တရုတ်ပြည်တောင်ပိုင်း နည်းပညာမြို့တော်ဖြစ်သော ရှန်းဇန်တွင် တန်ဖိုးနည်း အငှားအိမ်ရာ လူနေခန်းပေါင်း ၁ ဒသမ ၇ သန်းကို လာမည့် ၂၀၃၅ ခုနှစ်အရောက်တွင် အပြီးသတ်ပြီးစီးအောင် ဆောက်လုပ်သွားရန် စီစဉ်လျက်ရှိကြောင်း တရုတ်အခြေစိုက် ယိစိုင်း ဂလိုဘယ် သတင်းဝက်ဘ်ဆိုက်တွင် ဖော်ပြသည်။
ယခုခြေလှမ်းမှာ တရုတ်အစိုးရ၏ ရည်မှန်းချက်များနှင့်လည်း…
ရှန်ကျန်း အိမ်ရာနှင့် ဆောက်လုပ်ရေးဗြူရို (SHCB) က ထုတ်ပြန်ခဲ့ရာတွင် ကျွမ်းကျင်လုပ်သားများ၊ ဝင်ငွေ နိမ့်ပါးသူများနှင့် အလယ်အလတ်ဝင်ငွေရှိသူများအတွက် နေအိမ်ခန်းပေါင်း အနည်းဆုံး ၁ သန်းခန့် ဆောက်လုပ်မည်ဖြစ်ကြောင်း ထုတ်ပြန်ထားသည်။
တရုတ်ဖွံ့ဖြိုးရေးသိပ္ပံ (CDI) ၏ ညွန်ကြားရေးမှူး Song Ding က ပြောကြားရာတွင် လွန်ခဲ့သော နှစ်ပေါင်း ၂၀ ကာလမှ ယနေ့အထိ ၎င်းတွေ့ခဲ့ဖူးသမျှ အိမ်ရာမူဝါဒများတွင် ယခုအစီအစဉ်မှာ စနစ်အကျဆုံးနှင့် အရှုပ်ထွေးဆုံးဖြစ်ပြီး ဒေသတွင်း အိမ်ခြံမြေဈေးကွက်အပေါ် ကြီးမားသည့်အကျိုးသက်ရောက်မှုများ ဖြစ်လာမည်ဟု ဆိုသည်။
တန်ဖိုးနည်းအိမ်ရာမှာ ဝင်ငွေနည်းပါးသည့် မိသားစုများအတွက် အဖြေတစ်ခုဖြစ်လာမည်ဖြစ်သော်လည်း ကူးသန်းရောင်းဝယ်ရေးဆိုင်ရာ အဆောက်အအုံများ ရောင်းလိုအားကန့်သတ်ချက်ရှိခြင်းမှာ ဇိမ်ခံလူနေအိမ်ဈေးနှုန်းများကို မြင့်တက်လာစေမည်ဟုလည်း ၎င်းက ဖြည့်စွက်ပြောကြားသည်။
တရုတ်ပြည်တွင် အိမ်ခြံမြေဈေးနှုန်းများမှာ မည်သည့်ကာလနှင့်မျှ မတူအောင် အလွန်အမင်းမြင့်တက်လာလျက်ရှိသောကြောင့် တရုတ်အစိုးရက ပြီးခဲ့သော မတ်လမှစတင်ကာ အိမ်ခြံမြေဈေးကွက်ကို တင်းကျပ်သည့်ထိန်းချုပ်မှုများ ပြုလုပ်လျက်ရှိလာသည်။
တရုတ်သမ္မတ ရှီကျင့်ဖျင်က နေအိမ်သည် နေထိုင်ရန်သာဖြစ်ပြီး ရင်းနှီးမြှုပ်နှံရန်မဟုတ်ဟူ၍ ပြောကြားထားရာ ဒေသတွင်း အုပ်ချုပ်ရေးအဖွဲ့တို့က တန်ဖိုးနည်းအငှားအိမ်ရာများစွာ ဖော်ဆောင်ရန် ကြိုးပမ်းလာကြလျက်ရှိသည်။
ယခုစီမံကိန်းအရ ကျွမ်းကျင်လုပ်သားများအတွက် လူနေခန်းများမှာ စတုရန်းမီတာ ၉၀ အကျယ်အဝန်းဆောက်လုပ်ပေးသွားမည်ဖြစ်ပြီး ဝယ်ယူသူ (သို့မဟုတ်) ငှားရမ်းသူများသည် ၄၀ ရာခိုင်နှုန်း အထူးလျှော့ဈေးရရှိသွားမည် ဖြစ်သည်။
အလယ်အလယ်ဝင်ငွေရှိသူများအတွက် စတုရန်းမီတာ ၇၀ ကျယ်ဝန်းသော လူနေခန်းများ ဆောက်လုပ်ပေးသွားမည်ဖြစ်ပြီး စတုရန်းမီတာ ၃၀ မှ ၆၀ အကြားရှိမည့်အခန်းများကိုမူ အငှားလူနေခန်းများအဖြစ် ရည်ရွယ်သည်ဟု ဆိုသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
