အာရှ၏ စမတ်အကျဆုံးမြို့ပြအဆင့်ကို တိုကျို ပြန်လည်ဆွတ်ခူး

တိုကျိုသည် စပိန်ပုဂ္ဂလိကတက္ကသိုလ်တစ်ခုဖြစ်သော University of Navarra ၏ IESE Graduate Business School မှ မကြာသေးမီက ထုတ်ပြန်လိုက်သည့် စမတ်ကျမှုနှင့် စဉ်ဆက်မပြတ်ဖွံ့ဖြိုးရေးစွမ်းဆောင်နိုင်စွမ်းအရှိဆုံး
ကမ္ဘာ့မြို့များစာရင်း ၂၀၁၈ (CIMI) တွင် အဆင့်အမြင့်ဆုံးအာရှမြို့အဖြစ်
ဖော်ပြခံလိုက်ရကြောင်း သိရသည်။

ဂျပန်နိုင်ငံ၏မြို့တော် တိုကျိုသည် ၎င်းကမ္ဘာ့မြို့များစာရင်းတွင် စတုတ္ထနေရာ
ကို ဒုတိယမြောက်နှစ်အဖြစ် ပြန်လည်ရရှိခဲ့ခြင်းဖြစ်သည်။

နယူးယောက်၊ လန်ဒန်နှင့် ပဲရစ်တို့က တိုကျို၏ အထက်မှ ပထမ၊ ဒုတိယ၊
တတိယနေရာကို အစဉ်လိုက်သိမ်းပိုက်ခဲ့ကြသည်။ စင်္ကာပူကလည်း
ဆဋ္ဌမနေရာတွင် ဖော်ပြခံခဲ့ရပြီး အရှေ့တောင်အာရှ၏ စမတ်အကျဆုံးမြို့ဖြစ်ကာ အာရှ၏ ဒုတိယစမတ်အကျဆုံးမြို့အဖြစ် ရပ်တည်ခဲ့သည်။

ယခုနှစ်စာရင်း၏ ထိပ်တန်း ၁၀ နေရာသည် ၂၀၁၇ စာရင်းတုန်းကနှင့် များစွာ
မခြားနားပေ။ ရေဂျာဗစ်၊ ဆိုးလ်၊ တိုရန်တို၊ ဟောင်ကောင်တို့က ပဉ္စမ၊ သတ္တမ၊
အဋ္ဌမနှင့် နဝမနေရာတို့တွင် မပြောင်းမလဲဆက်လက်ရပ်တည်ခဲ့ကြသည်။

ဒဿမနေရာတွင်မူ ဘာလင်အစား အမ်စတာဒမ်က အဆင့်မြင့်တက်နေရာယူခဲ့ကာ ဘာလင်က အဆင့် ၁၁ နေရာသို့ ကျဆင်းသွားခဲ့သည်ကို တွေ့ရသည်။

CIMI သည် ကမ္ဘာ့နိုင်ငံပေါင်း ၈၀ ရှိ အထင်ကရမြို့ပေါင်း ၁၆၅ မြို့အား
အစိုးရ၏ အများပြည်သူစီမံခန့်ခွဲရေး၊ လူ့စွမ်းအားအရင်းအမြစ်၊ လူမှုဖူလုံရေး၊
စီးပွားရေး၊ သဘာဝပတ်ဝန်းကျင်ထိန်းသိမ်းမှု၊ သယ်ယူပို့ဆောင်ရေး၊
မြို့ပြစီမံကိန်း၊ ကျန်းမာရေးစောင့်ရှောက်မှုနှင့် နည်းပညာ ဟူသည့်
အခြေခံအချက် ၉ ချက်ပေါ်မူတည်၍ ဆန်းစစ်လေ့လာခဲ့ခြင်းဖြစ်သည်။
၎င်းစာရင်းကို IESE Graduate Business School က နှစ်စဉ်ထုတ်ပြန်လာခဲ့
သည်မှာ ယခုနှစ်သည် ပဉ္စမအကြိမ်မြောက်ဖြစ်သည်။

စီးပွားရေးတစ်ခုတည်းသက်သက်သာ ကြည့်လျှင်မူ တိုကျိုသည်
ကမ္ဘာ့ဒုတိယအဆင့်တွင် ရှိပြီး လူ့စွမ်းအားအရင်းအမြစ်သက်သက်တွင်မူ
ပဉ္စမအဆင့်တွင် ရှိကြောင်းလည်း သိရသည်။


ခင်အေးချမ်း မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com