ဤသဘာဝပတ်ဝန်းကျင်ဦးစားပေး အဆောက်အအုံလိန်က သြစတြေးလျတိုက်၏ အမြင့်ဆုံးဖြစ်လာမည်

သြစတြေးလျတိုက်၏ ဤမုန့်ကျိုးလိန်ပုံစံ အမြင့်ဆုံးမိုးမျှော်တိုက်စီမံကိန်းသည် သြစတြေးလျ၏ သဘာဝပတ်ဝန်းကျင်ရှေးအရှုဆုံးမိုးမျှော်တိုက်တစ်ခုလည်း ဖြစ်လာမည်ဖြစ်သည်။

developer (မြေယာဝယ်ယူ၍ အဆောက်အအုံဆောက်လုပ်ရောင်းချရေး ကုမ္ပဏီ) Beulah International အတွက် သြစတြေးလျနိုင်ငံ မဲလ်ဘုန်းမြို့ရှိ သြစတြေးလျဒေါ်လာ ၂ ဘီလျံ (အမေရိကန်ဒေါ်လာ ၁ ဒသမ ၄ ဘီလျံ) တန် စီမံကိန်းတစ်ခုအား ဒီဇိုင်းရေးဆွဲပေးခွင့်ကို နယ်သာလန်ရှိ ဗိသုကာကုမ္ပဏီ UNStudio နှင့် သြစတြေးလျရှိ Cox Architecture ဗိသုကာကုမ္ပဏီတို့က သြဂုတ် ၁၅ တွင် ပူးတွဲရရှိခဲ့ပြီဖြစ်ကြောင်း သိရသည်။

Southbank by Beulah ဒီဇိုင်းပြိုင်ပွဲတွင် အနိုင်ရရှိခဲ့သည့် ၎င်းကုမ္ပဏီနှစ်ခု၏ Green Spine (အစိမ်းရောင်ကျောရိုး) ဒီဇိုင်းတွင် မိုးမျှော်တိုက်နှစ်ခု ပါဝင်မည်ဖြစ်သည်။ တစ်ခုက မဲလ်ဘုန်းမြို့၏ ဝေဟင်သို့ ၃၅၆ မီတာ (၁၁၆၈ ပေ) ကျော် ထိုးထွက်နေပြီး သြစတြေးလျတိုက်၏ အမြင့်ဆုံးအဆောက်အအုံ ဖြစ်လာမည်ဖြစ်ကာ ကျန်တစ်ခုက ၂၅၂ ဒသမ ၂ မီတာ မြင့်မည်ဖြစ်သည်။

ယင်းစီမံကိန်းက Gold Coast တွင် ၂၀၂၀ ပြည့်နှစ်၌ စတင်တည်ဆောက်မည့် Q1 တာဝါ၏ အမြင့်မီတာ ၃၂၂ မီတာစံချိန်ကို ကျော်မည်ဖြစ်သည်။ Beulah International ၏ တာဝန်ခံဒါရိုက်တာ အဒယ်လင်းတာက Green Spine အား Southbank ရှိ တပ်မက်ဖွယ်ကောင်းသော စက္ခုအာရုံပြတိုက်တစ်ခုဟု တင်စားခေါ်ဝေါ်ခဲ့သည်။

Green Spine ဟူသော နာမည်နှင့်အညီ သစ်ရွက်ဝေဆာသော လသာဆောင်များ၊ တိုက်တန်းလျားနှင့် ဖန်အိမ်ရှေ့မျက်နှာစာများတစ်လျှောက် အဆောက်အအုံအမြင့်အတိုင်း ဖော်ဆောင်ထားသည့် ဥယျာဉ်လေးများဖြင့် လိန်ကောက်နေသော ကျောရိုးများပုံစံ မြင်တွေ့ရမည်ဖြစ်သည်။

မိုးမျှော်တိုက်နှစ်ခုအနက် ပိုမိုမြင့်သော မိုးမျှော်တိုက်၏ အပေါ်ဆုံးတွင် အသက်ရှူမှားလောက်သည့် အံ့မခန်းဖွယ်ရာ၊ အများပြည်သူဝင်ထွက်သွားလာနိုင်သည့် ဝေဟင်ဥယျာဉ် Future Botanic Garden ပါရှိမည်ဖြစ်သည်။ မဲလ်ဘုန်း၏ အရပ်ဘက်အခြေခံအဆောက်အအုံကဏ္ဍသို့ သဘာဝပတ်ဝန်းကျင် ထိန်းသိမ်းရေး ရှေးရှုမှုများ ပိုမိုဦးစားပေးလုပ်ဆောင်လာကြရန် အရေးကြီးသည့် အချက်ကို အခြေခံ၍ ၎င်းဒီဇိုင်းအား ပုံဖော်ခဲ့ကြခြင်းဖြစ်သည်ဟု Cox Architecture ၏ ဒါရိုက်တာ ဖိလစ်ရိုဝီက ပြောကြားခဲ့ကြောင်း သိရသည်။

ခင်အေးချမ်း ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။ Credit: iMyanmarHouse.com