တရုတ်အစိုးရပိုင် China Resources ကုမ္ပဏီက ဟောင်ကောင်တွင် ကမ္ဘာကျော်သူဌေးကြီး လီကာရှင်း၏ နေအိမ်ဘေးရှိ စတုရန်းပေ ၉၀၀၀၀ ကျော်ကျယ်ဝန်းသော မြေနေရာကို စံချိန်တင်ဈေးနှုန်းဟောင်ကောင်ဒေါ်လာ ၆ ဘီလီယံဖြင့် ဝယ်ယူ

တရုတ်အစိုးရပိုင် China Resources ကုမ္ပဏီသည် ဟောင်ကောင်တွင် ကမ္ဘာကျော်သူဌေးကြီး လီကာရှင်း၏ နေအိမ်ဘေးရှိ စတုရန်းပေ ၉၀၀၀၀ ကျော်ကျယ်ဝန်းသော မြေနေရာကို စံချိန်တင်ဈေးနှုန်းဟောင်ကောင်ဒေါ်လာ ၆ ဘီလီယံဖြင့် ဝယ်ယူလိုက်ကြောင်း ရှန်ဟိုင်းအခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။

China Resources ကုမ္ပဏီသည် ရှန်းဇန်မြို့တွင် အခြေစိုက်ကာ လက်လီလုပ်ငန်းမှသည် စွမ်းအင်ကဏ္ဍအထိ လုပ်ကိုင်လျက်ရှိသည်။

ယခုအခါ ဟောင်ကောင်ရှိ ရှောက်စန်ဟေးလ် Shouson Hill အရပ်ရှိ လူနေမြေကွက်ကို ဟောင်ကောင်ဒေါ်လာ ၆ ဘီလီယံ (ကန်ဒေါ်လာ ၇၆၅ သန်း) ဖြင့် ဝယ်ယူလိုက်ခြင်း ဖြစ်သည်။

စတုရန်းပေ ၉၂၀၈၇ ( ၈၅၅၅ စတုရန်းမီတာ) အကျယ်အဝန်းရှိသော မြေနေရာကို ၃ ထပ်နှင့် အထက်အဆောက်အအုံများ ဆောက်လုပ်ရန်၊ ကြမ်းခင်းဧရိယာ စတုရန်းပေ စုစုပေါင်း ၆၉၀၆၅ ဆောက်လုပ်ရန် အတည်ပြုခွင့်ပြုချက်ရရှိခဲ့ပြီးဖြစ်ကြောင်း ဟောင်ကောင်အခြေစိုက် Colliers International ၏ လက်ထောက် မန်နေးဂျင်းဒါရိုက်တာ ဗင်းဆင့်ချန်းက ပြောကြားသည်။

အရောင်းအဝယ်ဖြစ်ခဲ့သော ဈေးနှုန်းအရ တစ်စတုရန်းပေလျှင် ဟောင်ကောင်ဒေါ်လာ ၈၆၈၀၀ ကျသင့်ခဲ့ခြင်းဖြစ်ပြီး ပြီးခဲ့သည့် ၂၀၁၄ ခုနှစ်အတွင်း အရောင်းအဝယ်ဖြစ်ခဲ့သည့် ဟောင်ကောင်ဒေါ်လာ ၅ ဒသမ ၁ ဘီလီယံကို ကျော်ဖြတ်ခဲ့သည်။

ယခုမြေနေရာပေါ်တွင် ဆောက်လုပ်ရေးလုပ်ငန်းများ အပြီးသတ်လုပ်ဆောင်ပြီးပါက တစ်စတုရန်းပေလျှင် ဟောင်ကောင်ဒေါ်လာ ၁၅၀၀၀၀ မှ ၁၈၀၀၀၀ ခန့်အထိ ဈေးခေါ်ရောင်းချသွားဖွယ်ရာရှိကြောင်း ဗင်းဆင့်ချန်းက ခန့်မှန်းသည်။

China Resources သည် ရှောက်စန်ဟေးလ်လမ်း၊ အမှတ် ၃၉ ရှိ မြေကွက်ကို ဟောင်ကောင်၏ အစောဆုံးသူဌေးကြီးများတွင် အပါအဝင်ဖြစ်သော ရှောက်စန်ချောင်း၏ မိသားစုထံမှ ဝယ်ယူခဲ့ခြင်းဖြစ်သည်။

ရှောက်စန်ဟေးလ်လမ်းတွင် ဘီလျံနာကြီး လီကာရှင်း၏ နေအိမ်လည်းတည်ရှိနေသည့်အပြင် ဟောင်ကောင်ဘဏ္ဍာရေးဝန်ကြီး၏ တရားဝင်နေအိမ်တည်ရှိရာလည်း ဖြစ်သည်။

ရှောက်စန်ချောင်းသည် ၁၈၆၁ ခုနှစ်တွင် မွေးဖွားပြီး Phillips Exeter အကယ်ဒမီနှင့် အမေရိကန်ပြည်ထောင်စုရှိ ကိုလံဘီယာတက္ကသိုလ်တို့တွင် ပညာဆည်းပူးခဲ့ပြီးနောက် အရှေ့အာရှဘဏ်ကို ၁၉၁၈ ခုနှစ်တွင် ပူးတွဲတည်ထောင်ခဲ့သူဖြစ်သည်။

ရှောက်စန်ချောင်းသည် စီးပွားရေးနယ်တွင်သာမက နိုင်ငံရေးဘက်တွင်လည်း သြဇာတိက္ကမကြီးမားသူတစ်ဦးဖြစ်ပြီး ဟောင်ကောင်ကို ဗြိတိသျှတို့ အုပ်ချုပ်နေစဉ် ၁၉၂၆ ခုနှစ်အတွင်း ဟောင်ကောင်အမှုဆောင်ကောင်စီ၌ ခန့်အပ်ခံရသော ပထမဆုံး တရုတ်လူမျိုးလည်း ဖြစ်ခဲ့သည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)