နိုင်ငံခြားရင်းနှီးမြှုပ်နှံမှုများ ပိုမိုဝင်ရောက်လာနိုင်ခြင်းကြောင့် သီလ၀ါအထူးစီးပွားရေးဇုန်ဧရိယာကိုချဲ့ထွင်၍ မြို့တမြို့ပုံစံ အကောင်အထည်ဖော်သွားမည်ဖြစ်ကြောင်း သီလ၀ါအထူးစီးပွားရေးဇုန် စီမံခန့်ခွဲမှုကော်မတီ၊ အတွင်းရေးမှူးဒေါက်တာရွှေဟိန်းက ဇွန်လ ၂၇ ရက်၌ News Watch သို့ ပြောသည်။
''သီလ၀ါအထူးစီးပွားရေးဇုန်က ၅၇၂၃ ဧကရရှိထားပါတယ်။ လောလောဆယ်မှာတော့ ပထမဇုန် A ကို Phase-1 အနေနဲ့ ဟက်တာ ၄၀၅၊ (ဧက ၁၀၀၀) ကို ဖွံ့ဖြိုးအောင်လုပ်ပြီးဖြစ်ပါတယ်။ ဇုန်ဧရိယာတခုလုံးကို ဂျပန်အစိုးရနဲ့ ကျွန်တော်တို့ Master Plan ဆွဲနေတာပေါ့၊ ကျန်တဲ့ ဧရိယာတွေမှာ ကွန်ဒိုတွေလူနေထိုင်လို့ရအောင် သီလ၀ါကို မြို့တမြို့ပုံစံ အကောင်အထည်ဖော်သွားမှာဖြစ်ပါတယ်။ ဆိပ်ကမ်းဘက်ခြမ်းကိုတော့ Logistic Center ကို ထားပြီး တည်ဆောက်သွားမှာဖြစ်တယ်'' ဟု ၎င်းက ပြောသည်။
''သီလ၀ါအထူးစီးပွားရေးဇုန် B ဒုတိယအဆင့် Phase1 ကို ၂၀၁၇ ခုနှစ် ဖေဖော်ဝါရီ ၂၄ ရက်၌ ဖွင့်လှစ်ခဲ့ပြီး မြေဧရိယာ ၁၀၁ ဟက်တာကို စတင်အကောင်အထည်ဖော်ခဲ့ရာတွင် ရင်းနှီးမြှုပ်နှံမှုများ ပိုမိုဝင်ရောက်လာ ခြင်းကြောင့် လက်ရှိ ၆၆ ဟက်တာကို တိုးချဲ့နေပြီး ၂၀ ၁၉ ခုနှစ်အကုန်တွင် ပြီးစီးနိုင်ကြောင်း သိရသည်။ ထို့အပြင် ဇုန် B ၏ ၉၉ ဟက်တာကိုထပ်မံ တိုးချဲ့သွားရန် အစီအစဉ်ရှိနေပြီး ဇုန် B တွင် စုစုပေါင်း ၂၇၇ ဟက်တာကို အကောင်အထည်ဖော်ရန်ရှိကြောင်း သိရသည်။
ထိုသို့ သီလ၀ါအထူးစီးပွားရေးဇုန် ဧရိယာမြေဧက ဧက ၅၀၀၀ ကျော်ချဲ့ထွင်ပြီးပါက အလုပ်သမားဦးရေ ၂၀၀၀၀၀ ကျော်အတွက် အလုပ်အကိုင်အခွင့်အလမ်းများ ဖန်တီးပေးနိုင်မည်ဖြစ်ကြောင်း သီလ၀ါအထူး စီးပွားရေးဇုန်စီမံခန့်ခွဲမှုကော်မတီအတွင်းရေးမှူး ဒေါက်တာရွှေဟိန်းက ပြောသည်။
''အလုပ်အကိုင်အခွင့်အလမ်းအနေနဲ့ အခုလက်ရှိ ၁၅,၀၀၀ နဲ့ ၂၀,၀၀၀ ကြား ဖန်တီးပေးနိုင်တယ်။ အခုလောလောဆယ် ဆောက်လုပ်ရေးလုပ်ငန်းတွေ လုပ်နေတာရှိတယ်။ စက်ရုံတရုံမှာ အလုပ်သမားဦးရေ ၂၀၀ လောက်တော့ရှိတယ်။ သီလ၀ါဇုန်ကြီးတခုလုံး ဧက ၅၀၀၀ ကျော်လောက်ပြီးသွားရင်တော့ အလုပ်အကိုင် ပေါင်း ၂၀၀,၀၀၀ ကျော်လောက် ဖန်တီးပေးနိုင်မှာဖြစ်ပါတယ်။ အခုနောက်ပိုင်း သီလ၀ါက တဖြည်းဖြည်း နာမည်ကြီးလာတော့ တနေ့တနေ့ကို ရင်းနှီးမြှုပ်နှံချင်တဲ့ ကုမ္ပဏီလေး၊ ငါးခုလောက် လာစုံစမ်းကြ ပါတယ်''ဟု ၎င်းက ပြောသည်။
သီလ၀ါအထူးစီးပွားရေးဇုန်ကို ၂၀၁၅ ခုနှစ် စက်တင်ဘာ ၂၃ ရက်၌ ဖွင့်လှစ်ခဲ့ပြီး ၃ နှစ်တာကာလအတွင်း ကုမ္ပဏီပေါင်း ၉၆ ခုဝင်ရောက်လာကာ လက်ရှိလုပ်ငန်းလည်ပတ်နေသည့် ကုမ္ပဏီ ၅၀ ရှိကြောင်း၊ အဆိုပါကုမ္ပဏီများထဲတွင် မြန်မာကုမ္ပဏီ ၂၀ ရာခိုင်နှုန်းရှိပြီး ၈၀ ရာခိုင်နှုန်းသည် နိုင်ငံခြားရင်းနှီးမြှုပ်နှံသူ များဖြစ်ကြောင်း သိရသည်။
သီလ၀ါအထူးစီးပွားရေးဇုန်သည် အချက်အချာကျသောနေရာတခုဖြစ်ပြီး ရန်ကုန်မှ ၂၃ ကီလိုမီတာ ကွာဝေးသည်။ လက်ရှိရန်ကုန်မြို့နှင့် ဆက်သွယ်ထားသော တံတားတစင်းထပ်မံ၍ တည်ဆောက်ရန် အစီအစဉ်များရှိကြောင်း၊ ထို့အပြင် သီလ၀ါဒေသနှင့် ထိုင်းနိုင်ငံကိုဆက်သွယ်မည့် လမ်းမကြီးတခုဖောက် လုပ်ရန် ဆာဗေးများပြုလုပ်နေကြောင်းလည်း သိရသည်။
အထူးသဖြင့် အာရှ ၁၀ နိုင်ငံမှ သီလ၀ါတွင် ထပ်မံ၍ရင်းနှီးမြှုပ်နှံရန် မျှော်လင့်ထားကြောင်းနှင့် ယခုအခါ ကိုရီးယားနှင့် တရုတ်တို့တဖြည်းဖြည်းဝင်ရောက်လာကာ လက်ရှိရင်းနှီးမြှုပ်နှံမှု အများဆုံးမှာ ဂျပန်ကုမ္ပဏီ များဖြစ်ကြောင်း သိရသည်။
Credit: 7Daydaily
