အောင်ဆန်းကွင်း၊ စလင်းကွင်းနှင့်ပဒုမ္မာကွင်းတို့ကို တစ်လကျပ်ငါးသိန်းပင် မပြည့်သည့်နှုန်းဖြင့်ယခင်အစိုးရက ငှားရမ်းပေးခဲ့

ယခင်အစိုးရလက်ထက် ကတည်းက မြန်မာနိုင်ငံဘောလုံး အဖွဲ့ချုပ်သို့ ငှားရမ်းချပေးထား သည့် အောင်ဆန်းကွင်း၊ စလင်း ကွင်းနှင့် ပဒုမ္မာကွင်းတို့ကို ငှား ရမ်းခသည် တစ်နှစ်လျှင် ကျပ်သိန်း ၁၃၀ ခန့်သာရရှိကြောင်း ရန်ကုန် တိုင်းလူမှုရေးဝန်ကြီး ဦးနိုင်ငံလင်း က ပြောကြားသည်။

သို့ဖြစ်ရာ တစ်လလျှင် ကျပ် ငါးသိန်းပင်မပြည့်သည့် နှုန်းဖြင့် နှစ် ၃၀ ငှားရမ်းပေးခဲ့သည်။

၂၀၁၀ ကစ၍ ကနဦးသုံးနှစ် ကို အခမဲ့ငှားရမ်းခဲ့သေးကြောင်း၊ ယင်းအခမဲ့ငှားရမ်းကာလ ပြည့် သည့်နောက်ပိုင်း နှစ် ၃၀ စာချုပ် ဖြင့် ငှားရမ်းခဲ့ကြောင်း ဝန်ကြီးက ပြောသည်။

တစ်နှစ်လျှင် အောင်ဆန်း ကွင်းနှင့် ပဒုမ္မာကွင်းငှားရမ်းခ သည် ကျပ်သိန်း ၅၀ စီဖြစ်ပြီး စလင်းကွင်းသည် ကျပ်သိန်း ၃၀ ဖြစ်သည်။

ငါးနှစ်တစ်ကြိမ် စာချုပ်ချုပ် ဆိုငှားရမ်းခြင်းဖြစ်ကြောင်း ဦးနိုင် ငံလင်းကရှင်းပြသည်။ ‘‘ဒီငှားရမ်း ခငွေတွေကို နိုင်ငံတော်ဘဏ္ဍာ ငွေအဖြစ် ပေးသွင်းရပါတယ်’’ ဟု ၎င်းကပြောကြားသည်။

ဇွန်လ ၆ ရက်က ပြုလုပ် သည့် ရန်ကုန်တိုင်းလွှတ်တော်၌ ဒဂုံမြို့နယ် တိုင်းဒေသကြီးလွှတ် တော်ကိုယ်စားလှယ် ဦးကျော်ဇေ ယျက မြန်မာနိုင်ငံဘောလုံးအဖွဲ့ ချုပ်လက်အောက်ရှိ အဆိုပါကွင်း သုံးကွင်းကို နိုင်ငံတော်က မည် သည့် သဘောတူညီချက်များဖြင့် လွှဲပြောင်းပေးအပ်ထားကြောင်း မေးမြန်းရာ ဝန်ကြီးက အထက်ပါ အတိုင်း ဖြေကြားခြင်းဖြစ်သည်။

ယင်းဘောလုံးကွင်းများ သည် ငှားရမ်းခနည်းပါးစွာရရှိသဖြင့် စာချုပ်များအပေါ် ပြန်လည် ဆွေးနွေးရန်ရှိကြောင်း ဦးကျော် ဇေယျကပြောသည်။

‘‘ဒီကွင်းပတ်လည်မှာရှိတဲ့ ဆိုင်ခန်းငှားခတွေနဲ့ ယှဉ်ပြောရင် မိုးနဲ့ မြေလို ဖြစ်သွားတာပေါ့။ ပုဂ္ဂိုလ်ရေးအရတော့ ဘာမှပြော စရာမရှိပါဘူး။ ဘောလုံးအဖွဲ့ချုပ်ကလည်း ဘောလုံးလောက အောင်မြင်ရေးအတွက် လုပ်နေ တာပဲ။ သူတို့ရလဒ်တွေက ဘာ တွေရခဲ့လဲဆိုတာ ချိန်ထိုးပြီး သိ ချင်တာပါ’’ဟု ၎င်းက သုံးသပ် ပြောသည်။

အထက်ပါကိစ္စနှင့် ပတ် သက်၍ မြန်မာနိုင်ငံဘောလုံးအ ဖွဲ့ချုပ် ကွင်းရုံဒါရိုက်တာ ဦးသန်း ဝင်းက ‘‘ဒါက ၂၀၁၀ ကတည်းက နိုင်ငံတော်အစိုးရရုံးရော၊ အားက စားဝန်ကြီးဌာနကရော တရားဝင် ကျွန်တော်တို့ကို သုံးနှစ်အခမဲ့ အ ရင်ငှားရမ်းပေးတာပါ။ ၂၀၁၃ ကျ မှ ကွင်းအလိုက် ငှားရမ်းခကျသင့် ငွေသတ်မှတ်ပြီး သွင်းပေးရတာ ပါ။ ကျွန်တော်တို့ ဒီလိုမျိုး ငှားရမ်း ခငွေသွင်းရတဲ့အပြင် ပြိုင်ပွဲလုပ် နေတဲ့ ကာလတစ်လျှောက်လုံး ကွင်းရဲ့လိုအပ်တာတွေ အကုန် လုံးကို ပြုပြင်ပေးပါတယ်။ မြက် ခင်းပြင်၊ မီးမောင်းတွေအစ အကုန်လုံး ပြုပြင်ထိန်းသိမ်းပေးရပါ တယ်။ ပွဲတွေလည်း တစ်နှစ်ပတ် လုံးကျင်းပပေးပါတယ်။ တကယ် တမ်းပြောရရင် ဒါတွေအားလုံးကို ဘောလုံးအဖွဲ့ချုပ်က စိုက်ထုတ် ပြီး လုပ်ပေးရတာပါ။ နိုင်ငံတော် က ထောက်ပံ့ငွေမရပါဘူး။ ဒါက နိုင်ငံရဲ့ ဘောလုံးအဆင့်အတန်း တိုးတက်ဖို့ တစ်ခုတည်းအတွက် ရည်ရွယ်ပြီး ကျွန်တော်တို့ ဘော လုံးအဖွဲ့ချုပ်ဘက်က လုပ်ဆောင် ပေးတာပါ။ ဒါကြောင့် ကျွန်တော် တို့ ဘောလုံးအဖွဲ့ချုပ်ဘက်ကို လည်း ပြန်ကြည့်ပေးစေချင်ပါ တယ်’’ဟု ပြောသည်။


Credit: 7Daydaily