လေးလမ်းသွားအမြန်လမ်း မိုးပျံတံတားစီမံကိန်း အမှန်တကယ်အကောင်အထည်ဖော်မည်ဟုဆို

ရန်ကုန်မြို့တွင် တည်ဆောက်ရန် စီစဉ်နေသည့် မိုးပျံတံတားစီမံကိန်းကို အမှန်တ ကယ်ဆောင်ရွက်မည်ဟု ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးဟန်ဇော်က ပြော သည်။‘‘ကျွန်တော်တို့လုပ်တာက လုပ်နိုင်ပါတယ်။ ပိုက်ဆံပါပဲ အဓိကက’’ဟု ၎င်းက ပြောသည်။

ဇွန်လ ၄ ရက် အမျိုးသား လွှတ်တော်အစည်းအဝေးအပြီး တွင် သတင်းမီဒီယာများနှင့် တွေ့ ဆုံရာ၌ မိုးပျံတံတားတည်ဆောက် ခြင်းသည် မဖြစ်နိုင်ကြောင်း ဝေဖန်မှုရှိနေသည့်အပေါ် ဝန်ကြီးက အထက်ပါအတိုင်း တုံ့ပြန်သည်။

ရန်ကုန်ဆိပ်ကမ်းမှ စတင် ကာ ရန်ကုန်အပြည်ပြည်ဆိုင်ရာ လေဆိပ်၊ မင်္ဂလာဒုံစက်မှုဇုန်နှင့် ရန်ကုန်-မန္တလေးအမြန်လမ်းအ ထိ မိုင် ၃၀ ခန့်ရှည်လျားမည့် လေးလမ်းသွား မိုးပျံတံတားကို ပုဂ္ဂလိ က၊ အစိုးရပူးပေါင်းဆောင်ရွက်မှု ဖြင့် အကောင်အထည်ဖော်ရန် ဆောက်လုပ်ရေးဝန်ကြီးဌာနက စီစဉ်နေသည်။

ရန်ကုန်တောင်ပိုင်းနှင့် မြောက်ပိုင်း ချိတ်ဆက်မည့် မြန်မာ့ပထမဆုံး အဆင့်မြင့်မိုးပျံလေး လမ်းသွားအမြန်လမ်းစီမံကိန်းကို ၂၀၁၉ တွင် စတင်ရန် စီစဉ်ထားပြီး ယင်းစီမံကိန်းအတွက် ပုဂ္ဂလိကကဏ္ဍမှ ကန်ဒေါ်လာသန်း ၃၅၀ မှ သန်း ၄၀၀ အထိ အသုံးပြု မည်ဆိုသည်။

ယင်းမိုးပျံတံတားစီမံကိန်း ကို ကမ္ဘာ့ဘဏ်၊ အပြည်ပြည်ဆိုင် ရာ ဘဏ္ဍာရေးကော်ပိုရေးရှင်း (IFC)တို့၏ အကူအညီဖြင့် ဆောက်လုပ်ရေးဝန်ကြီးဌာနက တည်ဆောက်မည်ဖြစ်ပြီး အပြည် ပြည်ဆိုင်ရာ ဘဏ္ဍာရေးကော်ပို ရေးရှင်း(IFC)ကို ဇန်နဝါရီ ၁၁ ရက်တွင် ဦးဆောင်အကြံပေးအ ဖြစ် ခန့်အပ်ခဲ့သည်။

အဆိုပါစီမံကိန်းအတွက် အရည်အသွေးပြည့်ဝသော ပုဂ္ဂလိက ဆောက်လုပ်ရေးကုမ္ပဏီ တစ်ခုရွေးချယ်ရန် နိုင်ငံတကာအဆင့်မီ တင်ဒါခေါ်ယူမည်ဟု ကမ္ဘာ့ဘဏ်အုပ်စု အဖွဲ့အစည်းဖြစ် သည့် IFC က မျှော်လင့်ကြောင်း ထုတ်ပြန်ထားသည်။

‘‘ဒီတံတားကို လုပ်ဖို့အတွက် ကို ကုမ္ပဏီရှာနေတာ။ မကြာခင် တော့ စိတ်ဝင်စားတဲ့သူတွေလာပါလိမ့်မယ်။ ဘယ်ကုမ္ပဏီက လုပ်နိုင်မယ်ဆိုတာ အကဲခတ်ပြီးတော့ ရွေးချယ်သွားမယ်’’ဟု ဝန်ကြီးက ပြောသည်။

ဆောက်လုပ်ရေးဝန်ကြီးဌာနအနေဖြင့် ရန်ကုန်တိုင်းဒေသ ကြီးအစိုးရအဖွဲ့နှင့် ညှိနှိုင်း၍ ၄၇ ဒသမ ၅ ကီလိုမီတာရှည်လျား မည့် မိုးပျံလေးလမ်းသွားအမြန် လမ်းကို Public Private Par-tnership(PPP) အစီအစဉ်ဖြင့် ဖော်ဆောင်မည်ဖြစ်သည်။

Credit: 7Daydaily