အိမ်ဈေးနှုန်းညွှန်းကိန်းအား ဘရူနိုင်း ပထမဆုံးအကြိမ် ထုတ်ပြန်

ဘရူနိုင်းဗဟိုဘဏ်သည် ၎င်းတို့နိုင်ငံ၏ အိမ်ခြံမြေဈေးကွက်အခြေအနေများအား လေ့လာ၍ လူနေအိမ်ခြံမြေဈေးနှုန်းညွှန်းကိန်းအား ပထမဆုံးအကြိမ်
အဖြစ် ယခုလအစောပိုင်းတွင် ထုတ်ပြန်ခဲ့သည်။

ဘရူနိုင်းရှိ ဒေသလေးခုစလုံးမှ လူနေအိမ်ခြံမြေများအား ယခုနှစ် ပထမသုံးလပတ်အတွင်း ပျမ်းမျှဝယ်ဈေးမှာ ဘရူနိုင်းဒေါ်လာ ၂၅၀,၀၀၀ (အမေရိကန်ဒေါ်လာ ၁၈၄,၀၀၀) ရှိခဲ့ကြောင်း ဘရူနိုင်းဗဟိုဘဏ်ဖြစ်သော Autoriti Monetari Brunei Darussalam (AMBD) မှ ထုတ်ပြန်ခဲ့သော အချက်အလက်များအရ
သိရသည်။

ယင်းသည် ၂၀၁၇ ခုနှစ် ပထမသုံးလပတ်၏ ခန်းမှန်းပျမ်းမျှဝယ်ဈေးအောက် ၁၁ ရာခိုင်နှုန်း ကျဆင်းခဲ့ပြီး ၂၀၁၇ ခုနှစ် စတုတ္ထသုံးလပတ်အောက် ၉ ရာခိုင်နှုန်း ကျဆင်းခဲ့ခြင်းဖြစ်သည်။

ယခုနှစ် ပထမသုံးလပတ် (၂၀၁၈ ဇန်နဝါရီ၊ ဖေဖော်ဝါရီနှင့် မတ်) အတွင်း ဖြစ်ပွားခဲ့သော လူနေအိမ်ခြံမြေအရောင်းအဝယ် ၉၂ ခု၏ ၅၁ ရာခိုင်နှုန်းသည် လုံးချင်းအိမ်များဖြစ်ကြောင်း ၎င်းဗဟိုဘဏ်၏ အချက်အလက်များအရ သိရသည်။

၂၂ ရာခိုင်နှုန်းမှာ တိုက်တန်းလျားအိမ်ခန်းများဖြစ်ပြီး ၁၆ ရာခိုင်နှုန်းမှာ နှစ်အိမ်တွဲအိမ်များဖြစ်ကာ ၇ ရာခိုင်နှုန်းမှာ တိုက်ခန်းများနှင့် ၄ ရာခိုင်နှုန်းမှာ
မြေကွက်များ ဖြစ်ကြောင်း သိရသည်။

အမျိုးအစားအားဖြင့် လုံးချင်းအိမ်များက ဘရူနိုင်းဒေါ်လာ ၂၉၉,၀၀၀ ဖြင့် ပျမ်းမျှဝယ်ဈေးအမြင့်ဆုံးဖြစ်ပြီး နှစ်အိမ်တွဲအိမ်များက ဘရူနိုင်းဒေါ်လာ ၂၆၀,၀၀၀၊ တိုက်ခန်းများက ဘရူနိုင်းဒေါ်လာ ၂၀၅,၀၀၀၊ တိုက်တန်းလျားအိမ်ခန်းများက ဘရူနိုင်းဒေါ်လာ ၁၈၅,၀၀၀ နှင့် မြေကွက်များက ဘရူနိုင်းဒေါ်လာ ၈၂,၀၀၀
တို့ ဖြစ်သည်။

၂၀၁၅ ခုနှစ်အား အခြေခံခုနှစ်အဖြစ် အသုံးပြုကာ တွက်ချက်ထုတ်ပြန်ခဲ့သည့် ၎င်း ၂၀၁၈ ခုနှစ် ပထမသုံးလပတ်ညွှန်းကိန်းမှာ ၈၇ ဒသမ ၃ ဖြစ်ပြီး ပြီးခဲ့သည့်နှစ်အောက် ၂ ဒသမ ၇ ရာခိုင်နှုန်း ကျဆင်းခဲ့ခြင်းဖြစ်ပြီး ယင်းမတိုင်မီ သုံးလပတ်အောက် ၇ ဒသမ ၇ ရာခိုင်နှုန်း ကျဆင်းခဲ့ခြင်းဖြစ်ကြောင်း သိရသည်။

ယင်းညွှန်းကိန်းသည် အိမ်ပိုင်ဆိုင်နိုင်မှုအတိုင်းအတာ၊ စီးပွားရေးဖွံ့ဖြိုးမှုနှင့် ဘဏ္ဍာရေးတည်ငြိမ်မှုတို့တွင် အညွှန်းတစ်ခုအဖြစ် ပါဝင်မည်ဖြစ်ကြောင်းလည်း ဗဟိုဘဏ်က ထုတ်ပြန်ခဲ့သည်။


ခင်အေးချမ်း မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com