တနင်္သာရီအစိုးရထုတ်ပြန်

တနင်္သာရီတိုင်းဒေသ ကြီးရှိ ကျွန်းမြေများနှင့်အခြားမြေ များအသုံးပြုပိုင်ခွင့်ကို ဥပဒေအရ ခွင့်ပြုချက်မကျမီ လုပ်ငန်းရှင် များ၊ ကုမ္ပဏီနှင့်အဖွဲ့အစည်းများ ကို ခွင့်ပြုထားခြင်းမရှိကြောင်း တိုင်းအစိုးရအဖွဲ့က သတင်း ထုတ်ပြန်သည်။

တိုင်းအတွင်း ကျွန်းမြေများ နှင့် အခြားမြေများတွင် မွေး မြူရေးနှင့် အခြားလုပ်ငန်းများလုပ် ကိုင်ရန် ဒေသနေပြည်သူများ၊ လုပ်ငန်းရှင်များ၊ ကုမ္ပဏီ၊ အဖွဲ့အစည်းများက လျှောက်ထားနေ ရာ မြေအမျိုးအစားများအလိုက် ပြဋ္ဌာန်းထားသောဥပဒေများနှင့် အညီလုပ်ကိုင်ခွင့်လျှောက်ထား စေ၍ ခွင့်ပြုနေကြောင်း ဇန်န၀ါရီ ၉ ရက်ထုတ်ပြန်ချက်တွင် ဖော်ပြ သည်။

လောင်းလုံးကမ်းရိုးတန်းဒေသအတွင်း ကျွန်းသုံးကျွန်းနှင့်ကမ်း ခြေမြေနေရာတစ်ခုတို့တွင် Excellent Fortune Development Group ကုမ္ပဏီလီမိတက်ကနိုင်ငံ တကာအဆင့်မီဟိုတယ်၊ အပန်း ဖြေစခန်းများ၊ ဇိမ်ခံသင်္ဘောများ ရပ်နားနိုင်သည့်ဆိပ်ကမ်း၊ ရေ ပေါ် ရေအောက်ကစားကွင်းများ၊ အိမ်ရာစီမံကိန်းများဆောင်ရွက်နိုင်ရန် မြေလွတ်၊ မြေလပ်နှင့်မြေ ရိုင်းဧကစုစုပေါင်း ၃၀၀ ခန့်ကို လုပ်ကိုင်ခွင့်ပြုရန် လျှောက်ထားမှု အပေါ် ဒေသခံပြည်သူများအ ကြား ကန့်ကွက်မှုများထွက်ပေါ်လာပြီးနောက် တိုင်းအစိုးရအဖွဲ့က ယင်းသို့ သတင်းထုတ်ပြန်ခြင်း ဖြစ်သည်။

ထို့အပြင် Excellent Fortune Development Group ကုမ္ပဏီလီမိတက်က မြေလွတ်၊ မြေလပ်နှင့် မြေရိုင်းလုပ်ကိုင်ခွင့် လျှောက်ထားသည့်နေရာများ သည် ဒေသခံရေလုပ်သားများ အမှီပြုလုပ်ကိုင်စားသောက်ရာ ဒေသများဖြစ်သည့်အပြင် ရှေးဟောင်းမြို့တည်ရှိရာနေရာများ ပါဝင်နေသဖြင့် ကန့်ကွက် ကြောင်း ဒေသခံ ၅၀၀ ခန့်နှင့်ဒေသတွင်းအရပ်ဘက်အဖွဲ့အစည်း ၁၇ ဖွဲ့အပါအ၀င် ထားဝယ်တိုင်းရင်းသားများပါတီက ထုတ်ပြန်ထားသည်။

မြေလွတ်၊ မြေလပ်နှင့်မြေရိုင်းများကို လုပ်ကိုင်ခွင့်၊ အသုံးပြုခွင့်လျှောက်ထားမှုများအပေါ် ကန့်ကွက်မှုများရှိပါက မြေလွတ်၊ မြေလပ်နှင့်မြေရိုင်းများ စီမံခန့်ခွဲ ရေးဥပဒေအရ မြေနေရာအသုံးပြု ခွင့်လျှောက်ထားသည့်မြို့နယ်ကို စိစစ်စေခြင်းမရှိဘဲအခြားမြို့နယ် မှ သီးခြားအဖွဲ့များဖြင့်စိစစ်ပြီး တင်ပြစေကြောင်း တိုင်းအစိုးရအဖွဲ့သတင်းထုတ်ပြန်ချက်တွင်ဖော် ပြသည်။

ထို့အပြင် မြန်မာနိုင်ငံရင်းနှီး မြှုပ်နှံမှုကော်မရှင်၏ ခွင့်ပြုချက် ရရှိပြီးမှသာ အစိုးရအဖွဲ့နှင့်လုပ် ငန်းဆောင်ရွက်မည့်ကုမ္ပဏီ၊ အဖွဲ့အစည်းများအကြား မြေငှား ရမ်းခြင်းဆိုင်ရာသဘောတူစာ ချုပ်နှင့် တည်ဆောက်၊ လုပ်ကိုင်၊ လွှဲပြောင်းခြင်းဆိုင်ရာသဘောတူ စာချုပ်များချုပ်ဆို၍ ဟိုတယ်နှင့် ခရီးသွားလုပ်ငန်းများအကောင် အထည်ဖော်ဆောင်ရွက်နေ ကြောင်း ထုတ်ပြန်ချက်တွင်ရေးသားထားသည်။

ထိုသို့ဆောင်ရွက်ရာတွင်လည်း ဒေသခံပြည်သူများ၏ သဘောထားများရယူကာ အလေး ထား ဆောင်ရွက်နေကြောင်း ထုတ်ပြန်ချက်တွင် ဖော်ပြထားသည်။ လောင်းလုံးကမ်းရိုးတန်းဒေ သတွင် မြေလွတ်၊ မြေလပ်နှင့်မြေ ရိုင်းဧက ၃၀၀ ခန့်အသုံးပြုခွင့်ရရန် လျှောက်ထားသည့် Excellent Fortune Development Group ကုမ္ပဏီလီမိတက်သည် ၂၀၁၈ အောက်တိုဘာ ၉ ရက်က တိုင်း အစိုးရအဖွဲ့ထံ လာရောက်တွေ့ဆုံစဉ် ဒေသဖွံ့ဖြိုးရေးအတွက် အသုံးပြုရန်ဆိုကာ ကျပ်သိန်း ၅၀၀ လှူဒါန်းခဲ့သည့်ကုမ္ပဏီဖြစ်သည်။

ယင်းသို့ လှူဒါန်းငွေကို တိုင်းအစိုးရအဖွဲ့က လက်ခံရယူ ခြင်းသည် ကုမ္ပဏီလုပ်ငန်း ဆောင်ရွက်ရာတွင် အဆင်ပြေ ချောမွေ့မှုရှိစေရန် အစိုးရအဖွဲ့ ထံသို့ သွယ်ဝိုက်သောနည်းဖြင့် လာဘ်ထိုးခြင်းဖြစ်ကြောင်း ဒေ သခံများအကြား ဝေဖန်မှုမြင့် တက်ခဲ့သည်။

ဒေသဖွံ့ဖြိုးရေးလုပ်ငန်းများ ဆောင်ရွက်ရန် ကုမ္ပဏီကလှူဒါန်းသဖြင့် တိုင်းအစိုးရအဖွဲ့က လက်ခံခြင်းဖြစ်ပြီး ကုမ္ပဏီနှင့် အစိုးရအဖွဲ့အကြားမည်သည့် သဘောတူညီချက်မျှမရှိကြောင်း တနင်္သာရီတိုင်းဒေသကြီးအစိုးရ အဖွဲ့ညွှန်ကြားရေးမှူးဦးမိုးဇော် လတ်ကဝေဖန်မှုများထွက်ပေါ်နေ သည့်အပေါ် ရှင်းလင်းသည်။

ထို့ကြောင့် ကုမ္ပဏီ၏မြေလွတ်၊ မြေလပ်နှင့်မြေရိုင်းများ လျှောက်ထားမှုကိုလည်း ဥပဒေ နှင့်အညီသာ ခွင့်ပြုမည်ဖြစ် ကြောင်း ဦးမိုးဇော်လတ်က 7Day Daily သတင်းစာအားပြောကြား ထားသည်။

Credit:  7Daydaily