ဟောလိဝုဒ်ဂန္ထဝင်မင်းသမီးကြီး အဲလစ်ဇဘက် တေလာသည် အိမ်ထောင် ၈ ကြိမ်ပြုခဲ့သည့်အနက် ၆ ကြိမ်၏ အိမ်ထောင်ဦးကာလများ ဖြတ်သန်းခဲ့ဖူးသော လော့စ်အိန်ဂျလိစံအိမ်ကြီး အရောင်းဈေးကွက်ဝင်လာသည်။
အဆိုပါ စံအိမ်ကြီး နောက်ဆုံးအရောင်းအဝယ်ဖြစ်ခဲ့သည်မှာ လွန်ခဲ့သည့် ၂၁ နှစ်ခန့်ကဖြစ်ပြီး ယင်းနောက်ပိုင်းကတည်းက လက်ပြောင်းလက်လွှဲမရှိခဲ့ဘဲ ယခုအခါ ပထမဆုံးအရောင်းဈေးကွက်ဝင်လာခြင်း ဖြစ်သည်။
လော့စ်အိန်ဂျလိမြို့၊ နာမည်ကျော် ဘီဗာလီဟေးလ်အရပ်တွင် တည်ရှိသည့် အဆိုပါစံအိမ်ကြီးကို ကန်ဒေါ်လာ ၁၅ ဒသမ ၉ သန်းဖြင့် ဈေးကွက်တင်လာခြင်း ဖြစ်သည်။
အဲလစ်ဇဘက် တေလာသည် ယင်းစံအိမ်ကို ဒုတိယမြောက်ခင်ပွန်းဖြစ်သူ မိုက်ကယ် ဝီလ်ဒင်းနှင့်အတူ ၁၉၅၄ ခုနှစ်တွင် ဝယ်ယူခဲ့ခြင်းဖြစ်ကြောင်း ဈေးကွက်တင်သည့် Coldwell Banker Global Luxury မှ အိမ်ခြံမြေအကျိုးဆောင် ဂျွိုက်စ် ရေးက ပြောကြားသည်။
၁၉၅၆ ခုနှစ်တွင် လင်မယားကွာရှင်းပြတ်စဲကြရာတွင် မိုက်ကယ်လ် ဝီလ်ဒင်းက အဆိုပါစံအိမ်ကို အဲလစ်ဇဘက်တေလာအား ပေးအပ်ခဲ့ပြီး သူ၏လက်တွင် ၁၉၅၇ ခုနှစ်အထိ ရှိနေခဲ့သည်။
သို့ရာတွင် အဲလစ်ဇဘက်တေလာသည် ဈေးနှုန်းမည်မျှဖြင့် ဝယ်ယူခဲ့ပြီး မည်သည့်ဈေးနှုန်းဖြင့် ပြန်လည်ရောင်းချခဲ့သည်ကိုမူ မသိရချေ။
နာမည်ကျော် Beverly Hills ဟိုတယ်နှင့် ၂ မိုင်ခန့်သာ ဝေးကွာသည့် အဆိုပါစံအိမ်ကြီးတွင် အဲလစ်ဇဘက်တေလာသည် ပျားရည်ဆမ်းကာလ ၆ ကြိမ်ဖြတ်သန်းခဲ့ဖူးသည်ဟု ဆိုသည်။
စံအိမ်အကျယ်အဝန်း စတုရန်းပေ ၇၇၆၁ ရှိပြီး အိပ်ခန်း ၆ ခန်း၊ မီးလင်းဖို ၄ ခု၊ စာကြည့်တိုက်တစ်ခု၊ ရေပူကန်တစ်ခုနှင့် အနုပညာ စတူဒီယိုတစ်ခုတို့ ပါဝင်ကြောင်း ဈေးကွက်တင်သည့် ကုမ္ပဏီ၏ ကြော်ငြာတွင် ဖော်ပြထားသည်။
လက်ရှိပိုင်ရှင်မှာ အသက် ၉၀ အရွယ်ရှိနေပြီဖြစ်သော အငြိမ်းစားရှေ့နေကြီး မာဗင် ဂရော့စ်ဖြစ်ပြီး ၁၉၉၇ ခုနှစ်တွင် ဝယ်ယူခဲ့ခြင်းဖြစ်ကြောင်း အိမ်ခြံမြေမှတ်တမ်းများတွင် ဖော်ပြသည်။
မာဗင်ဂရော့စ်က အဆိုပါပါနေအိမ်ကို ကန်ဒေါ်လာ ၂ သန်းဖြင့် ဝယ်ယူခဲ့ခြင်းဖြစ်သည်။
သူ၏ မိတ်ဆွေတစ်ဦးဖြစ်သူ ဗိသုကာပညာရှင် ဘတ်ဒ် ဟိုးလ်ဒင်း၏ တိုက်တွန်းချက်ဖြင့် ဝယ်ယူလိုက်ခြင်းဖြစ်သည်ဟု ဆိုသည်။
“နာမည်ကျော်တစ်ဦးနဲ့ ဆက်နွှယ်မှုရှိတဲ့အိမ်ဆိုတာတွေ ကျွန်တော်မသိပါဘူး။ ဘတ်ဒ်ရဲ့ ထောက်ခံမှုနဲ့သာ ဝယ်ယူခဲ့တာဖြစ်ပါတယ်” ဟု မစ္စတာ ဂရော့စ်က ဆိုသည်။
ဗိသုကာပညာရှင် ဘတ်ဒ် ဟိုးလ်ဒင်းသည် ၁၉၈၀ ၊ ၉၀ ပြည့်လွန်ကာလများအကြား ဟောလိဝုဒ်အကျော်ကြားဆုံးကြယ်ပွင့်တို့အတွက် နေအိမ်ဒီဇိုင်းများ ရေးဆွဲပေးခဲ့ခြင်းဖြင့် နာမည်ကျော်သူ ဖြစ်သည်။
မစ္စတာ ဘတ်ဒ်က ယင်းနေအိမ်ကို ပြန်လည်ဒီဇိုင်းရေးဆွဲ မွမ်းမံမှုများပြုလုပ်ခဲ့ရာ အကျယ်အဝန်းအားဖြင့် စတုရန်းပေ ၂၀၀၀ ခန့် ပိုမိုကျယ်ဝန်းလာပြီး ပြတင်းပေါက်များစွာ ပါဝင်လာခဲ့သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
